Lay cing-te pakatifac to singkiw
Lay cingte pakatifac to singkiw: Romakat i mo’ecelay a lalan ko Taywan, pasifana’ to i hekalay tomirengay itini i nikapolongan ko Taywan.[mikawit | o yin-se-ma no pisinanot]
(賴清德勝選：國家走在正確路上 告訴世界台灣站在民主這邊【全文】)[mikawit | o yin-se-ma no pisinanot]
Laloma’ay papotalay no kitakit a mitiya widang, nga’ay ho, miahowid to pihadidi no faloco’ namo a mitala.
Conghuaminko saka 16 rekad singkiw to congtong, micokeray to congtong ato saka 11 rekad singkiw to lipoiing, manga’ay ko kalaheci anini.
Miahowid to finawlan no Taywan mapolong mitilid to nikapolongan fa’elohay pifelih, pasi hekal pahapinang to kalimelaen a nikapolongan a telekan, o nian o caay ko sasawaden no mita a nihinakeran.
Miahowid kako to tatosaay a sakalalifet ako, pahapinangay to nikapolongan a pinangan nangra, i ’ayaw no nian pasiiked patingwa kako cangraan to sowal; mipalemed kako to nikeridan sician a kasarekad nangra, itini to i kalomaocan maalaay a tamdaw, nanay i ikor o marikecay makakomod to saki kitakit.
I 2024 mihecaan o sata’akay no hekal a singkiw, o sa’ayaway ta’akay a singkiw nengnengen, orasaka itini i Taywan milengat to nikapolongan singkiw no katifac koni.
Onini a katifacan, toloay ko tadamaanay pahecian: (這場勝利，有三個重大的意義：)
Saka cecay pahecian, pasifana’ to hekal ko Taywan, itini i nikapolongan ato misatekaday, pasayraay i nikapolongananay ko nipili’an a tomireng. Conghuaminko Taywan, o papado’edo ato nikapolongan a widang i kasakitakit malahakelong romalat.
Saka tosa a pahecian, pakaynien no finawlan no Taywan a demak, maleko matena’ to sapicomod no papotalay a ’icel. Nawhani paso’elin kita, o niyah ko misingkiway to no niyah a congtong.
Saka tolo a pahecian, tatoloay sakapot ko misingkiway, ci Lai Hsiao sakapot ko sa’adihayay micokeray, citodong mikerid to kitakit pasayra i mo’ecelay a lalan, caay ka selic, caay ko papatikol a romakat.
Miahowid kako ci Cayingwen congtong, ato citodongay mikowan a kasakapot, toni faloay miheca misafaloco’ a misa’icel, mifalic patireng to Taywan, paneker to parena’an.
Ci Lay cinte (Lai Qing-de) ato Hsiao Bi-khim, o papa’icel to nia parana’an, o saka cekal no kitakit a romakat, o saka fangcal no ’orip ni finawlan.
Nikawrira, o singkiw no kalomaocan no kitakit, caay ka litosa ko matifacay, o nikaeca pisa’icel no niyam, o sasaimeren misapo’ener mihirateng konini.
O paheci no pisingkiw pakafana’ titaanan, pafaloco ko finawlan “ci’icelay sifo” ato “pacofcoay ko pi’emet”. O fa’elohay a lomaocay, o kakafana’en no mita, masasiodo’ konini.
Misi’ayaw to fa’elhay lalekoan no kalomaoc no kitakit, o papasayra i “kasasipaini, kasasowalan, mikihatiyaay, makakomoday” a sici ko Taywan, paini kako to nian:
Saka 1, o mamisafaloco’ kako to kalalifetan ako a wacay ato pakayraan nangra, ano o sakalemed no finawlan i, saka cowat no kitakit a kangalayan, o mamiwada kako to saki no makoan a dademaken.
Saka 2, ikoray a cacitodong a midemakay, o mipakayraay kako to nikapolongan a kasanipatekoan, caay pisateked to kasarekad, o nga’ayay tamdaw ko pitahidang, nanay o kasa lekad pa’ayaw to tadamaanay tamdaw, mapolong to sakacomahad no kitakit misa’icel.
Saka 3, ikoray a sademaken no sifo, kasarekad no kalacecayan a demak, o nian ko ’ayaw midemak. Awaay ho kakomodan awaay ho kakalahan, pakitiraen ho ko kalaliyangan, kadado’edo ko kasasipaini.
Saka 4, kahinatalaan ko nian misalof a tadamanay, tinako o lawpow, cienpaw a kinaira a payso a midotoc, patirengen ako ko kasasipainian a pitelekan, misadadahal kasasowalan a parena’an, mihaop to pikihatiya no finawlan, misatifac to kasarekad maaini, mikilim to ta’akay kalacecayaw no syakay.
Pado’edo to saka cekal rihaday no kasatatapalan, o nian ko spatosokan no mako a mala congtong. Pakaynien ako i Conghuaminko kimpo a telek, caay ka talarikor caay ka lata’ang, midotoc to kamatini, masasiodo’ay kasaso’ayaw, o kasasipaini ko sapilikot, kasasowalan ko kasasiliyang, paifaloco’ay ko kasasirakat makakomod to Congko, sakacakat no kalemed finawlan no kasatatapal, mapatangasa ko karihaday a patosokan. Nikawrira misi’ayaw to pipatalaw to sapilood no Congko, ira ko sapisimaw no faloco’ ako to Taywan.
Miliyaw haca kako miahowid to finawlan no Taywan, pili’en nano ci Lay Hsiao tatosa, kalita’angan niyam, o mamisa’icel kami to nian, caay papisomad to patorodan namo.
Paherek to ko singkiw, o palong no kalalifetan a siwtoc ato kalalifet, o papahereken a tahini aca.
2300 ’ofad no finawlan, o malacecayay laloma’an, kao pado’edoay kalakayatay marikecay makakomod, micikeroh mido’edo patala’ayaw romakat to kitakit. Ahowiday kita apolong.
Mifalicay to tilid: (翻譯者)[mikawit | o yin-se-ma no pisinanot]
Ci Masao Nikar