Elizabeth II
Ilicapid II(Elizabeth II;伊莉莎白二世)
[mikawit | o yin-se-ma no pisinanot]O ’orip ni Ilisapay (Elizabeth II 伊莉莎白二世), Rihaked a kakaya’ko ‘orip ni Ilisapay, yo siwa polo’ira ko enem ko mihecaan ningra i, mapatay cingra.
Milayapay to saka cecay no rikisi to pito mihecaan no tapang cingra, o tahapinangan no hongti no sici ko demak ningra, o saka ci’icel, o sakarikec no kitakit, o kakeridan no mito’oray cingra. Nai 1953 mihecaan malatapang malahongti ira to ko pito miheca, o malecaday to malawina no polong no kasakitakit cingra, Marakat to ni Ilisapay ko nika tata’ang no pades, itini tona saka tosa no hekal to kalaloodan, mifalah to tatiihay a demak, pasayra to fangcalay rikec ato limo’ot. o kakangodoan no alomanay a tamdaw cingra. Itini i 2022 miheca siwa folad falo a romi’ad, ira ko sowal no citodongay a tamdaw pangiha,sowal sa tati’ih to ko tireng ni Ilisapay saan, itiya to lanokanokay sa tayni i kaitiraan no ina i Panola hananay, tangsolen to nangra a mifalicen to caymo(節目), ciriko’ to kohetingay ko citodongay a tamdaw i ka’ayaway no alomanay.
Takaray a Sowal(概略)
[mikawit | o yin-se-ma no pisinanot]I 1926 a miheca(年) saka 4 folad saka 21 a romi’ad masofoc(出生) ci Elizabeth II, malamikomoday a tamdaw.
O Sawara’an no kitakit no Antikuwa ato Papota(Ikiris a sowal:Antigua and barbuda;Kuwapin a sowal:安地卡及巴布達), Awco(Ikieis a sowal:Australia; Kuwapin a sowal:澳洲), Pahama(Ikiris a sowal:Bahamas;巴哈馬), Papito(Ikiris asowal:Ikiris a sowal:Barbados; Kuwaoing a sowal:巴貝多), Pilicu(Ikieisa a sowal:Belize; Kuwaping a sowal:貝里斯), Kanata(Ikiris a sowal:Canada; Kuwaoing a sowal:加拿大), Kulinlan (Ikiris a sowal:Greenland), Ciyamayka(Ikiris a sowal:Jamaica),Niwcilan(Ikiris a sowal: New zealand(紐西蘭), Papuwa Niw Kiniya(Ikiris a sowal:Papua new guinea; Kuwapin a sowal:巴布亞紐幾內亞), Tofalo(Ikiris a sowal:Tuvalu; Kuwaping a sowal:吐瓦魯) ato Inko( United kingdom ) anini i ci Elizabeth II, patirengan a romi’ad i 1952 a miheca saka 2 folad saka 6 a romi’ad.
kasofocan a loma' 出生家庭
[mikawit | o yin-se-ma no pisinanot]O mitokadan ko kahofoc ni Ilisapay (Elizabeth II 伊莉莎白二世), itini i Meyfeyer梅費爾（Mayfair）potal no poloton(Bruton Street 布魯頓街)17 a fangko, loma’ ni akong ama ningra a mahofoc. ya mo^tep ko mihecaan ni Ilisapay (Elizabeth II 伊莉莎白二世) haw i, mapatay to koya akong ningra, ci Ciyoce 5(George V 喬治五世) a hongti, ya malahongti ho ko akong ningra i, o mitapalan nira a kitakit o sakakahaday, saka kaemang ho cingra, mamarahongti to ko ’orip. mafana’ inaneng a pasifana’ a ko ina ni Ilisapay, pasifana’ to malatamdaw a demak no to’as, mafana’ haca cingra to masaroma’ay a caciyaw.
lalamod 配偶
[mikawit | o yin-se-ma no pisinanot]Ci Feylipo wawa no Honti(Ikiris a sowal:Prince Philip; kowapin a sowal:菲利浦王子) ko fa’inay ni Ilisapay, 1934 a miheca ko sa’ayaw nangra a masaso’araw, itiya kaemang ho ci Ilisapay, faloay ho ko mihecaan ningra, itiya to ci Feylipo malatapangay to no Kerik(Ikiris a sowal:Greece; kowapin a sowal:希臘), wawa no hongti cingra, i 1922 miheca mapaci'eci a papiliyas to Kerik, itiyaho kaemangay ho ko tireng, o ni'afofoan ho ningra. Tayra to i 13 mihecaan ni Ilisapay, malasofitayan no riyalan cingra, miliyaw to a masaso’araw aci Feylipo, tangsol sato a mangohah cangra, nai tiya mararid to cangra a patikami.
Itini I 1947 miheca saka 7 folad saka 9 a romi’ad ko pasifana’ ningra to tamdamdaw a paparamod i, tosa polo’ to ko mihecaan ningra. Itiya a miheca, saka 11 folad saka 20 a romi’ad i Siminse(Ikiris a sowal: Westminster Abbey; kowapin a sowal:西敏寺)a pataloma’, na’ ningra to tamdamdaw a paparamod i, itiya a romi’ad, milayap to ci Feylipo toya Aytingpaw kongciye(Ikiris a sowal: Duke of Edinburgh;kowapin a sowal:愛丁堡公爵)hananay a malokakeridan to a tamdaw.
I ’ayaw no paramod ci Feylipo ato ci Ilisapay i, adihayay ko mirawraway cangraan a demak, saka cecay, caay ka tatodong a malafa’inay ni Ilisapay saan, awaay ko katomirengan ato dafong ningra, o malasofitayay matayalay itini riyaran no Engkelan, ira haca ko salikaka ningra to fafahiyan a mararamod to roma kitakit a tapang, ira sato ko sowal, caay ka katodong cingra a malalamod ci Ilisapayay, o awaay ko loma’ato pikiloma’an a tapang saan. Adihay ko kati’ihay cingraan a sowal.
nikalahongtian 繼承王位
[mikawit | o yin-se-ma no pisinanot]Mirocok a malahongti ci Ilisapay II (Elizabeth II 伊莉莎白二世), so^linay a ngangan ningra ci Ilisapay・Yalisantera・Mari(Ikiris a sowal: Elizabeth Alexandra Mary;kowapin a sowal: 伊利沙伯·亞歷珊卓·瑪麗), 1952 miheca saka 2 folad saka 6 a romi’ad a mirocok to mama ningra ci Ciyoce 6(Ikiris a sowal:George VI ; kowapin a sowal:喬治六世) a malamikomoday no kitakit, ono aniniay Inkelen (Ikiris a sowal: United Kingdom of Great Britain and Northern Ireland; kowapin a sowal:大不列顛及北愛爾蘭聯合王國) a hongti, patatokiled sa a malamikomoday no kanata, Awco, Niwcilan, Nanfui, Pakistan ato Slian. itiyaay a sowal, ano o fafahiyan a malahongti haw i (Ikiris a sowal: queen regnant;kowapin a sowal:女王)hananay.
pararocokan 遺傳、繼承
[mikawit | o yin-se-ma no pisinanot]Ci Ciyoce 6(George VI 喬治六世) ko wama ni Ilisapay II(Elizabeth II 伊莉莎白二世), itiya ho o Yo-ke kongciye(Ikiris a sowal: Duke of York;kowapin a sowal:約克公爵), o kongciye hananay i, o iraay ko mipararocokay to ’orip, ano masamaan ko ’orip, masamaan ko pihakelong to rarocokan, ina ni Ilisapay (Elizabeth II 伊莉莎白二世) malahakelong to malaYo-ke kongciye a fafahi. Ano tooren ko pido^do no mamalahongti i, namahofoc ci Ilisapay, o sakatolo to a mamidotoc to tayal.
Nikawrira, oya faki ningra itiya ho kapah ho, corok han o nira ko mamalahongti, caay ka patatoor to wama ci Ilisapay II(Elizabeth II 伊莉莎白二世) a malahongti, nanoya mapatay to ci akong ningra i, o mamidotoc koya faki ningra, nawhani, oya kaolahan nira a fafahi i, kani tolo to a pakaetim, mangalef to a macacolicoli to cefang, kinasawad han yo nira ko tayal. Oya to wama ni Ilisapay (Elizabeth II 伊莉莎白二世) mikapot to a malahongti, saka ci ngangan to Ciyoce 6(George VI 喬治六世).
1936 a miheca mapatay to koya akong ni Ilisapay (Elizabeth II 伊莉莎白二世), o faki to ningra ko mamalahongti, caay ka halafin ci Aytehowa(Ikiris a sowal: Edward VIII; kowapin a sowal:愛德華八世), 42 a mihecaan malahongti cingra. Ma’osi cingra to lekakawa no demak no lalaocan, caay ka pikihar to demak, meketer to ko sifo nangra, oromasato, pinapina to a folad, oya kaolahan ni Aytehowa a fafahi milongoc to mamilikong toya saka tosa a fainay, ira haca ko pilalang no congli ato citodongay a kakeridan no sifo, hapimaan niyam ko malikongay a fafahiyan a malafafai no hongti saan,,dengan koni han nima, oya pitooran nangra o Engkelan a kiwkay(Ikiris a sowal: Church of England; kowapin a sowal: 英格蘭教會、英國國教會 ),caay ka nga’ay a cifafai anca cifainay to caay ho ka patay ko iayaway a fafai anca o fainay, ano miliyaw cingra a cifafahi cingraan i, maacekay ko matiniay a demak, saka ano liyangen ako konini a demek sako harateng ni Aytehowa, o caay to ka mamafilo ako toninian a tayal saan, saka, sawad han to ningra koya hongti a tayal, o wama to ni Ilisapay (Elizabeth II 伊莉莎白二世) ko mido^doay a malahongti,
Polong han ko malahongti ko ’orip ni Aytehowa, 326 a romi’ad, o sanka kaoto’ay a malahongti itini toni a Engkelan a likisi.
mamirocok 女王繼承
[mikawit | o yin-se-ma no pisinanot]mo^tep ko mihacaan ni Ilisapay (Elizabeth II 伊莉莎白二世) i, mahapinang to mamamirocok to malahongti cingra. itini 1952 miheca 2 folad 6 romi’ad, o wama ni Ilisapay (Elizabeth II 伊莉莎白二世), ci cilemed toya dadaya a miliyas to tona hekal, o ’orip ningra i 56 ko mihecaan, pakayni tona adadaay a tireng, matongal aca ko pikowan to kalalood no kitakit, caay to ka tanoktok ko tireng nira, patay sato.
Tatosa a malekaka cangra, sakakaay ci Ilisapay (Princess Elizabeth 伊莉莎白 ),mikotay toya adadaay a wama ningra a tayra i Kenya (Ikiris a sowal:Kenya; kowapin a sowal:肯亞) mihomon, o fa’inay to nira ci Feylipo(Ikiris a sowal:Prince Philip; kowapin a sowal:菲利浦王子) ko kafanaan to kapatay no wama ningra. Itiya ho 25 ko mihecaan ni Ilisapay, pakayni i nika patay no wama ningra, nawhani o mamisi’ayaw ho to malatapangay a tadakaretengay a tayal, nipili’an to a mamirocok a malahongti ci Ilisapay (Princess Elizabeth 伊莉莎白 ), nikawrira, do^doen ko demak, talaen reponen ko 16 a folad, misatapang to a mido^do to rikec ato lekakawa a midemak to mamalahongti a lisin.
pirocok ni Cars 查爾斯繼承
[mikawit | o yin-se-ma no pisinanot]pirocok ni Cars(Ikiris a sowal: Charles III; kowapin a sowal: 查爾斯王子), pakatengil ningra ko katati’ih to ko tireng no ina ci Ilisapayan i, sa’ayaway to a tayra i kaitiraan Pamola hananay, o mamirocok to mamalatapang mamalahonti cingra, ’arawhani, o sahalafi:nay a madahekat a malahongti ci Cars.
pitooran 信仰
[mikawit | o yin-se-ma no pisinanot]Adihayay ko pitooran no mita itini hekal, o maan ko pitooran no Sawara’an hani?
O kafana’an i, itiyaay ho saheto o inanengay malalokay a misiwkay ko tamdamdaw no kiloma’an no hongti, mararid tayra i Weseminsete(Ikiris a sowal: Westminster Abbey; kowapin a sowal: 威斯敏斯特教堂) a misiwko a mikapot to demak no kiwkay. O noya papipaino’ ci Loian(Ikiris a sowal: Prince Louis; kowapin a sowal: 路易王子), ato o maamaan no demek no kiwkay, korismas to a mikapot ko polong a laloma’an.
adada ato patay 病痛與逝世
[mikawit | o yin-se-ma no pisinanot]O o’rip ni Ilisapay (Princess Elizabeth 伊莉莎白 ) itini hekal, nai1926 miheca sepat folad 21 a romi’ad tangasa i 2022 miheca siwa folad 8 a romi’ad, siwa ira ko enem to ko mihecaan ningra. I ’ayaw no kapatay ni Ilisapay i,https://greatbizz11.blogspot.com/ ci adada toya lifong, saka tosa a foladan makinsa to COVID-19 ci Ilisapay i, mahapinan matikeda ningra ko adada, ira ko roma a tamdaw, sowal sato mapatay to ci Ilisapay saan, nikaorira, kalamkam sato a masadak sowal a miateng to sowl, tanektek ko tireng no tapang, awaay ko maan, malecad to malalisanay aca, itini to tolo folad saka cecay romi’ad, mapahololay misintay to tayniay a lafang.
No papotalay a kakafit
[mikawit | o yin-se-ma no pisinanot]- [https:/Queen Elizabeth II’s cause of death revealed/Queen Elizabeth II’s cause of death revealed/wiki/List_of_current_heads_of_state_and_government List of current heads of state and government]