O tarawadaw no Singkulan

O tarawadaw no Singkulan (秀姑巒溪)

I tini i sawaliay a ’apilis no Yu - Shan hananay, oya satakaraway a lotok no Taywan i, adihay ko sa’owac. I tini i saetipay a tafiling no pasawali a lotok i, matira to a adihay ko sa’owac. Saka ma- sopsop ko nanom no nani waliay ato nani etipay a kalosa’owa’owac i, mala- sawa’eran no Siwkulan hananay a tara- wadaw. I tini i la’ed no Posko ato Kohkoh i, masadafdaf ko sera i tira, saka masaca- pacapa’ ko sonol no nanom i tira. O ka- olahan no kapah no i lilisay no Tarawa- daw a niyaroaro’ a mikomoris a mifuting i tira tora kasacapacapa’ no tarawadaw i tiyaho. Roma i, satatad san ko cecay na- niyaro’an a cilowad to komoris. Roma i, malaladof ko pina- pina:ay a niyaro’ a ci- lowad to komoris. Caay ko pifuting aca a cecay ko pato- sokan a mikomoris, o sa- pipalatamdawaw to kapah ko sakakaay a patosokan no i tiraay a Pangcah. I tini i cepo’ no fadangaw hananay a sa’owac i sawalian no Kohkoh i, pasa- wali a mapiko ko likid no nanom. I tira a miteka mifalat a miketon to lotok no pa- sawali tangasa i cepo’ no nini a Tarawa- daw i pariyar. Adihay ko kahirahira no futing i nanom no tarawadaw, saka ka- olahan no pangcah a mifuting i tira. I tira saca i cepo’ no nini a tarawadaw misa- cepo’ a mifuting ko niyaro’ no Maku- taay. Anini sato, onini a Siwkulan ha- nanay a tarawadaw i, caayto ko pifu- tingan no Pangcah a cecay. O ka- olahan to no i cowacowaay a lafang a mikihadoy to tata’akay a dadangoyan nani tini i Kohkoh tangasa i cepo’.

Pi'arawan to lakaw

• 吳明義. (2011). Wikipedia 維基百科 族語詞條試寫─原住民族語詞條 2011 作品集. 教育部.