跳至內容

Malaloong

nani… a masadak Wikipedia

O ngangan no Malaloong (東興部落由來)[mikawit | o yin-se-ma no pisinanot]

Matlangay a ngangan no Malaloong o Gong-xia hananay. saheto o finawlan masaPangcahay misao’po i titni. i ’ayaw ho, ira ko sakarawraw no niyaro’, o paloma’ay a misatapangay a pangcah itini. nawhani, mapakafolaw no Leno a Pangcah ko malooday a misatapangay a panecah. i ikor no (sowal no holam)Carewan a demak, malinah sato ko aro’ no Sakizaya ato Kavalanay itini. anini how i, o Kiwit a tamdaw ka ‘alomanay i Malaloong a niyaro’.

kasiikedan no niyaro’ (部落特色)[mikawit | o yin-se-ma no pisinanot]

Misi’ayaw to Taypinyan ko Malaloong, nai Paterungan talatimol tahira i Fakong, mikilawac to riyar a paloma’ ko Pangcah,misafonon a malingad paedeng sa to kakaenen, o rama i, ira ko ’osaw mana’ang tada kanga’ayan no palafangay a misalama. o talakapahay a niyaro’ no pasawali a ’Amis i Malaloong. itini i caay ka ’alomanay a tamdaw. o tadafangcalay a niyaro’ ko Malaloong. o kamaro’an no Malaloong i pasawali i laeno no lotok mililisay to riyar. ano tatra itini i, o saka’ayaway kora fonofonon a manegngen, wa:ta o mamaanay fonon kinian, tadkapahay a nengnengen kora a fonon.

Itiya ho, o paherekan to a tayal no omah, o kolong ho ko sakatayal i fonon, saka misaromi’ad a mitalod ko cecay a tamdaw to sapakaen to kolong. o roma i, pasasa’ ho to kolong, saka, caay kanca’ milirengos a pakaen to kolong, ano pacarcar to a masasa’, o papakaenen to ko kolong, komaen to rengos ko kolong i, caay kasasa’ ko tamdaw a matayal no omah, minisnis to alaneng ho, miropay ho to ca’ayay karawis a cikaw, mifowahho to nanom a patayra no laenoan a fonon, karorayan ko hatiniay a demak.

Tangasa i dadaya, mahaholoholol to idang ko mato’asay i miwikwikan a fasoian i potal no loma’, o wawawawa i , mati’enang i ca’ca’ minengneng to nika tanengal no fo’is a falatfat i kakarayan. itini i niyaro’ ca’edes ko pikalat no cidal to romi’ad, nikaorira mafali to dadaya, makakoeko ko kamangay ho a wawa misataliyoliyok i potal, mikihatiya to nika haholoholol no mato’asay. onini ko orip no i’ayaway a tamdaw, o lekakawa no finawlan no niyaro’.

O nikalopisak no Malaloong (人口分佈)[mikawit | o yin-se-ma no pisinanot]

Itiniay i Fengpin-Siyang(豐濱鄉) no Hualien Siyen(花蓮縣) ko Malaloong a niyaro’, 137 ko sa’osi no parod no loma’, 342 ko sa’osi no tamdaw.

91% ko ka’aloman no Yincomin(原住民), polong han i, 310 ko tamdaw; o roma sato i, 9% ko ka’aloman(很多) no roma a finacadan, polong(全部) han i, 32 ko tamdaw.

O pa-sin-to(百分比) no ka’aloman no tamdaw no kasafinacadan(族群) i, ko Amis(阿美族)68%, Paiwan(排灣族)1%, Rukai(魯凱族)1%, Kebalan(噶瑪蘭族)18%, roma(其他)4%.

Ira ko picodadan(新社國小、新社國小附幼) i niyaro’.

Ira ko imeng(新社派出所) i niyaro’.


O finacadan no Yincomin (所屬阿美族群)[mikawit | o yin-se-ma no pisinanot]

Itini i nowalian a lotok, mililis to riyar, o pasawalian a Pangcah han, o saka’alomanay a finacadan no Yin-cu-min i Taywan. o Pasawali a ’amis ko Malaloong a niyaro' , itini i nowalian a lotok, mililis to riyar, mifater to Kalingko na itira i Fakong talatimol tangasa i Madawdaw, saka pasawali a ‘amis han. i tiniay i Fengbin-syang (豐濱鄉 sowal no holam ) no Hualien-siyen (花蓮縣 sowal no holam ) ko Malaloong a niyaro’. o Malalo’ong a niyaro , o Tingalaw a niyaro, o Fakong a niyaro, o Haciliwan a niyaro, o Tidaan a niyaro, o Makota’ay a niyaro, o Laeno a niyaro, o Ticilan a niyaro, o Cawi’a niyaro ato Tafugan a niyaro, moetep a niyaro ko pipolongan.

O pitooran no finawlan (族人信仰)[mikawit | o yin-se-ma no pisinanot]

O pitooran ko finawlan no Malaloong i, ora ma’araway a kiwkay i, ira ko tosa a kinkay i Fata’an, o tingsikiw ato ciwlokiwkay, o ciwlokiwkay a tamdaw ko ka adihay. kalimelaan ko sowal no Kawas, to sakafana’ to ’orip no tamdaw, ato awaay to ko kaka to nikafana’ to codad how i. itini i ira ko pitooran nangra, pakayni sa’opo no kiwkay, malosakarikec sto sakarakat no ’orip no Yincumin, mamaan ca ko deamk no sapitolon ko niyaro’.

o kasadakan no lihaf[mikawit | o yin-se-ma no pisinanot]