Loma'

O pisanga’ no ’Amis to loma’ i,misi’ayaw to kasadakan no cidal. O pipawalian to panay ko sakapihaen nawhani, i i’ayaw no loma’ ko potal ta caay ka ’ading ko pipawalian to panay.

O satapangan no pisaloma’ i, misongila’ to sera to malopipatirengan to loma’. Lopayenho nangara ko sota’.

O sapisaloma’ to loma’ no ’Amis o kilang,o ’aol,o penen, o folo’. Pili’en ko rakes a kilang to malo hecek no loma’.Onini a rakes a kilang i,caay ka kaen no ’aayad.Karkaren nangra ko sera a misatalolong to saka tanektek no katomireng no hecek.Mapateli i sepatay a toko ko safalat a ’alinonong(’anonong) a kilang.