Sakalira no ilisin-Alikakay a kimad

Sakalira no ilisin-Alikakay a kimad (豐年祭的由來- Alikakay傳說)

Itini i kasaniyaro’aro’ no Amis/Pangcah i, ira ko nikasasowalan no tamdaw a marayray i no to’asan a kimad.

Saka cecay i, o tato’asan no ’Amis/Pangcah o nano kalenlen no hekal a malikid tayra i hekal no Taywan sanay a kimad.

Saka tosa i, o pikinafalah to ’orip ko ’Amis/Pangcah a tamdaw a makinapatay a mico’a’ang miliyang to mari’angay a Alikakay a kimad no to’as.

Oya ’ayaway a nisowalan o sakaira no mapatayay, mifetikay ato mipalomaay a lisin no lekakawa; o aikoray a nisowalan o sakaira no pisacepo’ ato piilisin a sakaira no nian.

Pakayni i Alikakay a kimad no to’as, o kakafana’an no tamdamdaw, nawhani o mato’asay maolah paini to sapilalang ano eca sapatalaw to caay pitengil to sowal a ka’emangay a wawa. Orasaka, o ka’emangay a wawa no ’Amis/Pangcah o kafana’an a kimad ko nian.

Sacisowal sa, i ’a:yaw, ira a tayni i Palik ko Takara:way ko tireng, o tano fanoh sanay, mafana’ a midemak to masamaamaanay a lisin, caay ka maomah, caay pipaloma, rakarak sa to romi’ami’ad, sacisowal sa cangra i cangraan o Alikakay saan, caay ka maomah, saromi’ad sa mirarakat.

O mato’asay no ’Amis/Pangcah a tamdaw i, o fainayan i, mi’adop to romi’ami’ad, o fafahiyan sa ko i loma’ay, paloma to hafay, konga, ano maomah itira i omah, mihakelong ko wawa, o ta’angay a wawa, mifafa to safa. Itira sa i manengnengay no ina ko pidipot to safa haw han no ina ko kaka a pasowal.

Nanoya, ma’edengay to kacahiwan no nifafaan no kaka a wawa na saan kira ina, ma’edengay to a cocoen kina wawa saan kiya ina. “Ha! Ina, namicoco tokiso i honi kiya, a micoco heca kiso to wawa imatini? saan ko ca’of nia mifafaay a kaka. “I? naihacowa kako a micoco? Caay ho kako picoco nano dafak, caay ho kako pidemak kiya?” araw han no ina kiya wawa, hapinang han i, ’atekak to ko tatirengan, li’etec to, o tiyad i matepong, mamaanay kina demak sa, mapatayay to. Somad sato a tomangic minokay, tahaloma’ sato i niyaro’ i, o malecaday to a demak ko ’alomanay, adihay ko mapatayay a wawa.

Itira sa i ka’etipay a niyaro’ ira ko mahaenay, ira i sawalian matira to, no i katimolay ira ko mahaenay, sato ko kararawraw no niyaro’. Nanoya, masasowasowal to ko mato’asay, mikilim toya o cima kiya koma’enay to wawa ita saan. Nengneng han no cikawasay koya mapatayay i, fohat han no cikawasay ko tiyad, nengneng han, awaay to ko tina’I, awaay to ko ’atay.

Ah! Kaenan ko tina’i ato ’atay ni na wawa, saan ko mato’asay a masasowasowal. Sahirateng sato ko ’alomanay i, o yaan a Alikakay matiya, nika caay ka nengneng.

Tengil han koya midipotay a wawa i, masamaanay kiya tayniay a micocoay a tamdaw han i, iso iso to ina, mahaen to ko kaciriko’, mahaen to iso ko ngiha, mahaen to iso ko takaraw, malecad kisoan ko tawa. Ah! Mamaanay kina demak sa ko mato’asay, awaay ko mahapinangay a sowal a tengilen. Caay ka tolo saan ko Alikakay, o ’alomanay ciira, sa ’aloman ko mapatayay a wawa. Masasowasowal to ko mato’asay, nengnengaw ita ko na demak, pasaopoen ita ko wawa itini i talo’an, oya mato’asay ko midipotay, o mato’asay to a wawa no niyah i, tayra to i omah a madademak, ano caay haenen i, cima to ko maomahay. Saan ko kasasowal. Itira han to ko wawa, na faloay ko mihecaan tahira nanisofocan, pasaopo han itira i talo’an, o fai to ko midipotay.

So’elinay, tiya romi’ad i, matengil nangra ko sanay a ngiha “Lakilaki, iraay to kako Alikakay, macahiw kako.” a romakat i liyok no niyaro’, nanoya tahira i talo’an pahater saan, milaya’ to kamay misoo’, mifohat pakayra i ngala’ no loma’ a mikilim toya wawa. Oya wawa sa i, metalaw to a milimek, dadi’edi’ec saan a matataketakec, o mato’asay sato i, ’aloman cangra, “Ta! Aka katalaw kita.” Ala miala sato cangra to misanga’an mikared a saso’ot, sapifedfed to kamay noya Alikakay, itiya tengteng han no mato’asay.

Oya wawa i, masaopo to. Oya roma a romi’ad, “Tata, kita o fa’inayan, maherek to kita a mitipos ato lalood haw, malahakelokelong kita o mato’asay ato wawa a mifoting. Kamo o fafahiyan i, a i loma’ to kamo, a patala tamiyanan. Lafii i, a makomod ko niyaro’. o dafak sato i,