U parik a lutuk

U parik a lutuk(kuwaping a sowal: 美崙山) I maka`amis nu kalingku, ira kiya 108 mayta katarakaw, pitu a pulu’ ira ku enem kadadahalay a masapucukay a lutuk. ’’Parik’’ han kuni pangangan. Nay `ayaw adihay ku ni pangangan tira lutukan. Tangasa saan i 1951 a mihca, tamek han tu a pangangan tu ’’maylunsan’’han nu hulam tangasa anini. (tuwa parik han nu Pangcah anini a pangangan). I enar ira ku mahaenay u kulul nu Isu a masapucukay a lutuk. U makamelaway sulinay mapaaw tu. Kay namahaen haw mapatanglal nira lutuk, ta sibangcalay atu kapahay a kungku nu Arikakay atu Kadabuwang. Mahaen kiyari ku saayaway a kungku. U ni Kadabuwang, tataak tarakaw kira tamdaw, makadipas tu i kakarayanay a kutem, malamaan ku tarakaway a lutuk awit han nira. Pasun caay ka riang caay kaedes, dihemay ku balucu. Sisa caay ka cacihi ka letaes atu Pangcah. Sa cacay saan a mawmah a ma`urip. Tuna mahaen araw si babahi cira tu kaying nu Pangcah ta masubuc tu babainay a wawa. Tu cacay a remi`ad mawmah cira i laku, araw pateli han nira ku nitatakan a sera i tepar nu liyal, caay ka tenes araw masalutulutk i tepar nu liyal. Bihbih han nu kamay ku sera nu i tirengay, araw matihtih i kawili nu kuku nira, mala aniniay tu a lutuk’’maylunsan’’…. Tuna mahaen caay mipisamisi cira araw mapacuk nira ku wawa atu babahi nira. Tuna mahaen matukatu, matakawtu , tangasa satu i salikulay araw masaybang nu niyar a patayan Kadabuwang.

Pi'arawan to lakaw

• 張美妹. (2011). Wikipedia 維基百科 族語詞條試寫─原住民族語詞條 2011作品集. 教育部.