Sinafel

Takaray a sowal 概要

O sinafel i ’orip no Pangcah, anca o roma finacadan, o sinafal hananay, lengaw sanay i palapalaan, lotolotokan a dategn, o sinafel i, angred, cipelak a kaenen, sanaw awaay ko fao, o rayray no paro no loma' ko sinafel, o saka’orip no lomalomaan, sakafangcal no tatireng. iti:ya ho o nipalomaan no 'Amis a kakaenen, ano i herek no pipanayan ato pipahafayan i, caay pipahanhan itiya ko sera, saka, mipaloma to masamaanay a sinafel, o kadasing, tali, 'ariray. Halo itini i fokekokelohan mipaloma to dateng.

O sinafel no 'Amis/Pangcah 阿美族的野菜

heci no sokoy

O Pangcah hananay a finacadan, lilis sa i riyar ato lotolotokan a maro’, ira ko toloay a mahapingan kora kakaenen no serangawan no 'Amis/Pangcah, o saka cecay i, maolah komaen to masamaanay no i riraray a kakaenen, o cekiw, ’a’owang, foting, kalang, sorita, talapacay, ato masamaanay a rengod. Sakatosa i, ira ko makadodahay a sinafel serangawan, ira ko tatokem, o kakorot, o sokoy, o sama’, o dongec, o tamorak, o fata’an, o kapayaay, o lokot, o paheko, o kalitang, o faliyasan, o ’ariray, o toto’, o tefi’, o saytaw, o komi’ot, o roni, o fida’ol, o naniwac, o rara, o fadas, o da^eci, o sina’osal, o lokiw, o talod, o halopal, wa:ta kaahihay kona sinafel no mita, caay sa kalepon a misiwkay. Sakatolo i, o nisasirawan a titi, ira ko siraw, tena’i no foting, masasiraway a cekiw ato talapacay.

Sakatolo i, o nisasirawan a titi, ira ko siraw, tena’i no foting, masasiraway a cekiw ato talapacay.

Saka tahini anini, mado'edo ho no mita ko fenek no to’as, mangalef mahapingan itini tona sinsfel, o kaolahan no 'Amis/ Pangcah.Iti:ya ho ko o ’orip no 'Amis/ Pangcah, pakoyoc ko ’orip, awaay ho ko manmaan, ano adada ko tireng ato makodic ko fanges i, talaipalapalaan midateng to masamaanay a sinafel, manga'ay ko tatirengan, o tadasafangcalay ko sinafel malasapaiyo. o talod aca o rengos sakisinafelen, sakisapaiyoen no to'as itiya ho, anini to kalacemceman to a sakalahedawan ko matiniay a fenek no to'as.

Tatodong(功能)

O sinafel a dateng, malecad o rengos nengnengen no tamdaw, caay ko tadamaanay a dateng, nikaorira, i kaka no nipalomaan a dateng ko katakaraw kaci’epoc, ci’epocay kakaenen a sinafel. Tadaci’epocay kakaenen ko sinafel, kadofah ko kaci’epoc nira, matongal aca ko dating no malingaday, miparayray aca to tato’asan a serangawan ato fana’, malecaday to nasowalan no ising fangcalay a kakaenen ko sinafel sanay, mifasaw to cahiw ato sakatanektek no tatirengan, misafangcal to sera caka cifao ko nipalomaan, mico’ay to kasafalic no kakarayan, adihay adihay sato ko sasiroma kakaenen a dateng, matongal ko lifon no malingaday.

Hasapimaan(用途)

Hasapimaan no sokoy : Manga’ay mico’ay to ekang, caay kaedeng ko remes, koetengay a remes, sapina’on kakoetengay a remes, sakata^engad no mata, rawraw a adada, sakalaemang no tiring, sapipalasawad to cacefoay. Hasapimaan no sama’ : O angreray, o Kietecay, o mafasaw ko sakawarak ko tatirengan, o parak to remes, ano adada ko mociw mamga’ay ira ko hasapimaan nira, o malifawa ko fi’ik, o mana’na’ ko sawawaan, o naikoran no kasofoc la’ecaan, o fowah o adada no fafahiyan, o kaliwates, miadah to mana’na’ay.

Hasapimaan(用途)

Hasapimaan no tatokem : Maemin manga’ay malosapaiyo ko tapangan no tatokem, adihayay ko papah, kangdaway ko cengel no papah, Koengelay ko ’akawaay a tapangan, o safangcalay malasapaiyo, itini i kaciherangan, i lalo’odan, o tapangan nira halo o lamit, ano mafotfot to ko tapangan, pilien ho ko tatiihay a ca’ang ato papah, ta paicang han maicang to i manga’ay to malasapaiyo. O tatokem o kietecay, angreray, ko’esanay, ciwakay to mamang, mafasaw ko sakawarak ko tatirengan, sapacikay to remes, palasawad to lifawa, saparakat to isi’ ko hasapimaan no tatokem.

Hasapimaan(用途)

O fadas o safangcalay nipalomaan iraay ko tan-pay-ce, tadakadofah ko weysenso, kay, tie no fadas, pidama^ to lomahaday ho a wawa, sapacikay to remes no faloco’ ato sakafangcal no fitoka^ a adada.

Hasapimaan no dongoc

O akaway no dongec ’atekakay nikaorira, caay kanga’ay mapetek, manga’ay misateka misanga ato misanga to masamaanay a lalosidan, tinako, o takar, ’anengan, fakar, kakoyodan, manga’ay malosafalod. O tafedo nira mangaa’ay sakohawen, o lamit nira manga’ay misatingalaw to remes, mafasaw ko tatirengan, miserer to siya, manga’ay mipaadah to kawsiya. Marohemay a heci manga’ay a makaen. O akaway nira manga’ay miapoh to arika^ no tiyad, sapacikay to remes, saparakat to isi’, miadah to adada no wadis.

Hasapimaan no tamorak

Mi’efacay to sakakofel, sapiliyas to lacaan ko tamorak, matongal to katanetek no tatirengan, mipadang to doka’ maadah, adihay ko weysenso C no tamorak, matongal ko falohayay a payseciw, mapacakat ko cirekay a matayal, harakat maadah ko doka’, adihay ko β-ningcing, ano mapaceror a komaen, manga’ay maserer ko matadipohaw, manga’ay mingiriw, nawhani, caay katakaraw ko u-dung no tamorak, mafecol a kaenen, o sasafangcal manga’ay ano sapimingiriw to tiring.

Tahapinangan 參考文獻

O 'orio no 'Amis 阿美族文化

野菜-阿美族的冰箱