Likisi no Takar Kristo ciwlo kiwkay
Likisi no Takar Kristo ciwlo kiwkay (督旮薾教會史)
[mikawit | o yin-se-ma no pisinanot]Pa’ayaw a sowal
[mikawit | o yin-se-ma no pisinanot]Miahowid to Wama, mata’elif to no Tokar kiwkay ko pitopolo’ ko mihcaan. I laloma’ no pinapi:na a mihcaan, malakec to ko kapadesan, ka tomangican, a ira ko kalipahakan ato pakalemed no Wama. Onini i, o kaka hmekan no i Tokaray a salikaka a romi'ad. Oroma i, o kalipahakan haca no i waliay a ’Amis Kiwkay a finacadan konini a romi'ad. Caay konini a ccay, O kaitiraan nosini’ada no Kawas.
Tokar a kiwkay, itiniay i 193 a calay Roite a lalan, kawali no Poseko a niyaro, sawalian no Tarawadaw, miring to sawilian a lotok, pasietip to takaraway lotolotok.
Itiya, morengaw ko nga’ayay rotoh no Kawas, awaayho ko kararaod to Inkilis a paocoran, ato timolan no Taywan pipatenak ato Makay hakasi Kanata paocoran, ato no ’amisan a pipatenak. O sakacomahad no nian i, o nano pikapot no Fangcalay ’Adingo ato sikiniyaro’an a madeci’ a malengaw, mato lonok sanay mikapi i salaloma’an no Taywan Keristo Ciwlo Kiwkay.
Saka cecay, o Cicengo' malahad ko kiwkay(1946～1951).
[mikawit | o yin-se-ma no pisinanot]I ’ayaw i, ira ko sasepatay laloma’an no niyaro’ to no Ihofa a mitooray ci Lin wen-sen a tamdaw, kariponan mala sofitay cingra tayra i Nan-yo ato Cungko to kalalood, caay kamaan ko ’orip ningra, yi kalasofitay ningra i, mafana’ to cingra to pakayniay i sini’ada no Kawas, nanoya minokay cingra i, matongal ko faloco’ ningra a paso’elin i ci Wamaan saka, nao Ihofa a mitooray i, mafalic a paso’lin i ci Keristoan. saka tongal sato to mamo^etep a laloma’an ko mitooray itiya.
Itiya i 1921 mihecaan, ci mama Intiw, mala ciwlo no Tikar kiwkay (anini Cyamisan), mala kapot cingra ato ci Afang singsi i Tikar kiwkay saka, matongal to ko paso’elinay i ci Keristoan a mitooray. Itiya tosaay a finacadan malakapot a masaopo i Tikar kiwkay mita’ong to Wama, awaay ko kalala’ed mitengil to sowal no Kawas saka, ’aloman ’aloman sato ko mitooray, mikihatiyaay to saopo, caay to ka’edeng ko kamaro’an, ira ko to tiring sanay i laloma’ ato papotal no kiwkay mitengil to nga’ayay ratoh no Wama.
1946-1949miheca, ci Afang singsi itira i Tikar kiwkay (Cyamisan) mapaka maro’ cingra a padang mikerid to salikaka. Itiya o pilihay noPayrang ato no ’Amis a salikaka tada ’aloman to.
Nengnengen ko likisi no kiwkay no Tikar kiwkay (Cyamisan) o sa’ayaway a paso’elinay a mitooray salikaka no misa’amisay a finacadan i 1916 miheca 10 folad 21 romi’ad saan.
Tosaay laloma’an ko mapaino’ay ni Song cung-cien foksi, ci mama Intiw ko cecay a salikaka, mala so’elinayto no Tikar kiwkay a salikaka cingra. Deng cingra ko sa’ayaway noYincumin a paso’elinay a mitooray ci Kristoan. Itiya 1923miheca Taroko patenakay a ina ci Ciwang i Kalingko kiwkay ko pipaso’elin ningra. kirami, o no mita o ’Amis a finacadan i, i ’ayaw haca ningra kita.
Saka tosa, o pipatireng to kiwkay (1951～1955)
[mikawit | o yin-se-ma no pisinanot]I 1951 miheca, o kalingko ato posong i, itiya malitemoh ko rarid sanay a lonen, nai Milon peca’ , Poseko paca’, Fanaw paca’ masa sicokeroh cangra saka, masadak ko 7.3 awiday a lonen itiya saan, toya mihcaan 10 folad 22romi’ad i Kalingko ato 10 folad 25 romi’ad i Posong, ci mapatayay no lonen i 85 tamdaw, 200 tamdaw ko tadamaanay madoka’ay, 1,000 tamdaw ko caay kamaan a doka’, 3000 rawang a loma’ ko maloyohay, halo i Posekoay a fiw(Setingkong). toyaan kalonenan a romi’ad i, malalok ci Afang singsi a mipatenak to nga’ayay sawal fokoing mirarakat to laloma’an paini to ratoh. Sak, ’aloman to ko paso’elinay ici Yis Kekristoan. (Paso’elinay tayra karayan, caay paso’elin tayra cikok.)
Itiya 1951 miheca 10 folad, mapatireng ko kiwkay no Tokar. I ’ayaw, cirafas to cecay mihcaan ko kaitira i Tikar kiwkay masaopo to lihay, mapacekil no Fangcalay ’Adingo ci Asing ’Afo aci Cang cung-ci (mama ni Cang siw-yi ciwlo), masasowal cangra ato mitooray salikaka to nika licinowas a malinah nai Tikar(Cyamisan kiwkay), malaccay ko faloco’ no salikaka a mihayda saka, itira sai sefi no Tokar niyaro’ ko pilihayan ita saan cangra (nanoya tangasa anni). Itiya i mapatireng ci Asing ’Afo, Koyoc, Namoh Mayaw, Motuh sasepat ko sa’ayaway a ciwlo no Tokar kiwkay, o paso’elinay a mitooray salikaka i, maden ira ko 200 ko tamdaw, polong sako Mancelan, Makotaay, Tokar, Takoliaw malaccay a masaopo milihay. Sato i 1951 miheca maocor ci Fitar sitosi(foksi) itiya mikerid to salikaka, mapa’icel ko salikaka to pakayniay to kafana’ to rotoh no Wama i kakarayan. Itiya makerid no Fangcalcay ’Adingo ’aloman ’aloman sato ko mitooray a salikaka. Comahad ko palosiyang ni Fitar sitosi(foksi), ikor i Takoliaw ato Makotaay makerid ningra ko finawlan no niyaro’, sa’aloman sato ko pasasiyoray paso’elin to Wama a salikaka.
Nanoya, ikor tonini, o Mancelan, Makotaay, Takoliaw a salikaka paitemek sato cangra a patireng to kiwkay i niyaro’. Yo malepon ko kalaciwlo i, miliyaw aca cangra mipili’ to fa^elohay ciwlo. ci Motuh, Cien cen-cin, Cien mo-yin, Lin cin-koy sa sepat ko maalaay, ci Cen c-co sakaenem ko mala sicociay, i laloma’ no sepat no mihcaan i, oya kasa’opoan i sefi(’adawang) no niyaro’ a mapatireng ko pilihayan, ano ma’orad i, molesa’ ko laloma’ no pilihayan, saka malalicay to ko ciwlo ato sicoci ato ci Fitar sitosi(foksi), masasowal miketon to sowal, patirengen ita ko fa^elohay a kiwkay saan. So’elin micaliw cangra ipitifekan to 200 pawti a panay to ’aca to 4 ’ofad 2 patek(42,000) no payso to sa'paayaw a sakatayal a pida.
Itiya, ira ko malasingsiay i Yisan sin-kako-yin mirakatay foksi ci Cang yin-cin, pasowal micaliw cingra to no sin-kako-yin kikay sapisanga’ to lingka, itiya i Tarawadaw ko salikaka macolo’ to tafok, si’elac sapisanga’ to foloko, sapipatireng to kiwkay.
Sa’ayaw o sra no kiwkay i 70 fakeciw, ci Cen c-cosicoci i ’ayaway to ma’aca ningra koya sra no kamaro’an no kiwkay 2 kofo, kasasowalen no kiwkay milicay cingra, makahiay a mifalic to sra ningra ato sra no kiwkay, ta mapatongal haca no kiwkay cingra to 75 pawti no panay, nikawrira mata^elif ko pina mihcaan i, caay ka edeng ko sapafeli i cingraan to 45 pawti no panay caira mararamod, mafana’ cangra to nika rarima no kiwkay, cango’ot ko kiwkay to dafong i, pakayni i pitolon nangra, mapafaloco’ no Wama a Kawas cangra saka emin hanto nangra a pacakat i Wama a Kawas koya cango’otay no kiwkay, tangsa anini kakahad ko sera no kiwkay no Tokar.
Irako misawaday nai sin-kok-yin mitiliday ci Cu-oto sintoso, ocoren no ’Amis ciwkay tayni i Tokar kiwkay a matayal cingra, madeng 7 a folad ko halafin. O pipatireng to kiwkay no Tokar tangasa i kalahcian i, maedeng sepat ko mihcaan. Itiya, ci Syi wen-yin ciwlo no Makotaay ko misafacoay, ci Cen fu-koy ciwlo ko mikantokay, o matayalay ’enem a cefang, cecay a cefang 13tamdaw, macaco’aliw ko pipatireng, tangasa paherekan to patareng, nikawrira, caay ho kasiyaki ko cafeng.
Saka tolo, Tanektek lomahad ko kiwkay (1956～1978)
[mikawit | o yin-se-ma no pisinanot]Minokay ci Lay sang-wen sintosi, matongal haca ko wawa no tadah no kiwkay to 200 a pawti no panay, saka mi’efaw ci Cen c-co sicoci mi’efaw pisakicon to cecay miheca, cietang to 7 ’ofad a payso, sapipatiko to tadah no kiwkay, itiya.
O sapipatireng to kiwkay 27 ’ofad ko payso, padama o payso ci Son li-lien tintisi, salikaka no kiwkay micaliw to 8 kofo no omah ni Cang yin-cin 4 falad, ’aca no panay 2 pateken ko pacakat. O malacecay faloco’ no salikaka malahecaay ko katomireng no kiwkay, i 1967 miheca 10 folad 2 romi’adan patireng to pacakat kansiya lihay no kiwkay. Polong no demak no niyaro’ o mikihatiyaay ko kiwkay a mikerid, o tomok no niyaro’ nai kiwkay a mapatireng.
1974 miheca ko kiwkay, masasowal to sapipatireng to foksi, malacecay ko salikaka mihayda, mapili’ mapatiren saka cecay masakapahay a foksi ci Sinci (Cang cin-cay), ci Sinci foksi malekoay ko pisahalaka to laloma’ no kiwkay, saka ikor no 2 miheca, patireng ko sikusya no foksi, nikaorira karetengay ko ’inorong no kiwkay itiya, nikapiti’er “awa ko caay kalaheci” no Kawas a mitolonay faloco’, mi’efaw to pitefos no salikaka, 4 ko paliding to cecay romi’ad, ci Cang siw-yi aci Cen c-co tatosa ko kakeridan, o todong no lifon no salikaka sapacakaten niira, polong no pasopeday payso ira ko 12 a ’ofad, caay to ka talaw o lesa’ no orad ko matayalay no kiwkay.
O nikamaro’ no foksi ci Sinci i kiwkay masongila’ ko sakidemak no kiwkay kasacefang, sakalacecay no pidoedo na laloma’an no kiwkay a salikaka, itiya 1975 hiheca 10 folad 25 romi’ad mipacakat to kansiya to katomireng no sikosiya no foksi, kakahemekan no ’alomanay a salikaka mipawacay to Kawas.
Nikaorira, i 1978 mihacaan mapatireng malakanci no ’Amis ciwkay ci Sinci foksi, miliyas to kiwkay. Ikor miliyaw misingkiw to foksi, ci Cang wo-cung foksi saka tosa ko maro’ay i Tokar kiwkay, mala o midamaay a todong ko tayal nira i kiwkay, tangasa i 1980 mihecaan malaheci ko romi’ad miliyas cingra to tayal i kiwkay.
Saka sepat, katanektekan no kiwkay (1978-2010)
[mikawit | o yin-se-ma no pisinanot]Nanoya, piliyas no Cang wo-cung foksi to ikor no cecay miheca, awaay ko foksi no kiwkay, safaloco’ sa ko ciwlo, adihay ka eca katatodong no demak, i 1981 miheca mitilidayho (mamisawadto) i singkakyin ci Hani (Yin yohani) tintosi tayni minanam pasdifana’, midotoc to Yisan sinkakkoyin, cecay lekad ko pidama, nikawrira, o nikangalay no kiwkay to nikaawa no singsi i, pamiheca hananay kaitini ningra, misawad i, papiocor i han to ’Amis ciwkay cingraan patayni, i 1982 miheca 9 folad 6 romi’ad mapatireng a kansiya lihay, sakatosa miheca 1983 miheca 10 folad 10 romi’ad mapadoedo mapatireng.
Itini ci Hani (Yin yohani) tintosi i, lekoen ningra ko pa’ikes ko pipado’elin no salikaka, o saopo no lihay no loma’, mipasifana’ to ciwlo ato sicoci, ato kasasiroma no sapikerid parocek to tayal, madoedo no salikaka matongol ko tamdaw, kalosapacakat lomahad, foksi, ciwlo, sicoci ato salikaka masasiliay.
Sakiniyaro a demak, maleko ko pihomong pasayra minekeray i niyaro’ a ratoh, mikihatiya to no niyaro’ ko tayal, saki ilisin pakomod to saki finawlan no niyaro’ ato nipitooran kalacecay, mipa’edil to Wama i kakarayan at palowad to ratoh. Tangasa i 1991 miheca 8 folad malaheci malicinowas matitolo ko ciwkay ’Amis, Tongmi, Simi ciwka, malaheci konian, miliyas to Tokar a kiwkay.
1995 miheca 8 folad tayni ci Kaw cin-fo faksi i Tokar kiwkay itiya, palowad to pinapina a tayal, 1. Pahemek a lihay, 2.masasikawih, mikerid to tamdaw mitoor, 3.pinanam to fana’an, 4.kasasiwidang (mikihatiya to saopo no kasakiwkay mitolon), 5.padamaay(padama mitolon to citodongay, kasapademaay a cefang, kiwkay ato niyaro’ masasipaini). Comahad mitiya o tokar ko kacakat to pipasifana, (1)masapinang ko nipitoor, (2)’orip to romi’ami’ad mipasasiyoray, (3)paso’elin a milayap to Fangcalay ’Adigo, (4)ci nipatalaay to piini to paso’elinan, (5)mitolon, (6)tayra, (7)patenak ci Yis Keristoan, (8)paheci, (9)ciheciay a pawacayay. Sowal sa i ’Olic 121:1-8 “Mica'a kako a pasilotok, o nanicowaay ko padamaay i takowanan hakini? Sa kako. 'Arawhani o nanitiraay i Tapang ko padamaay i takowanan, o Tapang no misanga'ay to kakarayan ato sra Cingra. Caay patahafikoden Ningra kiso, caay ka tokatok ko midipotay i tisowanan.
Nengnengen, caay ka tokatok, caay ka foti' ko midipotay to Israil. O midipotay i tisowanan ko Tapang, ira i tatihi iso Cingra a pa'ading i tisowanan. O romi'ad i, caay ko mamikalat ko cidal i tisowanan, o dadaya i, caay ko mamiri'ang ko folad i tisowanan. Pa'oripen no Tapang kiso a paliyas nai masamaamaanay a latiih, dipoten Ningra ko 'orip iso. Ano masadak kiso, ano minokay kiso i, dipoten no Tapang kiso, nai anini tangasa i da'oc.” saan.
I 2008 miheca 6 folad, ci Ka^ti Tafong foksi tayni i Tokar kiwkay, pafaloco’ to “polong no tamdaw a madama.” Sanay ko patosokan: to mo^etepay mihecaan, patireng mifadic to lalmaan ato papotal no kiwkay, 12006 patireng to fadahong no potal, 22008 mapakafit to To-yin-ci ato kappa ato pirina’an, 32009 miheca milodot to Tokar a rawang no kaemangay, 42010 mifadic to laloma’an no kiwkay, pakafit to sa’ading ato cicu no tilid ato rawang no tinnaw.
52011 mi’aca to ma’engiway, sapisasing, sikosiya no foksi ato mirenaf to ’anengan no kiwkay. Masongila’ to ko kaira no kiwkay, ikor o papacakaten ko parina’an no pitoor ato patosokan, misa’icel palowad to dademaken:
1.palowad to kaniharan pitolon. 2.pa’icel to sasicoci no kiwkay to saki’orip a pinanam. 3.padamaay to niyaro’(mato’asay, patomadaw to ’orip, patomadaw to katayalan) ato pawacay i niyaro’. 4.palowad to masasikawihay pawacay.
I 2009 miheca 7 folad 1 romi’ad Fo-pang c-san kikingkay a padamaan, mapatireng ko mato’asay in-fa-co, saka ira no kadadamadama no mato’asay no niyaro’ to tiring, tangasa anini mapatireng i kiwkay ko wen-hua-cin-kang-can.
Tokar kiwkay i 1951 miheca madipotay no Wama i kakarayan ato nipikapot no Fangcalay ’Adingo ma’awas to ko 70 no mihecaan, mataneng to no kiwkay ko salifet ato salo’afangan, nai 2019 miheca COVD-19 a salifong maledef i hekal, ci tadamaanay ko kalifong madenga tina kemi adada, i 2020 miheca ranikay malenak kasaco’ed no hekal a malifong to katalawan a kemi i tamdamdaw, 2021 miheca 11 folad 14 romi’ad polong no hekal 2.53 yok ko madengaay tamdaw, tonian 509.8 ’ofad ko tamdaw cimapatayay.
Misi’ayaw tona katalawan a lifong i, nanay mapaterep to kinalifong, masafa^eloh to ko kalo’orip no tamdamdaw, mahakelong to nai Kawasay a sahinom, pa’icel, rihaday ato pafaloco’an, cimafalicay ko ’orip, mafalic ko ’orip no tireng, malosakalemed no cimacima a tamdaw.
Paikor a sowal
[mikawit | o yin-se-ma no pisinanot]Mitikol minengneng to nisa’icelan a likisi no ’ayaway tamdaw, talacowa o kacango’otan to saki’orip, nika malosakacifoloco’an nangra, misa’icel patireng to piti’eran, masiday naira ko tadamaanay a pitoor malopinengnengan, pira’oyan ato pinanaman, nikacangootan no mita, pisa’icelan a mipacakat to romi’ad ato fana’ matayal saki kiwkay.
Mipa’icel kako to ’Alomanay, caay ko dengan pirotoc to nisa’icelan no ’ayaway tamdaw ko nian aca, o mipaca’ofay to mihecaan ko patosokan. Mato sowal i Filipi 3:13-14 “Salikakaaw, malahciayto ako konini, caay ka saan ko harateng ako. Deng ccay ko sasarocoden ako a misa'icel. Tawalen ako ko mata'lifay a dmak. Pamotek han ako ko patosokan ako a tala'ayaw. Pasayra ko faloco' ako i patosokan a comikay to sapilayapaw to sapakaolah, oya nipitahidang no Kawas a panokay takowanan i kakarayan pakayni i ci Yis Kristoan.”