O pa-pa(/falofalo/falo falo) lenlen
O pa-pa(/falofalo/falo falo) lenlen （八八水災）
Ona pa-pa(/falofalo/falo falo) lenlen ira ko roma nira a ngangan, Mo-la-ke faliyos ato (/falofalo/falo falo) faliyos, mikari’ang ko faliyos to nani tenok tahira i satimolan ato sawalian no Taywan i 2009 a mihecaan 8 folad saka6 tahira i saka10 a romi’ad. Tona katahini no Mo-la-ke faliyos i Taywan i, mihawikid to ’orad cira, ona kaadiay no ’orad i, ta’elif han nira ko nano mihecahecaan a kilok (o sa’osi to nisa’oradan i papina a nirayo’ to tosa a romi’ad i, lecad sa to no cecay a mihecaan). Oya i ciya-siyin-siyang siyaw-lin-con no Takaw o Siyaw-lin hananay a niyaro’ ko satatiihay to nano nikari’angan no faliyos, matekop kora niyaro’ itiya, 474 ko matolemay i kaperar no tokos a tamdaw.
O sa’osi to na’oradan[mikawit | o yin-se-ma no pisinanot]
2009 a mihecaan(年) 8 a folad 8 a romi’ad tahira i 9 a romi’ad, o ’orad no Mo-la-ke i tokos no Ciya-i, Takaw, ato Pin-tong i, o nisa’osian no misasa’osiay to ’orad i, mata’efay ko molefot to na’oradan toya saka8 a romi’ad.
O sipon no kicay[mikawit | o yin-se-ma no pisinanot]
O nisa’osian to sipon no pinalengaw ato sipon no mapihiway a nipatirengan a loma’ ato maaman i, polong han 192.17 a ca’or no ca’or ko payso (o safa ho no He-po faliyos), o sipon no nipalomaay i, 129 a ca’or no ca’or, 47 ca’or no ca’or ko nisafotingay, 16 ca’or no ca’or ko no mipahotingay.
O sa’osi to mapatayay a tamdaw[mikawit | o yin-se-ma no pisinanot]
678 ko mapatayay, 33 ko madoka’ay, ona mapatayaya to madoka’ay saheto o maro’ay i Ciya-i, Tay-nan, Takaw, Pin-tong ato Nan-to. (tahira i 2009 a mihecaan 8 a folad 28 a romi’ad 19 ko tatokian ko o pisa’osi no sitatodongay to pades i con-yan konini.)
O pifiyor to Cen-ce[mikawit | o yin-se-ma no pisinanot]
Patakos ko sing-cen-yin, 22 a romi’ad tahira i 24 a romi’ad no saka8 a folad i, mipatalaeno to kalitosa no kacakat no hatay no kitakit a mikirarom toya mapatayay ato madoka’ay.
O nipatirengan i kaikor no Falofalo a lenlen[mikawit | o yin-se-ma no pisinanot]
1.O siyaw-lin-con kining koying, 1.7 kofo(公頃) ko kakahad no sera, 80% a sera i, o pipalomaan to pinalengaw, o papalecaden to paniyaro’an no siyaw-lin-con a makakilang. 181 ko mapalomaay a sapal no sakola hana i koying, o patatodongan toya mapatayay, cecay ko nipalomaan a sapal cecayay koya mapadesay a loma’. Yo malengaw kona sakola hana ato macelak koya kahengangay a hana i, hay diheko ato hinatala ko faloco’ no minengnengay i koying a lafang ato niyaro’ay.
2. Hatala’oyan a ’otoc: oya picohongan a hatala’oyan a ’otoc, 9 kong-ce ko ka’akawang nira, o nani sin-to a tokos a ma’alolay a fakeloh konini, o sapatatodong to pifaeloh no niyaro’ay to ’orip ato miliyaw patireng to loma’ a ’icel kona tala’oyan a ’otoc.