Rao Pite siuni

Rao Pite siuni (饒培德修女)

Rao Pite siwni (Sr.M.Christine Lauber,CSC,1936-) Switzerland a tamdaw, misawad mitilid i Fribourg kangkofo pitilidan no Switzerland, 1963 miheca maocor no Payleng wayfang dintokay (Bethlehem Mission Society) a tayni i Taywan, itira i Tadamaanay ciwcika (Holy Cross) Sida’itay siwnihuy a patadoay.

Rao Pite, Switzerland a tamdaw, masofoc i 1936 miheca, misawad mitilid i Fribourg kangkofo pitilidan no Switzerland, 28 ko mihecaan maocor no Payleng wayfang dintokay (Bethlehem Mission Society) a tayni i Posong, itira i Suli Posong isingan pitokadan padamaay tayal, nanoya minanam to sowal no Holam, ikor no 3 miheca malinah tayra i Taytong Kuansan Tadamaanay ciwcika (Holy Cross) padipotan, ta tayra cingra i padipotay padamaay tayal i kasa niyaro’ no yincumin, marakat ko Singko, Sangwu, Senyong a niyaro’, ikor no 8 miheca malinah tayra i adamaanay ciwcika (Holy Cross) padipotan midipot to makedetay ko pona’, malitosaay ko adada no tiring, caayay to kadademak adadaay tamdaw. to mihecahecaan pakayni i ciadaday to faloco’ tamdaw, saan misawad to pidipot to tayal, nika, ci Rao Pite siuni oyaan to ko pipatado ningra to dademaken, mipadang to roma a tayal no siuni.

Tala lotok tala riyar, caay pahanhan ko rakat. (上山下海　腳步未曾停歇)

’Ayaw no 30 miheca, awaay ho ko makoracay nanom i niyaro’ no yincumin, miliso’ to adadaay, romakat to limaay enemay widi , nai tokos tangasa cinanomay, o malitosaay ’orip ningra, itiniay i sawalian no Taywan ko pisacikacikayan a romakak.

Itini i kasa la’ed no Posong ato Kalingko a lotokay, enaray to niyaro’, o Tadamaanay ciwcika (Holy Cross) padipotan matiya o itiraay i Switzerland ko saniyaro’ no Kuansan. Mapateli ko caayay ka nga’ay ko kadademak a malitosaay ko tireng, talafalalay madoka’, masokedetay ko pono’ adadaay. O nika tayraan miraod, manengneng ci Rao Pite siuni to pidipot ningra to adadaay tada o pacekilan nengnengen, o demak ningra awaay a manengneng ko o nano isingan pacakat to tireng ko nilayapay to kompay a tamdaw, oya itiraay i papotal no pidipotan nanay ko nidemakan a micikeroh to adadaay, rahodayen ko pidemak to pipatado.

Masamaamaanay to ko adada no adadaay, mananam to ci Rao Pite siuni. Nai 28 ko mihacaan ningra, maocor a tayni i Taywan, o tayal ni Rao Pite siuni i niyaro’ no yincumin i Posong to mata’elifay ko 30 miheca. Kaitira ningra i Kuansan pidipotan, o inakaay a saniyaro’, nika, itira o caayay ho ko nga’ayay ko lalan a rakaten itiya, o Kuansan, o kaitiraan no katayalan ni Rao Pite siuni ko riraan, halo Sinko, Sangwu, Senyong a niyaro’ no yincumin, o nano nirakatan to ningra.

Kasacoecoed no Posong itiya, ira:ay ho manengneng to ko tireng ni Rao Pite siuni, tamdaw no niyaro’ pasowal to “Ira to ci Rao Pite siuni, ira to ci Rao Pite siuni.” saan, salipahak sa ko masafelengay tamdaw a mihamham cingraan. “Saheto o iloma’ananay ko pidipot a tayal itiya.” saan ci Rao Pite siuni, onini ko nihaenan, ano tata’ak ko orad to fali, talalotok aca, mipadang to caayay ka sikol no syakay a adadaay.

Pipatado ni Rao Pite siuni to i lotokay ira ko 14 mihecaan i, maocor haca no kafafaw tayra i pasawali Singko Tingsokiw pamamaay. Saheto o mifotingay pakoyocay ko ’orip no itiraay tamdaw, saheto o mafasalay ko tireng, awaay ko ’icel, ’aloman ko ciadadaay to no fala’; nika awaay ko matatodongay a ising itira, ci Rao Pite siuni mararid misacikacikay, misatikotiko to pidama to adadaay.

15 ko mihecaan ni Rao Pite siuni itira i Sanwu pisimawan a tayal, o midipotay to masokedetay ko pona’ a kaemangay, o kapot ni Rao Pite siuni ci Rao peicen siuni. Malahakelong tatosa mililiw to adadaay loma’, mingitangit to loma’ mihayda patayra i pidipotan miyatyat to tatirengan. Caay ka hakowa ko kihi no kiwkay, caay ka edeng ko sapi’aca to saka dademak to sapiyatyat a kikay, no kamayan sa ko pidemak, nanoyaan sa ira ko fana’ a mipatado to adadaay.

Itira i Sanwo a romi’ad, talacowa ira ko patihi no salikaka, nika awaay ko kanga’ayan, toya mihecaan ni Rao peicen siuni a miliso’ to adadaay, matolo’ cingra masetol no tosiya, mapatayra i ising no Switzerland, o tosaay tamdaw a tayal i teked han to ni Rao Pite siuni; tangasa i pipatikoan tayra i Kuansan midipot to malitosaay ko tireng a adadaay.

“Kaemang ho, misetek to saka lasiunian ko tireng, pasowal ko ina ako, saka lasiunian ko niyah i, kao nga’ayay ko kala tamdaw.” saan, oninian ko nisafaloco’an ni Rao Pite siuni “icowa ko mangalayay tokowan, itira kako.” Sanay a nisafacoan, matiniay, nao mateli’ay ko fokes ato tatirengan itiya, tangasa kaawaayan to no ’icel, nika kapaseka’an i, o mama hacecay to malowan ko Padaka a siuni, oya tadancaay adadaay no yincumin, o cima sato ko mamidotoc tonini a tayal?

Rao Pite siuni (Sr.M.Christine Lauber,CSC) pakalayap to saka 7 lekad to isingan pacakat a kompay a sapakaolah.饒培德修女（Sr.M.Christine Lauber,CSC） 獲第7屆醫療奉獻獎