Militafad

Militafad (獵首)

Militafad:”Ya mipatayay to tamdaw,ala han ningra kiya tangal sapisalisin.” Naiti:ya na’ayaway a fafainay mafana’ militafad to roma a finacadan.Deng o Tao hananay a finacadan o caay pilitafad to roma a finacadan.Nikasacacaycacay no misapangcahay a finacadan no itiniay i Taywan silisin to Militafad hananay.Na’a:yaw midakaw to lonan ko Taywan tayni tini tita’anan,nika caay ka olah ko Pangcah a taynian no Taywan,sisa caay ka sasokapah ko Pangcah ato Taywan,mahaen ili,marafafitafadan no Pangcah ko Taywan. O romasato, na’a:yaw ano marara’is ko kasafinafinacadan i ,o i tapi’ingan a finacadan ko marafafitafadan.I sa’amisay a Pangcah,o Taroko ato Fakoway hananay a tamdaw ko marafafitafadan no heny. Ira ko talolongay a tatodong no lisin ko Militafad hananay .O sakasaan haw ili,paso’lin ko Taroko to cacay a demak,ano mangalay micomod to loma’ no tato’asan itiya i likor no patay i ,yo maoriphen kana caay pilitafad to ‘ada ,wa caay papicomoden no to’as kiso tini i loma’ no tato’asan. Nika ano makayni i no Pangcahan a rayray,o marasapidipot ato marasapakalemed to niyaro’ ko adingo niya tafad.Orasisa ano saadihayen ko tafad no niyaro’,o mamadipot , o mamapalemed no kawas ko niyaro’.