Misatataday to Taywan yofayof a analal
Misatataday to Taywan yofayof a analal (獨立台灣會案)
[mikawit | o yin-se-ma no pisinanot]Misatataday to Taywan yofayof a analal, (roma a saowal To-tay-huy-an), fangafang i 1991 miheca 5 folad 9 romi’ad, Conghuaminko Fawopo Tiyawcaci pakayni i pikapot to Misatataday to Taywan yofayof sakasaan, micomod i koli Cinhua daykako mirepet to Cinta likisi kingkiwso a mitiliday ci Liao Weicheng, toya a romi’ad mirepet to misawaday to nai Tayta syakay kingkiwso a dademakay to tilidan ci Chen Zhengran, syakay onto tamdaw ci Wang Xiuhui ato lindosi ci Masao Nikar (kowping ngangan: Lin yinfo), ikor no tosa romi’ad marepet ko cecay tamdaw mipadamaay to sinting a tilid kapah no Rokay finacadan ci Cegau Drululan[1][2].
Ano pakayraen to itiyaay ho a “Mina’is (Cence) miliyangay sakarikec” ato “Conghoaminko a sarikec” saka 100 liyad a mirawraway to laloma’an, oya lalimaay marepetay tamdaw latek o papatayen. Ikor no demak no sifo a saan o mangalefay ko piforaw to “kimpo no Conghoaminko” pa’orip to pakoniyah a sawal, pararawraw to masangotefohay a finawlan no Taywan matatongoday a piliyang to sici. Tangasa ikor o lipoyin ta’angay finawlan a pilepi saranikay sato mihaydah to nifalic “Conghoaminko a sarikec” saka 100 liyad, palasawad to “Mina’is (Cence) miliyangay sakarikec”, tahaikor o nia lalimaay marepetay paherek to kaawaay no raraw a mapalafac.
Pido’edoan (經過)
[mikawit | o yin-se-ma no pisinanot]1991 miheca 5 folad 9 romi’ad to pacerem, Fawopo Tiyawcaci dademakay micomod i koli Cinhua daykako, mirepet to Cinta likisi kingkiwso a mitiliday ci Liao Weicheng; toya romi’ad, toya a romi’ad mirepet to misawaday to nai Tayta syakay kingkiwso a dademakay to tilidan ci Chen Zhengran, syakay onto tamdaw ci Wang Xiuhui ato lindosi ci Masao Nikar, pa’eses to sasepatay milayap to itiraay i Dipong a Taywan misatataday ontoay ci Shi Ming padama to saka i Taywan micowat to pisatataday to Taywan yofayof (To-tay-huy) sakapot.
Sato i 5 folad 11 romi’ad marepet mipadangay ci Masao Nikaran pacipat to To-tay-huy sapisinting ci Cegau Drululan. Nika so’elinay, marepet ko na lalimaay caayay kao miri’angay ko pakayraan a demakan, nika o pisa’osi to nitilidan ni Shi Ming a hong to “Taywan tamdaw 400 miheca likisi”, nao tayraay i Dipong miliso’ ci Shi Mingan, minokay tayni Taywan midama misanga’ to To-tay-huy sapakilac a sapisinting a tilid.
I 1991 miheca 12 folad 3 romi’ad, satakaraway hoyin no Taywan midotoc to “Conghoaminko a rikec” saka 100 liyad saka 2 toris ko sapitefoc, patefoc ci Liao Weicheng awaay lafo; ci Cegau Drululan (An Cenkoang) patefoc 10 folad, pasarar to 3 miheca; ci Chen Zhengran, ci Wang Xiuhui aci Masao Nikar (Lin Yinfo) o cifaloco’ay mirawraw to laloma’an a lafo, matefoc to 3 miheca tangasa 1 miheca 6 folad a pirofo.
I 1992 miheca 7 folad 27 romi’ad, misalof to “Conghoaminko a rikec” saka 100 liyad misitapang, mapalasawad ko sapisamawmaw a mirawraw a lafo a tefoc, oya To-tay-huy-an mapatiko a mitomadaw.
I 1992 miheca 7 folad 27 romi’ad, nawhani ca Liao Weicheng papina caay ka ci todong to sapifelih to nisalofan to a “Conghoaminko a rikec” saka 100 liyad, polong no lafo mafalic to caayto ka tomadawen.
Pifiyor (影響)
[mikawit | o yin-se-ma no pisinanot]Nawhani i 1991 miheca 5 folad 1 romi’ad mapalasawaday to ko karawrawan a romi’ad, laloma’an no Taywan saki sician ato harateng pakayni i 1990 mihecaan saka 2 folad kalalifetan no sici ato saka 3 folad no mitiliday a onto, mafohatay to ko kasahiraira; oya sa a pitedalan to a nitomadawan to caay pakafana’en ko Cinta pitilidan a talifahal sanay a micomod mirepet to mitiliday a demak no mipalitaay, o saka cadi’eci’ miliyang ko syakay no Taywan ato daykako pitilidan.
I 1991 miheca 5 folad 9 romi’ad, Cinta mitiliday tayra i Taypisi a mipalitaay miliyang; i 1991 miheca 5 folad 14 romi’ad, Lawtongtang satakaraway tangpo mihapiw “Mifelih to fa’elohay faohecalay katalawan a pi’ang’ang”, mitoro’ ci Lee Tenghuy sifo “mirepet to matelangay a Lee tenghuy” To-tay sifo mirepet to To-tay a kapah, oya mangahay a demak”, pacecay to sowal kao awaayay ko raraw palafac to sasepatay tamdaw[3]; i 1991 miheca 5 folad 15 romi’ad, nai polong no kitakit a kasa daykako mitiliday ma’emin misawad mitilid tayra i Taypi siyataw mikihatiya to miliyangay a demak, mingitangit to “Feyco cence panloan tiawli, fantoy cence pohay” (palasawad to sapitefoc to mirawraway, miliyang to pakari’ang no sici), tangasa saka 5 folad 20 romi’ad a mapalasawad; i 1991 miheca 5 folad 17 romi’ad, Lifayin kina tolo misa’osi mahayda mapalasawad jo “cence panloan tiawli” (palasawad to sapitefoc to mirawraway), ca Liao Weicheng, Chen Zhengran a sasepat mapasadak itiya, dengan 9 romi’ad ko pirofoan cangraan itiya, Toya romi’ad, oya mikiharay to mi’esesay to mitiliday a micomod i Ciawtong daykako a demak, mihayda ko mipalitaay no Sincusi palitaay kakeridan ci Lin Hongcen (mama ni Lin Ceci) misawad a miliyas[4]; i 1991 miheca 5 folad 20 romi’ad, o cifana’ay, syakay onto ato mincintang mipalowad to “520 mifelih to piri’ang no sici a pirakat”, milongoc to “sofitay, imeng, misolapay” tararikor masadak i pitilidan; i 1991 miheca 5 folad 24 romi’ad, aci “cence panloan tiawli” (palasawad to sapitefoc to mirawraway) pakayraay to “pirepet to mari’angay a liyad” nanoya a mapalasawad; i 1991 miheca 9 folad, sakakaay kingkiwyin yinsi ci Lee Cenyun a pinapina tamdaw patireng to “100 dademakay kapolongan”, mingitangit ci Lee Tenghuy (Li tenghuy) a sifo palasawad to “Conghoaminko a rikec” saka 100 liyad. [5]
Ikor to no To-tay-huy-an, matedal to ko saki mapakoniraay no sowal, laloma’an no pitilidan o saki Taywan likisi ponka kingkiw sanay a ngangan a kasacefang ala patiretireng sato. Itiyaay a syakay a kasasowalen, mimaan mirepet to tamdaw a mirofo a mitefoc. Oya 100 dademakay kapolongan padoedo misinting, micikeroh to harateng nangra, masasicalay to “Conghoaminko a rikec” saka 100 liyad a mafadesay a laloma’an to pipalowad mitangic, nanoya midemak to “Palasawad to mi’iloay rikec 10 ’ofad tamdaw to mipanganganay onto”.
Itini i kasasiroma no sici a kasasiwtoc, o Lifayin i 1992 miheca 5 folad 15 romi’ad kinatolo misa’osi mihayda to “Conghoaminko a rikec” saka 100 liyad a pisalof, mapalasawad ko nia misamawmaway mirawraw a ’ilo sanay a tefoc, itini i sarikec milaheci to pakoniraay a harateng, pakoniraay pikingkiw ato pakoniraay a sowal. Nikawrira o kumintang i Lifayin a sarekad pipaci’eci, o “Conghoaminko a rikec saka 100 liyad” caay ka saheci ko pipalasawad.
Kasatodong no nitilidan (相關作品)
[mikawit | o yin-se-ma no pisinanot]I 2015 miheca, ci Liaw Cienhua papina cangra pakayni i flyingV no finawlan pipasorot to payso a milaheci to nisyasingan a ika “Motay panloanfan (Saikoray a mifelihay a ci’iloay), i 5 folad 9 romi’ad itira i 1914 ponka misanga’ay to kinaira a ’etal kongtin huasan ikakang panengneng, ci Shi Ming mikihatiya itiya to nia pinengnengan[6][7][8]. 7 folad 24 romi’ad, polong no ika i calay mapanengneng. [2]
Pinengnengan. (參見)
[mikawit | o yin-se-ma no pisinanot]Misatataday to Taywan yofayof.
Taywan sician likisi.
Taywan kohecalay katalawan a mihecaan.
Kohecalay katalawan
Pi’arawan to tilid (參考文獻)
[mikawit | o yin-se-ma no pisinanot]1.獨台案發生滿26周年！那些年讀台灣史就會被調查局逮捕的日子. 民報. 2017-05-09.
2.末代叛亂犯 The Last Insurrection, Youtube, [2019-09-21], （原始內容存檔於2017-03-05） （中文）
3.勞動黨中央黨部. 反對新白色恐怖聲明. 《海峽評論》第6期. 1991-06 [2014-06-02]. （原始內容存檔於2014-06-02） （中文（臺灣））.
4.調查局核准查站主任林弘正的辭職案. 臺灣記憶 Taiwan Memory. 國家圖書館. [2019-09-21]. （原始內容存檔於2018-01-26）.
5.台灣大百科：懲治叛亂條例的廢止. 台灣大百科全書. 文化部. [2019-09-21]. （原始內容存檔於2021-03-01）.
6.廖建華. 從「獨台會案」到318運動的背後 那群進不了歷史的叛亂犯. 《財訊雙週刊》第472期. 2015-03-17 [2015-07-29]. （原始內容存檔於2015-12-22） （中文（臺灣））.
7.劉尹絜. 8年級生對台灣歷史不冷漠 《末代叛亂犯》回顧獨台會案. 風傳媒. 2015-05-09 [2015-07-29]. （原始內容存檔於2019-06-10） （中文（臺灣））.
8.邱彥瑜、蘇品銓. 另類佔領：台北車站大廳播映《末代叛亂犯》. 公視新聞議題中心. 2015-05-17 [2015-07-29]. （原始內容存檔於2015-07-29） （中文（臺灣））.