Komoris

Komoris (kuwaping a sowal: 河祭)

pikomorisan mihcahca’an saca mikomoris ko niyaro,o nokapolongan masaselalay a demak. itira 5 fulad ko pikomorisan,no apoko’ay tusa koromiad cecay ko dadaya ,roma sepat ko romiad tolo ko dadaya, piaraw to ko demak no kapolongan. O sowal no tatoasan it:yaho ,ira I parik a niyaro Saopo amaro ko arikakay a tamdaw, tata’ang ko tatirengan nangra, pasadak han nira ko kamay marawis ko fu’is I kakarayan, cecay arihawak marihawak ko riyar, mafana mi sakawas, o tada tati’ihay a tamdaw, arikakay han ko pangangan cangra’an. Kina Arikakay itini I niyaro mitakaw to lalusidan misamangah ko wawa milawla to fafahiyan, yana rihadayay ko orip i, madawdaw to ko orip no finawlan. Ca’ay to pakahadidi ko finawlanko kadingni arikakay, patayanta tiya mapalasawad kora arikakay sako finawlan, saopen no tapang ko kapah papinanam cumikay mi’idoc milefo Mitaekod, halafin to kopinanam araw han notapang maedeng to misiayaw patayen kira arikakay. Misatapang to o nonamalay a odoc sape kari’ang,araw han Ca’ay kama’ama’an kora arikakay, aloman ko madoka’ay nyakapah irako mapatayay. Cecay aromiadan tayra iriyar ko tapang, mihirateng sama’anen tiya malowid kora arikakay,yapahanhan merek komata, talaremed kora tapang, sowalsa ko kawas no nanom, arikakay hananay ca’ay ko tamdaw ciira, o tati’ihay a kawas ca’ay ko mamafilo no tamdaw.. Pakawanan han no kawas nanom, pinokay to sanga’en ko polong(o talod), pakafiten I a’ayaw no idoc, dodo han no tapang koyasowal, hakerid no tapang ko alomanay a Kapah, sacecaycecay pateli ko polong kina sanga. miteka to misalisin mitatotatoy to polong ko kapah, fuhal san misaceliceli kora arikakay, pasaikor to pakayra I riyar milaliw, Saikor san ko tapang no arikakay pasowal, miaray kami tamowanan ano marawod to ko mihca’hca’an,ya lima fulad saca ala’en ko icep ato epah, salisinen kami tiya adihay ko kina’ala namo kofuting ato afar. Pakani to komoris ademaki otodong kangodoen ko matoasa, tiya kadofaw kinaira masasipadang ko salikaka marayaray ko serangawan.