Salafi'iay a maci'

Micelem to ko cidal. Satapan to misiwfay. Alatek paliwar to sama`ama`anay a dafong.Ira ko riko, taka`enan , tasalamaan kahilahilasan. O Ka fa`edetay a kitakit(東南亞) o tadama`anay a pisalamaan(觀光區)konini.

Pisiwfay a demak ira ko tosa a sasiloma : Saka cecay padetehan a misimsim ko pisiwfayan a maci`. Nolate noniyah a loma. Haca o micaliwwan a loma' hapisiwfayan. Salafi`ifi`sa ko pi siwfay. Irasato Patongalhan pacafay to kapahay no niyalo a mono(特產). Saka tosa i cecay a lipay anga misiwfay. Tora sakaenem, sakapito no lipay. Mikihamonay a siwfay a tamdaw masa`opo malacafay mapolon ko tayal sali- naxlinaxsa ko niyalo a paliwal cangra.

Salafi'iay a ma`ci(夜市) i tiya micelem to ko cidal misatapan to pisiwfay paliwar. Kapahanhan to ko matayalay a tamdaw malacafay to idan noratek mapolon ko palo no loma' hakelonsa misalama mi'aca. O:rato Paliwal a dafon kahilahilaan soto. No fa`inayan fafahiyan a rik`o,koco', fati, cangaw , sapi`ino`asikin ,taka`enan,sakatayar a lalosidan,tasalama`an..... kahilahilasaca.

I tini sa Taywan salafi`iay a maci hananay a dihay ko sama`ama`anay a dafon kahilahilasa`an ko paliwaran . O siykac` no tamdw. Cowa ka sasawaden a pinangan koni.

Masalafiiay a Kalali’acaan-夜市

Celem saho ku cidal makakerekrem ku dadaya, mararawrawtu ku salawacan nu Maci(市區), ‘alumantu ku miparayrayay a patala tu sapa'aca. Palitmek a misilsil tu sapa’aca nu tireng paysa’ayaw. Ira ku cipararay, ira ku teli sanay i sasra, ira ku i palidingay a maca'it. Nikawrira, muecel ku parayray a masatisil; kakahad ku kasala'ela'ed nangra, fangcal ku karumakatan nu lafang.

Tu'eman satu sataengad sa ku simal, matiya u rumi'ad ku pinengneng mahapi:nang, itiyatu haw i, naicuwacuwaay a tamdaw malisafuntu a tayni minengneng tu nafalucu'an nu tireng itu palitmek.Itini caay kapipadeteng a mirikec tu karumakatan, paka'ayaw kanca pakaikur a misitapang ma^min a manga'ay, pakawanantu , pakawilitu awa ku sumuwalay. Nawhani, u hanhaenay aca ku pinangan tu nanu 'aya'ayaw. Saka ‘a'ecu'ecu satu, mi'isir tu tatirengan rara han mituur ku ka'ayaway a rumakat.

U tamdaw ku saka ira nu paysu, awaen nu tamdaw awa ku paysu, unian ku saka^ca ka latu’nu matiniay a tayal, unian ku mituka'ay cangranan u mipaliwalay. Itini i Tayciw, adihay ku miingiday tu Maci(市街) a umah, u paka^sesay a tamdaw i, palasawad han ningraa ku lima fakciw nu facal a mi'amutu misapaenan, malu sapipatireng tu pisiwfayan(市場) tu dadayaay; cila satu, mapatirengtu ku lawalawac nu sra ningra tu takaraway luma’, malecadaytu a macakat ku ‘aca nu sra ningra.

Ka'inalan a minengneng ku matiniay a tayal hantu, nikawrira cima ku mafana'ay tu ruray nangra hakiya. Caho kapicelem ku cidal misakimukimur itu, maupuh miparayray tudafung a mipatala tu lafang; ya hinatala tu sakairaaw atu mi'em'em tu sakafuti’aw, tahira i lafii tusa ku tuki; ta nukay sa mafuti’. Anu pararirsa i ngata nu luma’ ku pa'acaan manga'ayho, mafalic tu dadayadaya ku pipa'acaan,alatek fesiwsa tayra i Singciku(新竹),lafii patikul minukay tayni Tauciw. Caay ka cifalucu’ atu caay pakahadidi a tamdaw tangsultu misawad tu matiniay a tayal. Dengan u ‘urad ku mamitena’ tu falucu’ nangra, u misalinalinahay(流動) a siwfay kuninian.

Adihay i tokay ku misiwfayay,(商圈) ira ku nu tireng a luma’ira ku micaliwan a luma’tu malu tiyam(店面). Maru'ay tuya ccay a lalan, malecad ku kasasuwal nangra a tahira i lafii ku pisiwfay; patungal han nu i lalanay miparayray, ma:ngalef ku ka’aluman nu tamdaw a miraur.

Ruma, ira ku pataduan nu Cenfu(政府) ku pisalamaan a kalali'acaan(觀光市場) tu dadaya, caliw han nu 'alumanay; nika u facu ningra caay ka sasiruma tuna misuwalan tu i ka’ayaway.

Tapal han a minangneng ku pa'acaan nu matiniay a pisiwfay i, masalalekuan itini i 'urip ita tu rumi'ami'ad. U Ca'dung, Kakaenen, Sakiluma’atu masamaamaanay a sasalamaen makayrayra itini, anu awawaay i , palatawa hantu pasuwal “Idahi tu nika awa”! Nawhani, aniniay a pisiyakayan i, tada awaaytu ku rumi'ad a mi'aca tu 'a'acaen aca; kanga'ayan ira ku matiniay “Masalafiiay a kalali'acaan".

Pi'arawan to lakaw

• 高櫻花. (2011). Wikipedia 維基百科 族語詞條試寫─原住民族語詞條 2011作品集. 教育部.