Laso‘ay
O ngangan no Laso’ay（拉索艾部落）
[mikawit | o yin-se-ma no pisinanot]Cen-ping a niyaro’ (sowal no holam), nano malinahay tayni tona pala ko Kabalaen a finawlan i ikor no Ka-li-wan a Fangafang a demak, mapangangan no Pangcah a finawlan konini a pala to Laso’ay , pakayni maro'ay a tamdaw, o Fata’an a finawlan ko ka adihayay.
O kasiikedan no niyaro’(部落特色)
[mikawit | o yin-se-ma no pisinanot]Laso’ay a niyaro, itiniay i saka’etip a lilis no Sawalian lotok.(海岸山脈) caay ka ’alomanay a niyaro’ i ilaloma'ay no Taxan (大全村) no Guangfu-syang (光復鄉 sowal no holam ) no Hualien-siyen (花蓮縣 sowal no holam ) ko Laso’ay a niyaro’ , itihi i ira ko tosa a niyaro’, o Tafalong ato Fata’an. itini i o pangcah ko ka’aloman no Yincomin.
O Laso’ay hananayay a sowal i, o makoracay a sera ta ira ko kaeso’ay tingalaway a nanom sanay. itini i Laso’ay a niyaro, itihi no Guangfu Misa’odax Kaysiyaan, ira ko apeneray a pala itira, adihay ko nanom, saka adihay ko masamaamaanay a foting, adihayay ko mifotingay tayra i tora sena’ sena’ a pala. taliyok no loma’ ira ko fanaw. adihayay ko nanom tora pipaloma’an nangra, ira ko kahirahira no serangawan no niyaro’ no Yincomin .
Nawhan adihayay ko nanom tora pipaloma’an i Laso’ay a niyaro, saka ira to ko Palakaw haanay a mipalomaay to foting. o palakaw haanay haw i , o paloma’ay to foting, o nicidekay a taneng ato fana’ no to’as no mita o ’Amis to pifoting konini. onini a palakaw haw i, o cecay to pipahapinang.
Minanam to mifoting no to’as
Pakayni’ay palakaw haanay haw i, citangalay ko mato’asay no mita, mafana’ a misanga' to loma’ no foting, caay to ka talacowacowa a mifoting ko itiya:ay a mato’asay no mita. nawhan caay i taliyok no riyar ato mamangay tora alo’ko Laso’ay a niyaro, caay ka nikaw cangra to kakaenen to ko mato’asay no mita a mafana’ misanga’ to kaka’oripan a serayan. Saka ira to ko palakaw haanay a mifotingan. o Palakaw how i, ira ko tolo a tongroh ko pisanga’ toya palakawan, saka cecay a tongroh o ’awol i kalaeno, saka tosa a tongroh o lalidec, saka tolo a tongroh o ’arifakar, nawhan misanga’ to tolo a tongroh.
Saka cecay a tongroh, i kalaeno no palakawan i, o ta’akay a ’awol ko mapateliay, o kakamaro'an no ta’akay a foting , i kalaeno noya ’awol i laloma’ no sera i, ira ko caay ciriko'ay malecadlay to 'oneray a foting, o toda ato 'arifakar. saka tosa a tongroh, o caay ka lecaday to foting a foting, i masetatihiay to rakat ko cecay, caay ka 'araway to mata ko tosa, o kakamaro'an no kalang ato kafos itira. saka tolo a tongroh, o ’arifakar ko mapateliay, o kakamokoan no cicikafay a nampokoy ato masamaamaanay a foting no ’alo itira. mapapilimekan nora foting ko loma’ nangra, ta caay ka kaen no ta’akay a foting ko mamangay a foting.
O nikalopisak no Laso‘ay (人口分佈)
[mikawit | o yin-se-ma no pisinanot]Itiniay i GuangfuSyang(光復鄉) no HualienSyen(花蓮縣) ko Laso‘ay a niyaro’, 237 ko sa’osi no parod no loma’, 641 ko sa’osi no tamdaw.
44% ko ka’aloman no Yincomin(原住民), polong han i, 284 ko tamdaw; o roma sato i, 56% ko ka’aloman no roma a finacadan, polong(全部) han i, 357 ko tamdaw.
O pa-sin-to(百分比) no ka’aloman no tamdaw no kasafinacadan(族群) i, o 'Amis(阿美族)42%, roma(其他)2%.
Ira ko picodadan no ka'emangay(大進國小) i niyaro’.
O finacadan no Yincomin(所屬阿美族群)
[mikawit | o yin-se-ma no pisinanot]itiniay i Guangfun-syang (光復鄉 sowal no holam ) no Hualien-siyen(花蓮縣sowal no holam) ko Laso’ay a niyaro’, na itira i Taxan talatimol tangasa i Guangfu misa’odax kaysiyaan. o tatapangan a niyaro’, ira ko Tafalong, o Fata’an, o Kiwit, mililis to tarawadaw no Siwkolang a siniyaro’, na itira i tarawadaw no Kalingko talatimol tangasa i Cilamitay, nawhani maemin paniyaro’ i lawac no Siwkolan a tarawadaw sa mapangangan to Siwkolan a ’amis. ira ko Fata’an a niyaro’, o Tafalong a niyaro’, o Sadoa niyaro’, o Atomo a niyaro’, o Kalotong a niyaro’, o Kalotong a niyaro’, o Fahol a niyaro’,o Laso‘ay a niyaro’ ato o kakay a niyaro, falo a niyaro' ko pipolongan.
O pitooran no finawlan (族人信仰)
[mikawit | o yin-se-ma no pisinanot]O tolon to saki i taliyokay no mita a tamdaw, itini i ira ko pitooran ngara, pakayni sa’opo no kinkay, malosakarikec sto sakavakat no ’orip no Yincomin, mamaan ca ko deamk no sapitolon ko niyaro’. o pitooran ko finawlan no Laso’ay i, ora ma’araway a kiwkay i, ira ko tosa a kinkay i Fata’an , o tingsi-kiw ato ciwlo-kiwkay, o ciwlo-kiwkay a tamdaw ko ka adihay. kalimelaan ko sowal no Kawas, to sakafana’ to ’orip no tamdaw, ato awaay to ko kaka to nikafana’ to codad.