O pifoting no Pangcah

O pifoting no Pangcah (阿美族的漁撈)

Ano maherek ko rohef, ano caay ka saan, ano maherek ko kalipahakan a romi’ad, caay kaeca mifoting ko Pangcah. Inian a pifoting ’i, PAKELANG han no Pangcah. Deng o Fata’an ato Tafalong ko Mali’alac sanay to i rarikoray no kalipahakan a romi'ad, pakelang saan to i rarikoray no kararoman a romi'ad a pifoting. Ano pakelang to ano mali’alac to i, malecaday to a palosiyang to nika o maherekay to ko paysin. Orasaka, o miliyasayto to kapaysinan a demak, o micomodayto to kalo’orip no tamdaw, sanay ko heci nonini demak. Caay ko futing a cecay ko mamaala i nanom, o toko, o fidac , o takora’ay, manga’ay to a maala. Dengan o fa’inayan a cecay ko lalomowad a mifutig. I loma' ko fafahiyan a mitifek, ano caay ka saan, midemak to no fafahiyan a tayal i loma'. No saki tini no finawlan a pifuting i, miladis han ko no ’Amis. Misacepo’ han ko no pasawali. Komoris han ko no i lawacay no tarawadaw. Orasaka, itiniay i tarawadaw a lomowad ko komoris hananay a rayray no demak a mifuting.