Sie Sowiy-Tennis a mimaliay

Sie Sowiy-Tennis a mimaliay (謝淑薇-網球職業選手)

TNL Mediagene

Ci Sie Sowiy (kowaping: 謝淑薇, Inkiris: Xie Shuwei), itini i Australia a tenneis to fafahiyan ato fa’inayan tatosa sakapot, fafahiyan tatosa sakapot pakaala to saka cecay compay (tamohong), matilid i Australia a tennis to 24 mihecaan a patilidan.

Ci Sie Sowiy (Xie Shuwei) tatosa malafafahiyan to saikoray kalalifetan a kapot o nai Belgium (Pilise) ci Elise Mertens padoedo a ’icelan, kinatosaay aca mafarasiw ko sakalalifit maala ko no fafahiyan a kompay (tamohong), ci Sie Sowiy (Xie Shuwei) to no ningra mahaopay ko tosaay a kompay (tamohong) mapatireng ko no Taywan a patilidan, itini i Australia a tennis to 24 mihecaan kinacecay ho manengneng ko nian.

Mahirateng i ’ayaw to tosa romi’ad a kalalifetan, o fafahiyan no Taywan no tinnis a pimali a mimaliay ci Sie Sowiy (Xie Shuwei) ato kapot a fa’inayan o nai Polan ci Jan Zielinski fangcal ko kasakapot ciniala to Australia a tenneis to fafahiyan ato fa’inayan a kompay (tamohong); anini Sie Sowiy (Xie Shuwei) ato kapot  a fafahiyan ci Elise Mertens tatosa padoedo ko tanestes nangra, kinatosa mafarasiw to ko sakalalifet a Ukraine ci Lyudmyla Kichenok ato Latvia ci Jelena Ostapenko macefis to no fafahiyan a kompay (tamohong), saka mahaop ni Sie Sowiy (Xie Shuwei) ko tosaay a kompay (tamohong) mapatireng ko patilidan no Taywan, i Australia a tennis to 24 mihecaan kinacecay ho manengneng ko nian.

I ’ayaw ci Sie Sowiy (Xie Shuwei) kinapitoay to pakacomod to tadamaanay tatosaay fafahiyan a kalalifetan, kina enem pakaala to tatosaay fafahiyan a kompay (tamohong), o kapot ci Mertens caay ko kinacecayay ho, i 2021 mihecaan i Wimbledon tennis kalalifet na o malakapotay to a pakaala to cangra tatosa to kompay (tamohong).

Saki ci Sie Sowiy (Xie Shuwei) ato ci Mertensan tatosa nai 2021 miheca to ikor, itiya pakaala to kalalifetan miteka, itiya pakacomod to i Australia a tenneis to fafahiyan tatosaay lalifet, o nian padoedo ci Sie Sowiy (Xie Shuwei) i Australia a tenneis to fafahiyan saka tosa kompay itiya, o sakalalifet i o nia Ukraine ci Lyudmyla Kichenok ato Latvia ci Jelena Ostapenko tatosaay a malalifet.

Palahecad ci Sie Sowiy (Xie Shuwei) ato ci Mertens fafahiyan tatosa masakapot a kalalifet – enemay ko kalalikel ato toloay ko tadamanay a fafahiyan lekapot a kompay (tamohong), ni Kichenok aci Ostapenko itini i ’ayaway i Australia a tenneis caay ho pakaala to kompay (tamohong), i tadamaanay kalalifetan no fafahiyan lekapot o itiraay i sasepatay kalalifetan aca.

Itini to nia fafahiyan a kalalifet o pasayraan no nengneng no tamdamdaw ko nian, ci Sie Sowiy (Xie Shuwei) ato ci Mertens fafahiyan tatosa masakapot nai pitekaan i co’eday a mali macekal ato ka’ayaw no salil a manga’ay ko paco’ay ikaka to sakalalifet, o dadahalay paco’ay a mali o saka caay pakarepet no tao, na miteka ko kalalifet padoedo sa maala ko 6 a mali, 26 ko fen a toki, 6-1 maala ko sarakatay.

Pitekaan matatiwtiw ko tingso, ci Kichenok aci Ostapenko I saka tosa ranikay paco’ay to pilifet, saka tosa i ci Sie Sowiy (Xie Shuwei) aci Mertens 0-2 ko tararikor, nika sakina tolo maleko nangra ko pamali, i saka sepat maawid to ko tao pamalian saka 2-2 ko lecad, nikalalifetan tangasa i saka falo, Taywan Belgium sakapot mili’ayaw i ka’ayaw no salil matapi’ ko tao, mirepet to pili’ayawan, itiya 5-3 ko pili’ayaw, talacowa o tao misa’icel mico’ay itira saka siwa matipi’, nikawrira ci Sie Sowiy (Xie Shuwei) aci Mertens tanektek ko paripa’, paikoran malowid to ko tao , saikor 6-1, 7-5 ko tingso maala ko aniniay miheca i Australia a tenneis to fafahiyan sakapot a kompay (tamohong).

To nian ci Sie Sowiy (Xie Shuwei) aci Mertens katatosaan o saka tosa to kina kompay (tamohong) pakaala, nanoya ci Sie Sowiy (Xie Shuwei) o sa’ayaway ningra pakaala to i Australia a tenneis to fafahiyan sakapot a kompay (tamohong), o saka falo to a kompay (tamohong) ko pakaalaan, katatosaan nangra a fafahiya sakapot kompay (tamohong) a pakahofi 73 ’ofad no Australia payso (NT 1530 ’ofad payso). Ci Sie Sowiy (Xie Shuwei) caay ka dengan i tatosaay fafahiyan ko kacingangan nai saka enem macakat tangasa saka tosa no hekal, o kapot ci Mertans latek o papatiko saka cecay a tadamanay no fafahiyan.

’Ayaw no tosa romi’ad ci Sie Sowiy (Xie Shuwei) aci Zielinski masakapot to no fafahiyan ato fa’inayan a kompay (tamohong), mala o sa’ayaway pakaala no Taywan to i Australia a tenneis to fafahiyan ato fa’inayan tatosa sakapot no Taywan a singsiw, anini, itini i tatosaay fafahiyan ci kapot ci Mertens a satakaraway to, o cecayay a kalalifetan mahaop ko tosaay a kompay (tamohong), o saka cecay cinialaay to matiniay a kilok, o no i Australia a tenneis nai 2000 miheca no Australia a tenneis a singsiw ikoray ni Rennae Stubbs, ira haca ko pakaalaay to tatosaay fafahiyan, tatosaay fafahiyan ato fa’inayan tosaay kompay (tamohong) tadamaanay koni.

I ’ayaw miheca pahanhan ci Sie Sowiy (Xie Shuwei) to 18 folad ko romi’ad, ikor tadamaan ko pilifet ningra, saki no niyahan to Wimbledon, France, ato Australia a tennis faloay to ko kompay (tamohong) maalaay, anini miheca saka falo folad o mamilifet ho to sepatay malawaay i no USA tennis kalalifetan a kompay.

Mitiliday: Onto tilifi mikawitay.

Mifalicay to tilid: ci Masao Nikar.