Mama intiw
Mama Intiw (涂恩綢)
[mikawit | o yin-se-ma no pisinanot]O sarakatay no yincumin a mitooray ci mama intiw. (涂恩綢-首位原住民首位信徒)
[mikawit | o yin-se-ma no pisinanot]O nga’ayay ’orip a o nipitoor ci mama Intiw, itini i 1918 miheca 12 folad 1 romi’ad pakayni ci Lien Teli (Rev.A.B.Nielson) a pipatirengan a malasicoci, itiya i 1921 miheca 1 folad 30 romi’ad itira ci Lin Yanchen foksian makapa patireng to ciwlo no Tokar (Cyamisan) kiwkay. Nanoya i 1919 miheca macakat macowat ko mitooray tamdaw no kiwkay, o mikihatiyaay i ’ayaway no lahok to lihay ira ko 175 ko tamdaw, herek no lahok a lihaty ira ko 155 ko tamdaw.
To dadaya mikihatiyaay to sa’opo minanam to kiwiko ira ko 70 no tamdaw, o ’Amis ira ko 40 no tamdaw, o ci mama Intiw ko mifalicay to sowal. Nikawrira mafalic a mafiyol to ko to’ek no taliyok itiya, o mikadafoay i Tangafolan cingra, sa cingangan sa ono kowaping to ka nipipanganganan.
No Dipong a to’ekan itiya, o nano Posko no Kalingko a kowan ko Tokar saka ono Payrang ko pipangangan saka’eca kalaemong. No ’Amis a pitoki to pangangan, o nano hilakana a tilid ko ngangan, itiya mipatireng to pipalalan to minato no kalingko, Suhua-lalan, Huatong cilamalay ato Huatong lalan itiya, saheto o i enaray a ’Amis Piyoma ko miemongay.
Matira saka, milimek ci mama Intiw, matalaw kafana’an no ngangan, o kamatini ningra saka caay kanga’ay no tayal a mipatenak. Talacowa matiratira aca, o kacingangan ningra a matilid i kiwkay ko kacingangan i, ka itira pisintingan to ratoh i no ’Amisan ato pinanaman no mitooray ira cingra a matayal to mifalicay misa no ’Amis to sowal.
Orasaka matiniay ko parana’an no pipaso’elin a mitooray, awaay i tilid no likisi a paheci, orasaka kaitira ningra i no ’Amis patenakay a todong, caay ka patodong to nitayalan ningra a mikerid to paso’elinay a heci ato wacay i ’ayaw, dengan to o sa’ayaway mitooray paso’elin ato sa’ayaway ciwlo no masa’Amuisay ko pihayda.
Nika o wawa ato teloc ningra a wawawa masasiisil itira i Tokar (Cyamisan) kiwkay (Payrang) ato Takoliaw kiwkay (’Amis) ko pikihatiya a milihay, midoedo to mitooray mirocok to nipaso’elinan a ’orip.
Pinengnengan tilid. (參考文獻)
[mikawit | o yin-se-ma no pisinanot]1.黃茂卿，1991，《迪階觀音山教會早期五十年》。花蓮：觀音山教會。
2.臺灣基督長老教會原住民宣道委員會，1998，《臺灣基督長老教會原住民宣教史》。臺北：永望。