Romi’ad no yncuminco
Romi’ad no yncuminco (原住民族日)
[mikawit | o yin-se-ma no pisinanot]Romi’ad no yincuminco o nano Conghuaminko piharatengan to pangangan to yincuminco saki pihamonan no niyah a romi’ad, romi’ad itini i 8 folad 1 romi’ad[1]. Onini a romi’ad o nano Conghuaminko nitelekan a piharatengan a romi’ad.
Piikoran (背景)
[mikawit | o yin-se-ma no pisinanot]Nai 1984 miheca Taywan yincuminco salongoc micikerohay to “yincuminco pangangan a onto”. Onini a onto milongoc dengan pingitangit mifalic to i’yaway nano Conghuaminko a nipangangan “Santisanpow” sanay a patodong i, halo pipatikol to rocokan ngangan no tamdaw ato patikol to ngangan no niyaro’ o sanay. Ikor tonini a onto itira i 1994 miheca 8 folad 1 romi’ad, pakayni i Komindaykay mifalic ta i kimpo ko patongal a mitelek o nano “Sanpaw” mifalic to “Yincumin” sato, Sincenyin piharatengan to pangangan to yincumin, itini i 2005 miheca 6 folad 15 romi’ad i kalomaoc no Sencenyin mihayda to “piharatengan ato kaacangang pidemakan a telekan” tateleken, miketon to mihecahecaan i 8 folad 1 romi’ad ko “Tincuminco romi’ad” piharatengan sato [1].
Tadamaanay patodongan (重要意涵)
[mikawit | o yin-se-ma no pisinanot]“Yincuminco” o niyah niketonan a pitahidang, caay ko tao ko pafeliay, no niyah nitelekan a ngangan, o niyah kalacecayan no finacadan ko patirengan, o pitireng to salongan to pingodo to niyah atom o^celay no syakay a patodong a harateng, ato pisawad to micingcingan pikowan a tomenekan harayeng. Orasaka pakayni “yincuminco” a pipangangan pa’icel ato kalalikidan no sa’ayaway no Taywan, pahapinang to yincuminco o nano tada tawki tamdaw no Taywan, ato katadamaan no yincuminco i Taywan[2].
’Ayaw no katatefing no Taywan yincuminco ato tayniay a tamdaw i, dotoc sa to pakoniyahay a lekakawa ato sarikec, to ka’oripan a sofal midemak to sakirikec mikowan, roma a sowal, o yincuminco ira ko todong a iraay ko no niyah pikowan a sakirocok to sofal, onini a niyah pikowan pahapinang i ka’oripan a sofal no tamdawan, demakan, lalosidan a kapolongan, ma’osiay, caayay kacitodongan roma rikec pikowan a ’icel.
Pahapinang no Taywan a patenokan, o cecay a ponka no Taywan ko Conghua ponka, patapal to polong finawlan no Taywan, saka ira miraayay likisi no Taywan, ’ayaw no 6000 mihecaan, yincuminco o iraay to itini i Taywan, macowat ko masamaamaanay tadamaanay a ponka, nanay o finawlan no kitakit o mingodoay masasiraoyay to nga’ayay ponka no yincuminco[3].
Pili’ay a lalowadan (道歉儀式)
[mikawit | o yin-se-ma no pisinanot]I 2016 miheca 8 folad 1 romi’ad, Conghuaminko sifo pasi yincuminco ko pili’ay a lalowadan itini i ka’ayaw no congtongfo cingko rawang midemak. Mili’ayay o Conghuaminko sifo, midayhiw ci Tsai Ing-wen, o dayhiw no yincumin o kakeridan mifelihay no heneng a Tao finacadan ci Capen Nganaen ko milayapay[4].
Mikihatiyaay ira ko (主要參加人員有)
[mikawit | o yin-se-ma no pisinanot]Conghuaminko sifo: Micokeray to congtong ci Chen Jianren, Sincenyin kakeridan ci Lin Quan, Hoyin kakeridan ci Lai Haomin, Pilifetanyin kakeridan ci Wu Jinlin, Kantokyin kakeridan ci Zhang Boya, Kantokyin kakeridan micokeray ci Sun Dachuan, Lifayin mitiliday ci Lin Zhijia, Cinmintang kakeridan ci James Soong, Setayliliang kakeridan ci Huang Guochang, Mincintang mitiliday ci Hong Yaofu, Congtongfo micokeray mitiliday ci Liu Jianxin, Zeng Houren
Taywan yincuminco: kasafinacadan dayhiw
Roma kitakit a dayhiw: kasakitakit Tuvalu nipatatekoan dayhiw 11 kitakit itiniay Taywan ato dayhiw[4]
Kasakamok (相關條目)
[mikawit | o yin-se-ma no pisinanot]Taywan yincuminco pangangan a onto
Congtongfo yincuminco likisi mo^cel ato paliyol pamo^cel wuyinhuy
Kitakit pili’ayan romi’ad
Canada polong kitakit yincumin romi’ad
Pinengnengan to tilid (參考資料)
[mikawit | o yin-se-ma no pisinanot]1.原住民委員會 你知道8月1日是原住民族日嗎？原民會說明其由來、意義，並宣布相關系列活動及門票優惠. [2018-03-07]. （原始內容存檔於2018-03-08）.
2.存档副本. [2018-03-08]. （原始內容存檔於2018-03-08）.
3.8月1日「原住民族日」之由來與意義. [2018-03-08]. 原始內容存檔於2022-06-27.
4.總統府. [2018-03-08]. （原始內容存檔於2018-03-08）.