Kau-san-cu

Kau-san-cu 高山族(高砂)

O maan a sowalan ko Kau-san-cu (kuwaping a sowal: 高山族) hananay a sowal? Cima ko sasowalen toya Kau-san-cu hananay hakiya? Maoratay kita a maemin toya sowal. Caay ko nga’ayay a sowal kora sowal no Kwaping, o cecay no misepenay, milikafay, misa kakinihay, milokesay to tamdaw haca a sowal korira a tengilen.

Itini i Taywan, awaay ko somowalay no kaloPangcah to nika o高山族kami a saan. O nitoro’ay to tao koya a高山族saanay a sowal. Ano cima kiso ano han no tao a milicay ko Pangcah? Pasowal sa a paca’of haw i, o ngangan no tireng aca ko malo sapaca’of. Ano o maan ko no miso a finacadan ano saan ko licay haw i, o ca’of i, o Pangcah ano ^ca i, o Tao, o Iwatan, o Taloko saan ko paca’of, awaayho ko katengilan to o高山族kako saanay a sapaca’of.

Naicowaay a masadak a sowal konini hakiya, oya sowa to高山族ato高砂saanay haw i, o matiniay, o高山族haw i, o no Holam/kwaping a sowal, 高山族han naira ko Pangcah no Taywan. Itni i Congko a kanatal haw i, o nanaman naira a somowal to高山族a saan ko pangangan to Pangcah no Taywan. Ato o roma sato, oya高砂hananay a sowal i, o no Ripon a sowal. O pangangan no Ripon tonini a kitakit no Taywan. Ta o tamdaw nonini a Taywan haw i, o高砂族(takasakocok)han no Ripon a pangangan.

O Takasako han no Ripon ko Taywan, nawhani, o Pangcah ko sa’ayaway a maro’ a midefong tonini a sano papahay no tamako a Taywan. Ato o so’linay o Pangcah ko tadafinawlan no Taywan, awaay ko kahinapecan tonini a sowal. Ma^deng 14 ko kasasi – roma no finacadan, o roma ko caciyaw, o roma ko ’orip, o roma ko ladiaw ato kero. O komod no nikalecad no pinangan no Taywan a Pangcah haw i, mararingiay to no itiraay i Notimolan a kasakitakit, malecad ko laleko no tireng, ano caicaiho ka lecad ko sowal haw i, mato malecaday ko faloco’, ano malalitemoh haw i, tangsol sa a makakafana’, alatek, o nika malecaday ko kasadakan no pona.

Pi'arawan to lakaw

• 星歐拉姆. (2011). Wikipedia 維基百科 族語詞條試寫─原住民族語詞條 2011作品集. 教育部.