Wu Tinghua

Wu Tinghua (吳亭樺)

Harvard mitiliday o Taywan a tamdaw mi’iyak to tarokos no Congko. (哈佛台裔學生嗆爆中國大使！)

O Taywan Amilika mitiliday ci Wu Tinghua (kawiliay) ato Sicang (Tibet) mitiliday i daykako no Harvard a miliyangay

2024/04/22 20:48

Ceyo-sepaw Zhu Lanhui/mikawitay mitilid (自由時報 祝蘭蕙／核稿編輯)

[Patangsolay sinpon/kapolongan paratoh] itiniay i Amilika a tarokos no Congko ci Xie Feng i ’ayaw no pina romi’ad itira i daykako no Harvard a papelo, liyangan no tatoloay tamdaw, oya cecay a fafahiyan o nano Taywan Amilika a tamdaw mitiliday i daykako no Harvard ci Wu Tinghua, itiya pililid no tamdaw i micala’ mi’iyak marketer “masamsamay to Taywan a Congko” saan, malosakasasowalen no ’alomanay. Oya mikidkiday mililid ci Wu Tinghuaan i o nano Congko a tamdaw, kasapinangan kora tamdaw o kakeridan no mitiliday no Congko i daykako no Harvard.

I 4 folad 20 romi’ad, ci Xie Feng o tarokos no Congko mikihatiya to daykako no Harvard mikingkiway to Harvard Kennedy School midemakan a “Congko a lisaot” a papelo itiya, oya mitengilay 2 fafahiyan 1 fa’inayan talifahal sa a tomireng, macacayat to nitilidan “Mangahay Congko (CHINA LIES) kahangangay tilid, laha’ sa to ngangan ni Xie Feng, ’ang’ang sa pasowal kao Sicang (Tibet), Singciang (Xinjiang) salongoc no tamdaw ato sakapakonira no Hongkong kasalekapot ko kasasowalen ari, sa pacekok sa ci Xie Feng itiya.

Oya 3 tamdaw malilid to tayra i papotal, oya milafelay i Amilika miliyangay tamdaw ci Zhou Fengsuo sacisowal sa, oya tomirengay miliyang a 3 tamdaw i o nano “Mifelihay to kiwsangto kapolongay no mitiliday” ato “Pakoniraay no Sicang (Tibet) sakapot no mitiliday, o cecay a fafahiyan o nano Taywan Amilika a tamdaw mitiliday i daykako no Harvard ci Wu Tinghua. Toya pililidan pasadak ci Wu Tinghuaan itiya micala’ maketer: “Kamo ko micefisay to sapakoniraaw no Hongkong, mipelengay to nikapolongan nangra, anini sa mipakamay haca kamo to kitakit niyam o Taywan! Mangahay Congko! Mapatayay finawlan!” Saan.

Ikor no nian mayakyak to itini i calay ci Wu Tinghua ato rama miliyangay a fafahiyan mitiliday (nai Sicang (Tibet)) malilid pasadak tala papotal a nisyasingan a filomo, ci Wu Tinghua pasimisyasingay a pasowal, “Nicokaran no mitiliday i daykako niyam pasadak kami i honi, anini o torokos no Congko ci Xie Feng misalata’ang i laloma’ papelo to mangahay, o papasowalen ita o Harvard tamdaw cnga, caay ko papaliyasen ita to sapisintingaw ningra.”

Maketon ko pipapeloan ni Xie Feng a saying to naikoran malokasasowalen no ’alomanay i calay, oya itiraay i miliyangay a ’alomanay a mitiliday tamdaw to piliyang malaha to ngaayay sanay. Roma sato, ira ko pakahapinangay toya mikidkiday pasadak ci Wu Tinghuaan a fa’inayan tamdaw.

Anini mihecaan o tayniay i Taywan a misolapay to pisingkiw to congtong a masowalay tamdaw mirakarakay i Amilika ca “Kongce Sen (Young Master Shen)” itira i X cadada a micokar, oya mikidkiday mililid to miliyangay to tarokos no Congko to fafahiyan no Taywan a tamdaw o mitiliday i Harvard a kakeridan no mitiliday no Congko ci Zou Hongji, pasadak haca to nano demakan ni Zou Hongji.

Marketer milokes ci Kongce Sen (Young Master Shen): “O nia tamdaw o kasasowalan i Beijing, mitilid to kasakitakit a sici kicay a todongan, sacisowal sa mala no hekalan a finawlan, palowaday to ponka a kacacofeliw. Oya sapisamawmaw a somowal to kimad no Congko, mala mipaloay no Congko kiwsanto a tamdaw. O komaenay to kakaenen to sapakaen to wao no misatekeday mikowan a malahad mato’as, oya caayay pi’ilos a tamdaw o citanengay tamdaw ahan.” Saan.

Ala keteketer to ko i alayay tamdaw, “O mitiliday aca kina tamdaw i, caay ko imeng no pitilidan, o maan ko todong a pakamay?”, “Hatira to ko kaolah to Cong kiwsanto, kalamkamen patiko tayra i kiwsanto a kitakit a!”, “Panokayen!”, “Pakonira han no daykako no Harvard ko matiniay a demak?”, “Awaay ko todong ningra midemak to miliyangay a fafahiyan no Taywan, o mikari’angay to tatirengan no tamdaw ko matiniay”, “Awaay ko todong ningra sapidemak, o maan ko todong milaplap to tamdaw?” “Manengneng ko nia pakayayo samatira sa ko piri’ang to miliyangay to mitiliday, o Amlka tn caay haw? o sasamaanen no Harvard ko nianan?”.

Mifalicay to tilid, ci Masao Nikar