Saikoray a mifelihay analal a “Misatatad to Taywan yofayof” a analal

Saikoray a mifelihay analal a “Misatatad to Taywan yofayof” a analal (末代叛亂案『獨台會』案)

1990 miheca saka 3 folad a onto no mitiliday, toya na mihecaan o pikomodan a kasakapot no mitiliday a onto, padoedo ira ko miliyangay to ni Hao Bocon a pikomod to “mifelihay to pikapot no sofitay” a demak, saka tala’ayaw no cifana’ay a kasakapotan, tangasa 1991 mihecaan masadak konini a “Misatatad to Taywan yofayof” a analal i, onini a malitosaay a ’icel miliyaw mapapolong ko syakay onto toya mihecaan a mifelih to piri’ang no sician a onto a demak.

Mapalowad konini a tata’angay miliyangay onto a “Misatatad to Taywan yofayof” a analal, itira i 1991 miheca 5 folad 9 romi’ad, naitiya a romi’ad a analal miteka, nawhani caay ka songila’ ko pidemak no Komintang, saka manayar ko piliyang a demak tangasa i 5 folad 20 romi’ad, ira ko 12 romi’adan, masalalowadan, o sito a kasakomod micalap to syataw no cilamalay i Taypi 5 ko romi’ad ko lafin.

Masamitiniay ko demak i 1991 miheca 5 folad 9 romi’ad i 5:50 ko toki to dafak, o mipolitaay (Tiyawcaci) micokeray a kakeridan ci Gao Minghui ko citodongay, misitapang a pakilinikay ko pirepet a demak. Taypisi a Tiwcaco, Taypisien Tiwcacan, Sincosi Tiwcacan, Takaosi Tiwcaco sepatay Tiwcaci la’enoay citodongay, itini ni Gao Minghui a piceling, malecad ko enemay kaitiraan ko pidemak.

Itira cangra i Taypici mirepet ci Chen Zhengranan, micomod i Sincu Tsinghua daykako fa’inayan sikosya miala ci Liao Weichengan, itira i Singtien mirepet ci Wang Xiuhuian, itira i Takaosi mirepat ci Masao Nikaran. Nanoya, onini sasepatay halomisolapay mirepet a citodongay minikiw to maamaan tilidan itiya mipatayra i Taypisi Tiwcacu.

O sakasaan no Tiawcaci: o mamicowat to selal i kitakit ko nipatirengan ni Shi Ming ni Dipong a “Misatatad to Taywan yofayof a yafayof” o sanay, saka i saka pitekaan no saka 5 folad, masapinangay to no Tiawcaci konini a sakapot to dademaken saan, laloma’an a “Misatatad to Taywan yofayof” o mamitelek to dademakwn, malaheciay to ko pirina to sapisinting, palilan i kasaniyaro’. O sowal ni Gao Minghui: “Caacaay aca papipasadaken tonini a sapisinting ato sapacipat.” saan.

So’elinay, mafelih aca a saka tata’ang no demak. Pasowal ci Gao Minghui: “Toya ’ayaw no lahok, itira kako i Taypisi Tiawcacu a mi’eses, caay pitolas ko tingwa.”

Sa’elinay, toya ’ayaw no lahok, ranikay sa makerih ko singsi mitiliday no Tsinghua daykako. Kalahokan to, mipatireng ko mitiliday to “Ni Liao Weicheng micokeray yofayof” i pitilidan a mirarakat, mi’ang’ang pakokot to picomod i pitilidan mirepet to tamdaw; herek no lahok, itiya pasayra to i Sinwenci, Lifayin, Taypi tiawcaccu to piliyang.

Dadaya to, mincintang a Lifawuyin ci Lu Xiuyi, Hong Qichang aci Zheng Yuzheng, patihi to hakasi, yinciw no Tsing Hua daykako ato dayhiw no mitiliday tayra i Taypisi Tiawcacu miai to tamdaw, malaliyang aci Gao Minghuian, awaay ko padepocan, pinaay semo^otay a mitiliday ato finawlan itira i fawahan no Taypisi Tiawcacu mipacipat to tilid, miteleng to kiladom a miliyang. “Polong no kitakit a mitiliday a kasakapot” ka’amisay sa’etal a kakeridan ato Taywan daykako a todong “Mitelekay to kimpo kasakapot” a tamdaw ira tayra mikihatiya micikeroh.

Saka tosa romi’ad, miteka to dadahal ko na demak. Kasa pitilidan misatapang a macowat ko midamaay tona onto, oya hakasi no Tsinghua daykako malalikid nikapolongan mipangangan a miketer to “Masedafay faloco’ micaliw to mapatayay patiko to salo’afang”, toya romi’ad salaloma’an no pitilidan, papotalay no pitilidan 80 hakasi malalikid mipangangan to sapicoker. Cense, Taywan hakasi yofayof, Skakaay kingkiwyin a kasakapot mikingkiway, misetek to “mifelihay to sofitay a pikowan” pakayraan, malakapot to ponkaan mapolong miliyang.

I 12 romi’ad, “Kapolongan miliyangay pikari’ang no sician nikapolongan” a mitiliday, talifahal sa micomod i Congcenmiaw, ira ko mamo^etepay a hakasi tayra mipadama. Nika, herek no lahok to limaay ko widi, maocor ko imeng milaplap, oya ’alomanay ca Chen Shimeng mata’elifay ko tosa polo’ a hakasi mapekpek no imeng. Dadaya sato, miocor haca ko KMT to imeng matatoy to sapekpek a mipalo to hakasi mitiliday.

Onini kinatosaay pipekpek no imeng a demakan, malengat a sangotefoh sato ko polong no syakay, makacifana’ay mipatireng to “makafana’ay mifelih pikari’ang no sivian nikapolongan”, miketon i saka 520 romi’ad a mirakatay a piliyang.

13 romi’ad, kasasiked rarawraw to ko pitilidan ala’ecaay to pitilid. 28 a singsi no Tsing Hua daykako i herek no lahok pasadak to “pakaniraay ko pinanam, awaay ko raraw no harateng” sanay pipaterep pitilid a ontio. I 14 romi’ad, Mincintang ato Sincawliw ko mikeriday to syakay misetek to sapikapot midama.

Ci Gao Minghui itiya i 13 romi’ad pihapiwan, miliyas to micokeray Tiawcaci a todong, nika caay to ko mamafasaw konini lalengatan demak.

Itiya i 15 romi’ad herek no lahok 2 ko widi, o Tsinghua daykako “micokeray ci Liao Weichengan” singsi mitiliday 300 ko tamdaw ato “polongan mitiliday sakapot” a mitiliday 800 ko tamdaw, talafahal sa cidemak micalap to syataw no kasoling no Taypisi, misatakaraw micikeroh to piliyangan, tangasa i 20 romi’ad.

Itiya 16 romi’ad, Lifayin mitamoray pasadak to palasawad to “Mitefoc to miraraway telekan (Cence panloan tiyawli)” a analal, nika, itiya cidemak haca ko misolapay tayra i Jiaotong daykako mihokhokay a demak, mapataraw haca ko piliyangan a demak, makedec aca ko 520 pirakatan miliyang a pa’icel.

Ikor i, tadamanay hakasi ca Yu Yingshi, Li Yuanzhe, Du Weiming mikihatiya to pipangangan. O sapipalasawadaw to kohecalay katalawan, palasawad to misatekeday a latiih rikec, caayay kaciraraw mapasadak koya 4 a kapah, miliyas ko mikedecay to pitilidan sanay a salongoc a mirarakat, itiya 20 romi’ad ira ko 4 ’ofad no tamdaw ko mikihatiyaay.

O Lifayin itiya 21 romi’ad mihayda mipalasawad to “Mitefoc to miraraway telekan (Cence panloan tiyawli)” a analal, i 24 romi’ad mihayda palasawad to “Pitefoc to sepay telek”. Padoedo, oya 100 liyad a sarikec, pakayra ko hoyin midotoc tonini a rikec saki “Misatatad to Taywan yofayof” a analal sa 4 a mipakokotan o nipacorodan no kapolongan awaay to ko patodongan a mapalasawaday to.