Pakasaw

Pakasaw (kuwaping a sowal: 成年禮前集訓)

O pakasaw hananay i sa’amisana kasa’etal no ‘Amis i, oya mamiselal a pakarongay(年齡階級最低的少年組成員), pakonglinen no kafafaw a selal ko mira i papotal no niyaro’, maedeng cecay a lipay(一週時間) anca mo^tep a romi’ad. O nikonglinan i, ira ko ipapotalay a miki’orip, mi’adop, ;odot, radiw, lisin, kero, mikasoy(砍木柴), misaloma’(建房子), misanga’ to lalan(舖路), paamekang......o maamaaan a saki’orip a tayalan. Tona pikonglinan a romi’ad i, sapoeneren ko faloco’ a minanam, milicay to kafokilan. Cowa kanga’ay a miala to kakaenen nai loma’ a tayra tora pikonglinan, o nikaenan naira i, saheto o nialaan i omaomahan, ngosngos hananay anca tangtangan to hasapaterep to cahiw no tiyad. Ira ko paysin to nikaenan toya pikonglinan a romi’ad, o dateng i, o dengan o lapot no konga, awakay no tali ato kacipa’ay ko nga’ayay a kaenen. Ya papah no dateng ato foting i, cowa kanga’ay a kaenen. O sapipa’icel to faloco’ no tamdaw kona pilalang to kakaenen, roma sato tona pilalang to dateng no palapalaan i, hay misa’icel ko kapah a mi’adop sanay ko patosokan nona demak. Ona pikonglin deng o pipalatamdaw to pakarongay to saki’orip i palapalaan.

參考文獻一： 吳明義、李來旺、黃東秋，2002，《牽源─阿美族民俗風情》。臺東：交通部觀光局東部海岸國家風景區管理處。 參考文獻二： 吳明義，1998，〈臺灣原住民的傳統教育─以阿美族為範例〉，《臺灣本土文化國際學術研討會論文集》。臺北：臺灣師範大學人文教育研究中心。