Kihaw niyaro'

Kihaw niyaro' (kuwaping a sowal: 八尺門社區)

O mifotingay no Yencomin i ’ayaw, i Kilong ato Takaw ko sa ’alomanay a kafolawan. 1960 a mihecaan(年), sa ’aloman sa ko mifotingay(漁夫) no ’Amis a tayni i Kilong(基隆巿) a maro’, sa’opo sa i Cong ceng komi ato Alapawan komi. 1968 a mihecaan, ira ko papina(幾個) a ’Amis, tayra i sakaraeno no Pacemen a lotok a mikerar, o kinafalah no tamina a sapad ko sapisataloan nangra. 1973 a mihacaan, safeleng sato ko fafahi no mifutingay a tayra toya lotok a mifaliw, milopay to sota’, salafiifii sa cangra a patireng to loma’, nga’ay ira ko pikilidongan(遮擋風雨的地方) to ’orad, pilimekan to fali, toya i, sa niyaro’ sato kora pala.

Oya Pacemen a niyaro’ i, miingiday to minato, malinahay tayni a ’Amis i, o i lilisay no riyar a paniyaro’an no Kalingko ato Posaong ko alomanay, o sa’ayaway a masaniyaro’ay no yen-co-min i Taypak kona niyaro’. tona Pacemen a niyaro’ i, caay ka o ’Amis aca ko maro’ay, citongalay to Punon ato payrang. nikawrira, o mifutingay aca ko demak no fa’inayan, saka, o maamaanto a demakan no niyaro’ i, saheto o fafahiyan ko misakimokimolay. tangasa i 1990 a mihecaan, caayto ka nga’ay ko tayal no mifutingay, saka o misamokongayto ko tayal nangra.

1988 a mihecaan, patirengan ni Litenghwy a tapan ko “Tay-ping-yang-howa-iyen-sing-ceng” a loma’, pakamaro’ to itiraay maro’ a yen-co-min. o sa’ayaway no seyfo mipatado mipatireng to loma’ , wa malo no yen-co-min a kamaro’an saan. （1995 a mihecaan a micomod a maro’）, anini, o Kihw niyaro’ han no ’Amis a mipangangan kona niyaro’, tahanini, cecay so’ot ira ko mo^tep ko polong no miacaay a ’Amis tona loma’. tona niyaro’ i iraay ko sefi, pahanhanan, pikilidongan, pipatelian to tosiya, manga’ay ko piilising no finawlan, iraay aca ko kakitaan nangra, miilisinay cangra to mihecahecaan.