Kalotong
O ngangan no Kalotong（加里洞部落）[mikawit | o yin-se-ma no pisinanot]
O Kalotong hananay a sowal, adihay ko lotong i pala sanay. nawhan tada adihay ko lotong misa'opo itini, sa mapangangan to Kalotong. ya makowan ho no Ripon ko Taywan, Malinaha ko finawlan itira, ira ko pakayni i Tafalonay, i Olalip ato i Tingnaglaway a finawlan a tayni.
O kasiikedan no niyaro’(部落特色)[mikawit | o yin-se-ma no pisinanot]
Kalotong a niyaro’, cya-li-tong ko sowal no holam. pakayni i saka’orip o pala ko pinengnengan no Kalotong, o sailoh no Kalotong a niyaro’, itiniay i saka’etip a lilis no Sawalian lotok(海岸山脈). caay ka ’alomanay a niyaro’i ilaloma’ay no Guangfu-syang (光復鄉 sowal no holam ) no Hualien-siyen (花蓮縣 sowal no holam ) , i Paiang alo’, Loin alo’ ato Hualien alo’ ko niyaro’ ngara. I kawili no katatopitopan no toloay a sa’owac ko paniyaro’an no niyaro’. o dafdaf ko sailoh no niyaro’ itini. nawhan o inaka ko niyaro no Kalotong, saka ano tayraay i syataw(車站) no cinamalay i Fata’an how i, mangata to safaw lima a fun ko parakat to paliding.
Ano caay ka ’aloman ko tamdaw I tini, nikaorira tada kanga’ayan no palafangay a misalama no mikoliciway a tamdaw i pilipayan. nengneng han i lalan tadamahapinang ko fati'ian, i kawanan manengneng to ko kapahay dadahalay a Hualien alo’, i kawilian nengneng han ko potal mato nicokaan ledef sa ko nika, fangcal no omaomahan. itini awa’ay ko intoc no kaysiya, awa ko malaliyangay marawraway a soni. tada masaniyaro’ no Pangcah, pakaomaomahan ko mimingay a lalan, nengneng han ko potal mato nicokaan ledef sa ko nika fangcal no omaomahan.
Kalotong a niyaro’, itini maro'ay ira ko Holam, o Ngayngay, o Sakilaya ato Pangcah a finawlan, o Pangcah a tamdaw ko ’alomanay, caay ka ’edeng to cecay so’ot a tamdaw. Doedoen no sowal ni Lin-siw-lan(林阿蘭), Misatapang mafalic ko kicay no Taywan, o finawlan no niyaro’ mitoor to a mafalic, o kapah no niyaro’, maemin to miliyas to niyaro’ tayni i tokay mikilim to saka’orip ato micakay to loma’, edeng ko to’as ato wawa i tinito.
Saka itira ho ciira i mikowanay to hacitanengaw no tamdaw a sa’opo how i, cacekerohen to malacafay a kaen ato malacafay a miomah, o mipaloman ngara ko kakomaenay ngara. o roma i, o mikamayan a singsi cingra, saka mipasifanaay to to’as no niyaro ko mikamayan a safon. o roma sato, misakosoy ko niyaro’ a finawlan, sapisanga' to fancgalay to tireng a simal, ano marawraw ko rarima ko tatirengan no tamdamdaw,onini a simal ira ko sapipahanhan. itiya ho, caayay ka cifaloco’ to sapa’acaaw to nakamayan a nitayal ato nilingadan, kiemel to ko aniniay maa’ise’ised, orasaka misatapang to ko finacadan misaharateng to sakanga’ay no lalan a pa’aca ato sakaira no nilingadan.
O nikalopisak no Kalotong(人口分佈)[mikawit | o yin-se-ma no pisinanot]
Itiniay i Guangfu(光復) Cen no Hualien(花蓮) ko Kalotong a niyaro’, 88 ko sa’osi no parod no loma’, 214 ko sa’osi no tamdaw.
72% ko ka’aloman no Yincomin(原住民), polong han i, 154 ko tamdaw; o roma sato i, 28% ko ka’aloman no roma a finacadan, polong han i, 60 ko tamdaw.
O pa-sin-to(百分比) no ka’aloman no tamdaw no kasafinacadan(族群) i, ko Amis(阿美族)65%, roma(其他)7%.
O finacadan no Yincomin (所屬阿美族群)[mikawit | o yin-se-ma no pisinanot]
itiniay i Guangfun-syang (光復鄉 sowal no holam ) no Hualien-siyen(花蓮縣sowal no holam) ko Kalotong a niyaro’, i tatihi no kawalian a niyaro’no Tafalong. o tatapangan a niyaro’, ira ko Tafalong, Fata’an, Kiwit, mililis to tarawadaw no Siwkolang a siniyaro’, na itira i tarawadaw no Kalingko talatimol tangasa i Cilamitay, nawhani maemin paniyaro’ i lawac no Siwkolan a tarawadaw sa mapangangan to Siwkolan a ‘amis. ira ko Fata’an a niyaro’, Tafalong a niyaro’, Sadoa niyaro’, Atomo a niyaro’, Kalotong a niyaro’, Kalotong a niyaro’, Fahol a niyaro’, Laso‘ay a niyaro’ ato o kakay a niyaro, falo a niyaro' ko pipolongan.
O pitooran no finawlan (族人信仰)[mikawit | o yin-se-ma no pisinanot]
O tolon to sakinomalotayay a tamdaw. o pitooran ko finawlan no Kalotong i, ora ma’araway a kiwkay i, ira ko tosa a kinkay i Kalotong , o tingsikiw ato ciwlokiwkay, o ciwlokiwkay a tamdaw ko ka adihay. kalimelaan ko sowal no Kawas, to sakafana’ to ’orip no tamdaw, ato awaay to ko kaka to nikafana’ to codad how i . itini i ira ko pitooran ngara, pakayni sa’opo no kinkay, malosakarikec sto sakavakat no ’orip no Yincomin, mamaan ca ko deamk no sapitolon ko niyaro’.