Kawakawasan ratoh no ’Amis/Pangcah

Kawakawasan ratoh no ’Amis/Pangcah （阿美族創世始祖神話）

“Milikatay wawa to fafahiya”-Tiyamacan ato “Wawa no riyar kawas” -Felalakac.(「發光的女孩」Tiyamacan與「海神之子」Felalakac)

Ci Tiyamacan, o cecay fafahiya kawas no ’Amis/Pangcah, nawhani o makapahay fafahiyan kaolahen no wawa no riyar ci Falalakac nicefisan malafafahi, orasaka mala o tato’asan to no laloma’an no ’Amis/Pangcah.

Ci Tiyamacan o sasafaay wawa to fafahiyan no tasaay kawas ci Madapidap ato ci Keseng. Matira ko soal o samakapahay nengnengen cingra, nikaitiyad ho no ina caay ho kahofaoc i malikat ci’edil saan, citiyad ho ci Madapidap malikat ko ’edil, ikor no kahofoc malokaolahan no laloma’an kaomi’en.

Kawakawasan ratoh no ’Amis/Pangcah.（阿美族創世始祖神話）

Ira ko cecay romi’ad, tayra i ’alo ci Tiyamacan miradom i, manengneng no wawa no riyar kawas ci Felalakac, kaimahen ni Felalakac kokakapah ningra, nanoya ngitangicen ni Felalakac a malafafahi, o laloma’an ni Tiyamac caay ka sakaala ni Felalakac, tafone to papah no kilang a misimed, palimeken to i laloma’ kongkong no kilang ano eca i tatahengan misimed, nikawrira nika milikatay matedi ko tireng ni Tiyamacan mahapineng manengneng, marketer to ci Felalakac pacefcef han to ningra ko riyar i hekal, masanga’ to ko lenlen maalol tayra i riyar ci Tiyamacan, itiya patanic han malafafahi.

Mapawpaw ci Tiyamacan i riyar, o mama ato ina ningra itira i salawacan no riyar mikotod pasariyar tangasa i kawali ka’amis no Takidis, mafana’ o caacaay to pakaliyas ci Felalakasan sato, itiya laliyas sato mama ato ina, nanoya ci Madapidap ato ci Keseng o ka’ilolan to wawa ci Tiyamacan, mala o Dakidakit ato Arongay misimaw i salawacan no riyar.

Katengilan no sowal, mapaci’eci kalofafahien ci Tiyamacan i, makakeleng ko kakarayan, o todong pitifekan ningra to felac; ano ci langod ko riyar i, o pifalahan ningra to ’asad ato afih, oy ana ’asad ato afih malapodaw, o kadademakan no kidacay foting i riyar, o todong piwangawang ningra to kamay.

“Milikatay wawa to fafahiya”- no satapangan to’asan Kawakawasan ratoh no ’Amis/Pangcah.（「發光的女孩」太古創世始祖神話）

Iti:ya ho, ina no kawas ci Madapidap ato mama no kawas ci Keseng a tasaay fa’elohay kawas, malikelon cangra itira ’akawangay katimolay kitakit a Arapanapanayan lotok, misofoc to fainayan kawas ci Ladi'afo, Dadakiyolo, Apotok, Lalakan, fafahiyan kawas ci Doc, Tiyamacan a ’enem wawa a kawas.

Nikawrira ya cipoyapoy ko ina a kawas ci Tiyamacan i, ira ko malikatay i tiyad, mahapinang manengneng ko laloma’ay, masofoc mahapinang o makapahay nengnengen o fafahiya wawa a kawas.

Ira ko cecay romi’ad, o safa fafahiyan masadak a miladom, i fatad no lalan malitemoh ko wawa no riyar kawas ci Felalakacan, nanoya maolah patangic a malofafahien, nanoya paro no loma’ misakimokimor misimed milaliw. Nikawrira manengneng caay pakasimed, marketer a palalenlen to sapicefis to sasafaay a safa to fafahiyan milaliw.

O ka’ilol no ina ci Madapidap to sasafaay wawa to fafahiyan, mala molengaway i tonotono’an a Dakidakit, o mama ci Keseng mala Arongay misimaw to salawacan no riyar; o sakakaay ci Tadi'Afo milimek tayra i lotok, ikor mala tato’asan no Atayal finacadan; saka tosa a kaka ci Dadakiyolo milaliw pasi’etip mala o tato’asan no ’etipay yincumin; saka tolo a wawa ci Apotok milaliw pasitimol mala tato’asan no Iwatan(Ponon) finacadan; saka sepat a safa ci Lalakan ato saka lima safa to fafahiyan ci Doci i ta’akay riyar, midakaw to toptop mapawpaw i lenlen, nikawrira caay pakatama to hakal, caay pakatama to loma’, matatangic a tatosa.

Talifahal sa ira ko ’arikak, oni ta’ian nira masataporoay masadak i riyar, o nian koya ikoray a Cilangasan.

Mata’elif ko romi’ami’ad, mato’as to cangra tatosa, caay pakatama to roma maloramod, nanoyaan o nia malikakaay raramod sato cangra. Sa’ayaw o nisofocan nangra tatosa o kalingsesan pina’orip, tinako o Kangic, Tatakaay, Fafirung, Harokay.

Tatodong sa pasilaeno ko nengneng no Cidal kawas, miocor to saka falo a wawa a kawas ci Tatakusan a minengneng, talifahal sa pakanengneng cangra tatosa to nai kakarayan kawas malokelon, nawhani metalaw sapilaliwan a mitefoc, fo’otan no kawas a miliclic to kamatira no demak.

Itiya mafana’ to demakan, songila’ han to ni Tatakusan pasifana’ ko ina no kawas, sasini’ada sa ko Cdal, ocoren ho ko wawa kawas malikelon mihinom tina malikakaay, mihayda miocor to midipotay kawas a malikelon.

Sanoyaan ci Salalacal ato Saoriyan a kawas mihawikid to cecay aol tayni hekal pasifana’ samaanen ko kadadi’i i naikoran a mafadocay no lenlen a malikakaay, itiya manga’ay ko kaciwawa.

Pasifana’ han to ni Tatakusan: “Nawhani o malikakaay kamo tatosa, caay kanga’ay mararamod, orasaka kelongen ko sikal, palaed tamonan tatosa, haenen ta manga’ay madadi’i ko kaciwawa namo.” Nanoyaan ikor ciwawa cangra malikaka to toloay wawa to fafahiya ato cecay fainayan, o nian ko tato’asan no tamdamdaw.

No kawas a rayray.(神普圖)

Rayray no kawas.(神普圖)

Pinengnengan tilid.(參考文獻)

https://zh.wikipedia.org/wiki/%E8%BF%AA%E9%9B%85%E7%91%AA%E8%B4%8A

https://zh.wikipedia.org/wiki/%E5%BC%97%E6%8B%89%E6%8B%89%E5%8D%A1%E6%96%AF

https://zh.wikipedia.org/wiki/%E9%98%BF%E7%BE%8E%E6%97%8F%E6%B3%9B%E9%9D%88%E4%BF%A1%E4%BB%B0

https://www.tipga.com/p/5dc2ffbc3286fe267ec98004

Mifalicay to tilid. (文字翻譯):

Ci masao Nikar