Talo’an

Talo’an （集會所）

Caay kaeca ira mapatireng to talo’an ko niyaro’ no Pangcah, ’Amis a ’etal o talo’an han, no Sikolan Pangcah ’adawang han, no Tafalong i sorarataan han, no Falangaw ato pariyapay i sefi han ko pangangan, ano o manmaan to pakayniay i kasaselal a salisin, kayki, konglin no sifana’, pakimad, parayray to nakamayan a taneng, sakilafang, mikngkong sapapinang ato tadamaanay a demak no niyaro’ maemin itini i talo’an a mireko.

O ’adawang hananay no Talawadaw a niyaro’ no Pangcah o kalisaotan no kasaselal kora ’arawang, todongay to o picodadan no fa’inayan ato pinanaman to sakicitaneng, mato misanga’ to satalakal, mikawit to salil, pakimad to nanorayray a femak, o ratoh a sowal no niyaro’ anca o kimad ato minanaman to radiw to kero o sakingodo ato kalomanmaan maemin itini a masaopo parayray, o sakakaay no kasaselal anca o cifenekay toni nakamayan ko papasifana’; caayay ko deng pilayapan to limo’ot ato pireko a mikonglin a ’arawang, itini to ko tadamaanay kakiliniken a mikayki a demak; orasaka, onini a ’arawang pangangan hanto pisoraratan.

Sifo’ no talo’an masanga’ ko tangiro’an, caay kapadeng ko namal to mihecahecaan, todongay to ira ko nisitalaay sanay, mitena’ to ’ada a awaen to tamdaw no niyaro’ a milipalaw ’mi’eco milood; taliyok no tangiroan ira ko no ’aol ato no kilang a anengan, o sifo’ mingataay to ngiro no kalas to kamaro’an, doedo to sakaka kaka sato ko kamaro’an, sasafaay to no selal i kaikor to miraay to tangiroan. Orasaka, pakayni to fa’inayan no Pangcah, nano pakarongay misatapang itini to i talo’an misa’icel to tireng, minanam to sakiwidang,\ ciramod ho deng ira ko tadamaanay a demak anca ira konotireng todong tatayalen ta materek i taloan, ta mangaay to miliyas to kato’asan no tireng ato kananaman a kamaro’an- O talo’an.