Maysang

Falatfatay a fo’is (燦爛的星辰)

7/10, masofocay a fo’is (tamdaw) pihiratengan.

Cecay romi’ad no 1950 mihecaan, onto wiyinhuy itira i Cuyin pihitatanaman pakacomikay to 200 mita a pinanam, ira ko cecay “patihiay comikay” (to mala comikayay a dayhiw no kitakit a tamdaw) , miki’ayaw aca koya dayhiw a malacomikayay a tamdaw.

Oya sato mipili’ay a wiyin faheka cangra, masapinang no onto wiyinhuy konini a patihiay comikay a tamdaw mala o tadamaanay to ikor sato, nanoyaan onini patihiay comikay a tamdaw pacomod hanto papikapot ko ngangan to cacomikay a dayhiw. Onini a tamdaw i ikor mala tadamaanay i kasakitakit a ontoyin, nanoya pangangan hato “Asiya marar a tamdaw” nihan ko pangangan ci Yotingko (’Amis: Maysang Kalimud).

Anini o kapatayan ni Yotingko (’Amis: Maysang Kalimud) a romi’ad, cingra i 1933 miheca (Dipong showa 8 miheca) 7 folad 10 romi’ad mahofoc i Posong, i Falangaw niyaro’ a ’Amis a tamdaw, pangangan to no ’Amis ci Maysang.

Itiya i 1951 mihecaan (minkok 40 miheca), misawad nai Posong nokiw kakko ci Maysang, micomod i kapolongan hitay (lien-cin) onto sakapot, itira i sofitay no kitakit ontokay i 7.32m ko ray a malasaka cecay; I 1954 miheca itira i Manila Asiya ontokay i, paka ala to sa’ayaway mo^tepay kamok kalalifet a kompay. Ikor to no 4 miheca i, itira i Tokyo Asiya ontokay miliyaw haca cingra pakalifet toya mo^tepay kamok kalalifet a kompay.

Ikor nonini, tayra ci Maysang (Yotingko) i Amilika Kalifoniya daykako Los Angeles pitilidan (UCLA), itiya ci Elvin C. "Ducky" Drake ko pasifana’ay i cingraan, malakapot to nai 1956 mihecaan i Melbourne a Olympic cinialaay to saka tosa a compay ci Rafer Johnson a mihitatanam, nanoyaan sa o malawiday to tahira i da’oc cangra a tatosa.

Ci Maysang (Yotingko) aci Rafer Johnson itiya i 1960 mihecaan mikihatiya i Roma Olympic to mo^tepay kamok a kalalifetan, talacowa pitoay liyad ko pili’ayaw ni Maysang (Yotingko) ci Rafer Johnsonan i, itira to i mifahekolay to marar a mali ko kaserer no fensu, tahaikor to 58 fon ko kapidahan, oci Rafer Johnson to ko pakaalaay to ^kim a kompay, mala saka tosa to ci Maysang (Yotingko). Ci Maysang (Yotingko) mala sa’ayaway cini alaay to kompay no Olympic ontokay no Taywan a tamdaw.

Itiya to mo^tepay saikoray to kamok 1500 mita, tahira paherekan cangra tatosa i, ci Rafer Johnson ’afang sato to ’afala ni Maysang (Yotingko) to roray aca (nengnengen ko syasing), kalalilid nangra tatosa pacekil ko miki’araway a tamdaw. ira ko mi’ang’angay a miki’araway tamdaw: “Palecad han ko pahofi cangraan to ^kim a kompay.” sato itiya.

Colek to sasowalen, ci Maysang (Yotingko) mikihatiya to Olympic ontokay itiya i, o “Taywan” sanay ko ngangan a masadak. Nawhani kasakitakit Olympic wiyinhuy dengan o Taywan ko pipangangan a caay ka nga’ay midayhiw to China, ngitangit sa pako Taywan ko kaci ngangan. Orasaka Taywan a kapot onini a ngangan TAYWAN paya ko sapicomod, nikawrira KMT sifo milongoc to sakapot papitatoy to paya a tilid UNDER PROTEST (miliyangay). (Katawaan, o tao ko patodongay to nga’ayay ngangan, KMT sifo miliyang, onini ko nihaenan, cangra haw i o tada “Congko” a KMT a han.)

I 1963 miheca 1 folad 26 romi’ad, ci Maysang (Yotingko) i Amilika Potelan a kasakitakit kacomikay kalalifetan matahidang 4.96cm ko tingsu, mata’elif a matifac ko micakoday to no aol no laloma’ay a patilidan; oya miheca 4 folad 28 romi’ad itira cingra i Kalifoniya Alopal si San Antonio lotok kakoyin kalalifetan 9121 fen matifac ko mo^tepay kamok ko tingsu, mala o mo^tepay kamok pakatifacay to 9000 fen saka cecay a tamdaw.

I 1964 miheca ci Maysang (Yotingko) mikihatiya i Tokyo Olimpic ontokay i, o nano papakaala to ^kim a kompay a mikihatiyaay nasa i, nikawrira ’ayaw no kalalifetan o sakapot mi’idocay ko pilifet ci Ma Qing-shan a tamdaw pafeli to nananomen, nanoyaan sa caay to kanga’ay ko tatirengan ningra, masamasa i kalalifetan a mapidah to, saka lima to ko ka citodang ningra itiya. ci Ma Qing-shan a tamdaw ato Olympic a misolapay tamdaw ci Cen Cie, ikor pasifana’ to China Cong-Re kasasitelak kasali’acaan Tokyo kalalicayan mikilim to sadipot no sician.

Malatiih i Tokyo Olympic ontokay itiya to ikor i, nanoyaan sato ci Maysang (Yotingko) misawad to ontokay. Itira sato i Cuyin pihitatanaman ko tayal pasifana’ay ato mikantokay, mimipalahaday to ikoray a ontoyin.

I 1983 miheca, ci Maysang (Yotingko) milayap to mikowanay a KMT a pa’ayaw, milifet to dafdafay yincumin sa’etal a Lifawuyin, maala to toloay miheca.

I 1989 miheca, miliyas ci Maysang (Yotingko) to KMT, pasayra i DPP mikihatiya to Posong Sincang, nika caay ka ala. Nanoyaan sa caay to pikihahar to sician. Misawad ci Maysang (Yotingko), na itira i loma’ no niyah patireng to fiw citodongay 20 mihecaan. Nika nawhani itira i Amilika ko fafahi wawa, satikotiko sa tayra Amilika ato Taywan.

I 1997 mihecaan Amilika onto yofayof patamohang ci Maysang (Yotingko) to “Mida’ocay katadamaan kompay”.

I 2007 miheca 1 folad 24 romi’ad ci Maysang (Yotingko) itira i Amilika Kalifoniya Los Angeles adada mapatayra i isingan, o widang ningra ci Rafer Johnson tayra ising miliso’ cingraan. Nika ci Maysang (Yotingko) itira i 1 folad 28 romi’ad mapatay, ira ko 73 mihecaan, matadem i Kalifoniya.

Mitiliday: ci Li Xiao-feng (李筱峰)

Maysang Kalimud (kuwaping a sowal: 楊傳廣，Yang Chuan-kuang)

Yotingko (’Amis: Maysang Kalimud[1], 1933 miheca 7 folad 10 romi’ad-2007 miheca 1 fo;ad 28 romi’ad), kananaman no niya a mitilid to ngangan Misun saan ko pangangan[2][3][4][5][6][7][8]. Masofoc i no Dipong pikowan Taywan Posong kofa, niyaro’ no Falangaw a ’Amis a tamdaw.

O Pacidal itini i Farangaw a hofocen ci Maysang na Tilong.

Na o dayhiw maocor no kitakit (ROC) mikihatiya to Olimpiko mo^etepay a kalalifet, pakaala 1960 mihecaan Loma Olimpiko saka tosa a kompay, o sakacecay no Taywan pakaalaay to kompay no Olimpiko, ato i likisi sakacecay pakaalaay to kompay no Olimpiko Taywan a tamdaw, onini haw i o sakacecay a kompay no kitakit (ROC) Olimpiko a kompay.

Maysang, i mo^etepay a kalalifet pakata’elifay mirocokay to 9000 tinso, mapangangan to “Asiya a ’ekeng fainayan” (Asian Iron Man). Itiya ci ’Atongol (Ciong-kay-sik) a contong kina 7 matahidang[9], o sakacecay no Taywan a ontoing.

Nanoya, ikor pakaala cingra to kompay no Olimpiko, Faladaw a niyaro’ fa^elohay selal a kapah panganganen to “Latingko” a han, oni a selal i 2005 miheca mapacakat i kalas no niyaro’ o “Isefi’ay” a han. I 2000 mihecaan ci Maysang mapatireng no kakalas no niyaro’ to Tomok no Falangaw niyaro’.

Laloma’an a ’orip. 家族生活

O mama ci Kalimud (Yang po-cung), ina ci Caki (Yang yi-lan); patirengay to niyaro’ no Falangaw o tato’asan ningra ci Lolas Mahengheng[10].ngasaw

Lalowadan no onto. 運動生涯

Maysang Kalimud caay ho kacingangan i, sarakatay a mikihatiya to onto i o yakiw, i toloay cefang no hitay a onto itiya, mikapot to cefang a malalifet miyakiw o picya cinira. Talacowa caay pakaala to sakalaheci, kai kacomikay, pihiteroc, pitekol, masapinang ko inanengan, i 1951 miheca, misawad to Posong a nongsiw, micomod to i Lien-cin piontoan a cefang, itini i kalahitayan ciniala cingra to 7.32 raay a pihiteroc a pakaala to kompay[11].

I:kor masapinang to ko caloway ningra ato midamaay micoker[12], i 1954 mihecaan i Manila no Asiya a onto, pakaala to sakacecay mo^etepay a kompay. Maysang na micomod cingra mapili’ to singsiw no kitakit i, nawhani ci patelacay a demak, nao patihiay a “mihitatanamay” mala o “patoor a cacomikay” ikor to o “comikayay” to a ontoying.

Pakayni toni a demak, itiya miheca mihitatanaman no kitakit (Roc) onto weyyinhuy itira i Cuoin (aniniay kitakit (Roc) kiwyiko ontosu a cuoin kitakit pikonlingan) mikonling, misaimor to 2 mihaca i Manila Asiya Olimpiko, misa’icel a mikonling. Matatama to kao patihiay comikay ci Maysang, patihiay to patooray comikay a minanam comikay, toya misitapang minanam i, comikay to 200 ko cikay maki’ayaw ko patooray comikay. Mafaheka ko mipili’ay a wuyyin itiya, na ira ci Kuang-song-sen a pakanengneng to nian, patangsol a papipacomod ci Maysangan to ngangan i patooray comikay, mala o comikayay to a ngangan ci Maysang, sanga’ay sato ko pinanam ningra. Ikor i saki Asiya kalalifetan comikay, talacowa sakilalifetan saka a enem ci Maysang, nikawrira masapinang no Tiyi weyyinhuy ko tatala’ayaw ho ko katadamaan ni Maysang, ikor pakayni i pipakafana’ palahad ni Kuang-song-sen i, mapa’ayaw to ko saka tadamaan ikor no 10 mihecaan ko kacikompay ningra, ato macikayay ’orip a tamdaw.

Ikor no 4 miheca, itiya i Tokyo Asiya a ontokay paka’awid to 10 a salifet a kompay. Ikor micomod i Kalifoniya Los-Angcil (UCLA) a mitilid, ci Terek (Elvin C. "Ducky" Drake) ko citodongay pasifana’ itiya, ato 1956 miheca i Milpen a Olimpiko pakaalaay kalalifetan to saka tosa kompay ci Rafer Cionsen malacafay minanem, taikor o malawidangay to a tatosa cangra. Cangra tatosa i 1960 miheca mikihatiya i Loma ro Olimpiko to mo^etepay kalalifet, talacowa ci Maysang 7 ko piki’ayaw ci Cionsenan, nika i pitekolan adihay ko katatiwtiw, ikor i 58 ko kaserer, ci Cionsen to ko pakaalaay to kompay, sakato ci Maysang. Nanoyaan ci Maysang o sakacecay i Olimpiko pakaalaay to saka tosa a kompay no kitakit(ROC) a untoing. Saikoray a cikay to 1500, tangasa cangra i paherekan, ci Cionsenan wakingsa i tiring ni Maysang, masasi’afang caira tatosa, kahemekan no mikiaraway ato misiyasingay. Paherekan no lalifet mi’ang’ang ko alomanay: “Patodongen caira tatosa to malecaday kompay” saan[13][14].

1963 miheca 1 folad 26 romi’ad, ci Maysang i Amilika Potelan to kapolongan a kalalifetan 4.96 (16-3.25) ko takaraw to no aol picaekod, mataelif ko laloma’ay no hekal a tilid no kalalifet. Oya mihecaan 4 folad 28 romi’ad, itira cingra i Kalifoniya Hetaw San Antonio pitilidan a kalalifetan, o 9121 ko tingso to mo^etepay onto a hekal a tilid no kalalifet, mala i mo^etepay kalalifetan sakacecay pakataelifay to 9000 a hiwso, nanoya o pipatinso to mo^etepay a pisaosi nai tiya a mafalic.

Ano falicen no aniniay pisaosi i, yaan 8010 ko tinso, tahanini o kilok no kitakit no Taywan(Roc). Nawhani fa^elohay to ko patinso, tangasa 2001 miheca, ci Loman Sipole ko paka taelifay to 9000 a hiwso.

Tokyo Olimpiko ontokay 東京奧運

1964 miheca, ci Maysang mikihatiya i Tokyo Olimpiko a ontokay, ’ayaw no kalalifet o papakaala to saka cecay a kompay nasa, ikor saka lima aca. Pasowal sa ci Maysang, ’ayaw no cefang mikihatiya tina ontokay mipana’ay ci Ma-cin-san pananom takuwan to miperecan nanom takuwan, nanoya a nakasamo’an ko tireng, mato malalisanay sa, o nian ko saka tararikor, ci Ma-cin-san ato Olimpiko misa’imeray ci Cen-ci ikor no demak i Tokyo tayra a Congkuo Tokyo kalalinakan micongacong to sici, ikor to pinapina miheca pasapinang ko citodongay, itiya sa a masapinang ni Maysang ko nano nidemakan ni Ma-cin-san to sapa “iyo”. Roma, o pisapinang no sakionto a tamdasw saka pidah ni Maysang ato mo^etepay kalalifet mafalicay ko pipatinso saka matira saan, caay ko no sici, o kapidah to tina olimpiko, nanoya tararikor sato ci Maysang i ontokay. [19]

Sici a ’orip. 政治生涯

1983 miheca itiya, mapalowad no KMT mikowanay ci Maysang to pinti-yincumin a Lipoyin, malakapot ci Ci-cenan, malokasasowalen cangra.

Mikawrira i 1986 miheca, caayto ka cokeren no KMT ci Maysang, paherek sa to 3 mihecaan. 1989 miheca, miliyas ci Maysang to KMT, pasayra i Mincintang mikihatiya to kinciw no Posong a mapidah, ikor i o caay to pikihar ningra to sici.

Mihawaday ’orip 退休後生活

Miliyasto ci Maysang to ontofa, itira sato i Coyin pinanaman a pasifana’ay ato mikatokay, palahad ci Ko-cin-soy, Li-fo-enan. Nawhani nao pakayraan pisiroma (na o Kristokiw pasayra i Tokiw), pasifana’ay ko sapisawad ni Maysang, i niyaro’ no niya patireng to piw o tireng ko citodongay a misalisin to 20 mihecaan[20]. Nawhani i Amilika ko fafahi ato wawa, satikotiko sanay to a malalinah. I 1997 mihecaan ci Maysang mapatodong no onto kasacefang no Amilika to da’ocay kalita’angan a kompay, 1999 miheca pasadak to pacomahad to Asiya mo^etepay kalalifet kitakit halaka, 2001 mihecaan ci kimi to na ’atay ato kang micomod i Takaw Can-ken ising mipaising, nanoya satadamaan sa ko latiih. 2007 miheca 1 folad 28 romi’ad miliyas to cingra to ’orip i hekal, 73 ko mihecaan. [21] ikor mateli i Kalifoniya Wentola cangconten pihiratengan a koying (Ivy Lawn Memorial Park) [22].

Pitilid 學歷

Taywan siwlic Taytung nongyi c-yi kakko (anini Kuli Taytung coanke pitilidan)

Hualien pikong pitilidan (anini kuofang daykako likong pitilidan)

Amilika Kalifoniya daykako Los-sacni ontosi.

Nitanengan no ’orip 經歷

1.Mo^etepay lalifet ontoyin

2.Congkuo KMT yincumin Lipoyiying

3.Mincucinpotang Taytong kinciw hosinren (matafad) [23]

Onto a kompay 體育獎項

1.Taywansen cungteng pitilidan ontokay pitakod ma’ayaway kompay.

2.Kitakit hitay ontokay pitakod ma’ayaway kompay.

3.1954 miheca Manila Asiya ontokay mo^etepay lalifet ma’ayaway kompay.

4.1958 miheca Tokyo Asiya ontokay mo^etepay lalifet sakatosa kompay.

5.1960 miheca Loma Olimpiko mo^etepay lalifet sakatosa kompay (matelangay patingso 8,334).

6.1963 miheca mapasafaeloh ko mo^etepay no hekal a kilok (matelangay patingso 9,121).

Kasenengan 榮譽

1.Taywan (Roc) kasenengan a pakaolah.

2.TWN saka 2 liyad kasafo’is kasenengan.

Laloma’an 家庭

Fafahi

Cuo mi-lin (Daisy Chou), Wawa to fainayan 1 : Yang s-yin (Cedric Maysang)

Wawa to fainayan 2 : Yangtinko (Kalimud Maysang) （※：1950-60 miheca Taywan masowal to Olympic Games, “s-ing”, ikor masowal to O-on, na mikihatiya 1960 Loma a Olimpiko mapanganganay ko na sakakaay a wawa.）, Wawa wawa.孫輩

1.Madison Yang

2.Carmen Yang

3.Dorothy Yang

Pinengnengan: 參見

1, “Ma’eferay a ngafol” Cicen: sakacecay patoror no ROC mikihataya to Olimpiko pakalayap to kompay a fafahiyan ontoing.

2. “Sakatosa a ’ekeng fainayan” Wu a-min: Ikor ni Maysang sakatosa pakaalaay to kompay no Mo^etepay kalalifet.

3. “Taywan a ’ekeng fainayan” Ko cinsoy: o midotocay ci Maysangan a tamdaw.

4. “Taywan ’acam sapitakod a hongti” Li fo-en

5. “Fali fafahiyan a hongti” Wang huy-cen: Sa macikayay a fafahiyan, 1991 miheca Sefier kitakit a ontokay 200 cm pakaalaay

to sakacecay kompay.

6. “Sahacikayay no Taywan” Yang cin-han: ikoray ni Wang huy-cen, 2017 miheca kacanglahan no kitakit a mitiliday ontokay

100 cm pakaalaay to sakacecay kompay, matiya ci Maysangan o ‘Amis a tamdaw.

Pacefad a tilid 參考資料

1. Falangaw pikiloma’an a saopo (malasawaday ko kasacalay.)

2. Macikayay a tamdaw/ Asiya ’ekeng a tamdaw Maysang Kalimud. [2007-02-13]. (nano mana’angay

2007-09-29).

3. Maysang Kalimud pihiratengan saka 9 romi’ad Ci-nan kiwkay, wangle a calay mapateli, pina’angan

2007-02-24.

4. Kacalohan/ Asiya ’ekeng a tamdaw Maysang Kalimud mataenang i ising pasayra i onto ko faloco’.

[2007-02-13]. (pina’angan 2007-09-29)

5. Cecay romi’ad malahedaw ko tatosaay tadamaanay tamdaw (nano mana’angay kasacalay.)

6. ’Ekeng a tamdaw pakata’elif to siwa cicing (9000), o sakacecay (nano mana’angay kasacalay.)

7. 1952 miheca mihiteroc mata’elif ko sen-yuin a tadamaan (nano mana’angay kasacalay.)

8. Sakatadamaan no ’orip ni Maysang Kalimud, mapakata’elif ko mo^etepay lalifet no onto 9000 a tingso,

wangle a calay mapateli, pina’angan 2007-04-27.

9. 1954 miheca mikihatiya to Manila saka 2 lekad no Asiya ontokay, 1956 miheca saka 16 l lekad i Moelpen olimpiko ontkay, 1958 mikihatiya Tokyo saka 3 lekad Asiya ontokay, 1960 miheca mikihatiya saka 17 lekad Loma olimpiko ontkay, 1964 miheca mikihatiya saka 18 lekad Tokyo olimpiko ontokay, 1968 miheca mikihatiya saka 19 lekad Mosoko olimpiko ontokay.

10. “Pakonira pi’eses calay, Cen yao-cang pihapinang to likisi” “Kolas Yotaka” wacay i yincumin ato payrang a likisi-pakonira tingcpow, Pakonira pi’eses calay.- talk.ltn.com.tw. [2019-12-29]. (nano mana’angay kasacalay. 2019-12-29)

11.Kiwyiko Tiyiso-pihapiw a pakafana’, malasawaday ko kasacalay. pina’angan 2017-01-14.

12. Li yin-sung. “Taywan macikayay nga’ayay tamdaw-Kuan-song-sen”, “Taywan Semo’otay macikayay tamdaw” saka 8 tilid. Taywan: Taywan tirengan punka cefang. 2013-12. ISBN

9789868906310 (tilid-Taywan).

13. Mitiko Loma olimpiko, minengneng to ’ekeng tamdaw to pakaala to kompay. [2007-01-29].

(pina’angan 2007-09-29)

14.Asiya ’ekeng tamdaw (Maysang Kalimud) wiki calay mateli, pina’angan 2007-07-03.

15. “Tadamaanay i onto a pipaini likisi a tilid- Asiya a ’ekeng fainayan Maysang Kalimud”, Singcenyin

onto wiyyinhuy, 2010 maheca 10 folad (PDF). [2018-09-18]. (nano mana’angay kasacalay(PDF)

2018-09-18.)

16. Decathlon Calculator. www.sportcalculators.com. [2018-09-18]. (nano mana’angay

kasacalay2018-09-18)

17. China Handbook, 1971-72, Chinese Ministry of Information

18.Cunghuaminko onto kasacefang. www.athletics.org.tw. [2018-09-18]. (nano mana’angay

kasacalay2018-09-18)

19.Kaoratan a mapaiyoay a nanom. [2007-01-29].( nano mana’angay kasacalay2018-09-18)

20.Miangangay a cikawasay wanglo a calay nano mana’angay, pina’ang romi’ad 2006-02-26.

21. https://www.facebook.com/TBSCTS. Pihiratengan ci Maysang Kalimud, mararom ko fafahi minokay i

Taywan. Pawacay no Huase sinpun calay. [2019-07-12]. (mana’angay kasacalay2019-07-12)

22. Chuan-Kwang "C. K." Yang (1933–2007) – Find A Grave Memorial. Findagrave.com. [February 15,

2012].

23.Kalata’angan i ontofa  kasomadan i kalosici. [2007-01-29]. (mana’angay kasacalay2007-09-29)

24.Patodong ko cungtong “kasenengan a pakaolah saka tosa” ci Maysang Kalimud, Ci cen aci Cen ci-en.

Cunghuaminkuo cungtongfo. 2005-09-13 [2021-08-27]. (mana’angay kasacalay2021-08-27)

Maysang

外部連結

• 原住民族語中級教材-閱讀書寫篇