Palimo

nani… a masadak Wikipedia

Palimo (獻酒)

O manmaan a demakan nano rayray no to’as ko pifetir hananay, misaali sapalemed ato pi’howid to to’as ko “palimo” hananay, talolong o tadamaanay ko lisin ko tatodong nira. Toni itira i Fata’an niyaro’ no Tafalong ko “piilisin”, nano rayray no to’as ko tatinakoen ko sasowalen i laeno.

Pakaynien i radiw sakero ko papinang to to’as-- ko pi’ahowid ato pingodo to cidal ko ilisin no Tafalong a niyaro’ no Pangcah, o rakat no demak matomes to ngodo to to’as ato kalimela to tala’ayaway ho a kapah to saka’orip. Tada makadofah ko radiw no Tafalong a niyaro’, itini i pisalisin a demak o radiw ko sapato’aya, malolalan sakatayra i kanatal no salo’afang. O radiw no finacadan mirekoay to nasaripa’an no tato’asan, o radiw ko sapakafana’ to rotoh a sowalato sakarayray no niyaro’. I kailisinan, ira ko misa’edes ato misalahoday, roma i mangaay pakiradiwen sapa’icel to kasaselal to fana’ to sakiilisin a demak. O kasaselal ira ko kananaman nangra a radiw, orasaka masamaanay ko radiw makafana’ to no maan a selalan ko romadiway. Polong no sakiilisin a demak no Tafalong, ora koya sapalemed ato sapi’ahowiday a demak “mifetir ” Oni ko nika tadamaan.

“Kailisinan ” a romi’ad, o fafahiyan no Tafalong a niyaro’, o winawina mikerid to fafahiyan a wawa nira tayra i kailisinan, no tireng misaepahan a kani’, hacecacecay sa palimo to tomok palemed, matiniay a “ palimo” a demak o karaheker no finacadan a mapalemed sakalihaday no nilongocan, roma i pihinom pakaolah no fafahiyan toni cecay a mihecan to paini a maroray to saki niyaro’ ato sakalihaday lipahak ko ‘orip no parod. O sapalimo no rarem to mato’asay, palimo a mingodo ko fafahiyan to fa’inayan, onini a cecay a takid to ni sakani’an a “ Salang no epah” sapaini patalahekal to nano faloco’an a pi’ahowid no faloco’, onini koya nisowalan to “kailisinan ” a romi’ad to pinangan no demak, o sakadiheko matomesay to sapinanay ko tatodong noni ilisin.

Pi’arawan to lakaw[mikawit | o yin-se-ma no pisinanot]

黃心宜,1998,〈阿道談太巴塱樂舞〉,《山海文化雙月刊》19:27-32。