Osay Hongay

Osay Hongay (簡燕春), samafana’ay a romadiw no Taywan.

Maherek to i nacilaay a sakaenem a romi’ad koya saka33 a rekad a pipakaolah to no Cin-ci-cyang (金曲獎), i anini a mapakaolahay tonini a Cin-ci-cyang, masalaloma’ ko cecay a samato’asay no Tafalong a niyaro’ ci Osay ina, mapakaolah ciira to samafana’ay a romadiw to no Yin-cu-min a sowal a kaolah. Mapaherek ko demak no pipakaolah, fa^cal ko rakat niira a minokas a taloma’ i Tafalong, kahemekan no i niyaro’ay ciira.

Tomireng i ka’ayaw no panganganan a mapolong a pasasing, i 12 a folad no roma a mihcaan, mapasadakay ko ni Osay Hongay o no Tafalong no Kwang-fu no Kalingko ko no tato’asan a radiw no Pangcah, awaayho ko tatinakoan to samato’asay ko pakaalaay tonini a Cin-ci-cyang, maala niira ko samafana’ay a romadiw to no Yin-cu-min a sowal a kaolah. Salipahak saan ci Osay Hongay a mahemek, maseneng ciira a tomireng i pipakaolahan to Cin-ci-cyang, mapa^edil ko niyaro’ no Tafalong.

Sowal saan ci Osay Hongay, mamaan pakayni to pisadak to no tato’asan a radiw, mapakafana’ ko ’alomanay to kahemekan a tato’asan a radiw no Pangcah, pakayni tinian a ngiha’ no fangcalay a serangawan, caay ka citolas a mapaselic i ka^mangay a haliradiw to no to’as a radiw.