Rinahem
Rinahem（光榮部落）
Itiniay i Shoufeng Cen no Hualien ko Rinahem a niyaro’, 327 ko sa’osi no parod no loma’, 913 ko sa’osi no tamdaw.
86% ko ka’aloman no Yincomin, polong han i, 787 ko tamdaw; o roma sato i, 14% ko ka’aloman no roma a finacadan, polong han i, 126 ko tamdaw.
O pa-sin-to(百分比) no ka’aloman no tamdaw no kasafinacadan i, ko Amis79%, Truku1%, Tayal1%, Bunun1%, roma4%.
Ira ko picodadan(Rinahem部落圖書資訊站) i niyaro’.
Rinahem a niyaru'(光榮部落) Pulut nu runung han i naayaw ku ngangan nu’’ kuwangrung’’. I makatimul nu lutuk nu banaw sisa panganga han tu Rinahem. Tengil han ku pasuwalay i nanganga naw maka Talukuay a Linaw hananay a niyaru saan. U macebeday a lutuk ku imi nira. Tangasa nika tayni nu kukuminsiyu pasiket han tu ngangan kira niyaru ta singangan tu’’ kungrung ’’, U nu Rinahem tu a kakuwanan. Tangasa sa i minkuku 68 a mihca. Paruma han a pangangan tu ’’kuwangrung’’. Ina niyaru i papaw tu nu makawanan nu luki, i maka wali i samis nu Rinahem, i saamian cacay a kililu ku nipiraay a masaenaray a siniyaru. U nilatengilan nacaay hen ka sidemak ku cikasuan , ira kiya ci Musa.Avu hananay a mi`adupay. Maaraw nira kina kapahay a kitilaan. Tuna mahaen taluma satu katien tu nira ca Calaw.Vutul, Kayu.siwa, Tavah.Kacaw, a masasuwal a milaheci tina demkan. Tuwa ci Musa.Avu ku saayaway i makawali nu niyar a paluma’. A miletek tu kilakilang a misalaku a paniyaru itila. Tangasa tu herk nikasidemak nu cikasuan i, muketu nu palumaan nu i lidaway a cikasuan malina a paluma i tini, tu ruma a mihcaan, ira aca ku limaay a palumaan nu cikasuan atu cacay a palumaan nu pukpuk a tayni. Araw mala tataakay tu a niyar ku nika aluma nu tamdaw. Pangangan han tu nu ripun tu ’’siwsiya’’. Tangasa i daycin tuluay a mihca asip satu tira niyaruan araw tangasa tu i enemay a pulu’ ira ku tulu nu palumaan. U saadihayay ku cikasuan sepat a pulu’ ira ku lima ku palumaan , liyaw satu u natawran muketep ku palumaan, ta u sakiraya enem ku palumaan , tu u pukpuk atu lidaw ala cacay ku palumaan . tu namahaen alualuman tu ku nikararuyaruy nira cikasuan a paluma itini. Tuni patangasa nu miasipay tu lumalumaan . I cawhe 8 a mihca makaala tu 105 ku palumaay, u tamdaw satu makala tu 553 namahaen ,u babahi 373 may, u babinay i 280 may) amin. U saalumanay ku Pangcah a niyaru' tangasa anini.
Pi'arawan to lakaw
[mikawit | o yin-se-ma no pisinanot]- 張美妹. (2011). Wikipedia 維基百科 族語詞條試寫─原住民族語詞條 2011作品集. 教育部.