Kawakawasan ratoh: ci Salafan
Ci Salafan [1]莎拉凡[mikawit | o yin-se-ma no pisinanot]
Mafadil tayra i fafahiyan a kanatal ci 莎拉凡漂流到女人國[mikawit | o yin-se-ma no pisinanot]
Itiya sato ci Salafan hananay a tamdaw i, tarariyar a mifoting, kalahokan sato i,misanamal itira i kanatal. Malikat sato nira ko namal romakat nani kanatal tarariyar, tangasa i sifo’ no riyar nengnengen han nira o ‘iso koya kanatal, caay ka halafing tangasa i salawacan no riyar ‘epod sa ci Salafan itira, o Falisan hananay a pala.
Oya Falisan hananay a pala saheto sa o fafahiyan a tamdaw ko maro’ay, paka’araw ci Salafanan hemek sa a mapolong. Caay ka komaen to kakaenen, hafhaf han ca ko lahod, oni Salafan sa a kakaenen i, ira ko hemay ato titi, iya sato tamdaw no Falisan sowal sato:
”caay aca ko tamdaw ci Salafan,o fafoy aca kinian, ano matira malofafoy ita rofoen ita, masamatira a salimela han ita a pakaen ta maso’eso, manga’ay paso’esoen ita” saan cangra to romi’ami’ad a pakaen a pakaso'eso.
Oya sato ya Falisan a tamdaw sowal sa to dafadafak:
Malofafoy han mirofo ci Salafan 當豬一樣的關起飼養[mikawit | o yin-se-ma no pisinanot]
”maso’eso to ci Salafan o fafoy ta pacokaw ita anocila” saan ko sowal nangra to romi’ami’ad. Ci Salafan sato a pakatengil ”o papatayen aca nangra kako ” sato a matalaw ci Salafan.
O roma sato a romi’ad pakaen koya Falisan ci Salafanan, narikoran noya pakaenay hinamhan ni Salafan ira ko po’ot itiya to a lamot han to ni Salafan a misimed,tahadadaya sato i, sotasot han to ni Salafan koya rofo, ya ma’epong sato nira koya rofo paci’eci sato cingra a masadak, itiya to a cikay sato a milaliw,ya halafin to matama to nira ko kilang i sifo’ no lalan, tiya kalic sato ci Salafan tayra i teloc no kilang.
Milaliw ci Salafan 莎拉凡逃跑[mikawit | o yin-se-ma no pisinanot]
To cila sato a dafak i, pakaena to fafoy saan koya Falisan a tamdaw, tahira han nira i pafafoyan awa to ci Salifan, ”awa to ko fafoy ita ita a milaliw” han to noya pakaeneay ko finawlan, rawraw sato koya Falisan:
” ano saan aca a mi’adop kita anini” sato ko nikasasowal nangra, tiya mi’adop sato cangra, oya sapi’adop nangra a waco do’edo saan to lalan,tahira i pikalican ni Salafan a kilang, itira ko tolas noya Waco a mihiphip, sataliyoliyok saan koya Waco itira i tapang no kilang, ya saan Falisan a tamdaw ca kafana’ to nikaira ni Salafan itira I fafa’ed no kilang.
Ya sato Falisan a tamdaw
” masahatini saan i,awaay aca ci Salifan a matama ita, nokay sato kita anini” sato ko sowal , itiya to nokay sato cangra.
Mikalic i kolol no 'iso 坐在鯨魚的的背上[mikawit | o yin-se-ma no pisinanot]
Naikoran sato noya Falisan a minokay, itya to a ’edpod sato ci Salifan,itiya to a cikay sato ci Salifan a tayra i lawac no riyar,yo halafin cingra itira i lawac no riyar, sadak s akoya ’iso, ci Salafan sato i, sowal han to nira ci Cadikangkangaw[2]
” ano masamaan i, panokayen kako a tayra i niyaro’ niyam” han nira ko sowal ci Cadikangkanawn.
Sowal han ni Cadikangkanaw ci Salafan: ” o mamaan korira ano mikalic kiso takowanan, ano mada’at kiso ketem han ko tangila ako, itiya a masadak kako itiya a pasasra’ kiso” han ni Cadikangkanaw ko sowal.
Ci Cadikangkanaw sato i, ” ano tahira kita i, i pahiceraan, satoron han, cecayen a fasolan ko hakhak, o ’epah saan i, cecayen ko koreng, o titi saan i, cecayen ko fafafoyan, onini a polong patayraen i lawac no riyar” han nira ko sowal.
Ci Salafan sato i, matengil nira kora sowal paca’of sa:
” o mamaan korira” han nira ko sowal
Itira to a mikalic ci Salafan i kolol ni Cadikangkanaw, so’elinay celem sato i nanom ci Cadikangkanaw, mamada’at sato ci Salafan kalat han nira ko tangila ni Cadikangkanaw, sadak sato tarahekal no nanom, itiya to a opoh sa pasasera’ ci Salafan, maherek a pasasera’ micelem to i nanom ci Cadikangkanaw.
Minokay tayra i niyaro' ci Salafan awa ko mafana'ay 回到部落没有人認識[mikawit | o yin-se-ma no pisinanot]
Halafin to a micelem a masadak, ma’araw to ni Salafan ko kanatal, tiya tayra sato i lawac no riyar itira a faretik han to ni Cadikangkanaw ci Salafan patefo i lawac no riyar, Ci Salafan sato i, minokay to a tayra i loma’ ningra.
Tahira han nira i niyaro’ o roma ko lomaloma’ ato lalalalan, licay han ningra ko tao:
” ci Salafan kako, icowa ko loma’ no salikaka ako ”
” mangah iso, mapatayay to kiyami ci Salafan ici:la” han no tao a tamdaw ko sowal.
” caay kapatay kako, ano saan aca hinamaw ako ko loma’ niyam” han nira ko sowal.
Sowal han nira ko tamdaw no loma’ nira ci Salafan kako.
Paca’of sa koya ilaloma’ay a tamdaw:
” caay, o misamsamay kiso, icowa ci Salafan, mapatay to kiyami i roma miheca” han noya i loma’ay ko sowal.
Ci Salafan sato i,
”ano saan i, hinamaw ako ko nina’angan ako a kakiw i lalinik no tokar” han nira ko sowal, so’elinay aca ira to koya nina’angan nira a kakiw, o wina sato ato salikaka nira hemek sato a ma’emin.
Itiya sowal sato ci Salafan to demak nira to nikalasawad nira, itiya to a papisatoron, papisa’epah ato papipacok to fafoy¸maherek sato cangra a matayal, colo’ han to nira a patayra i lawac no riyar. Maherek cangra a pateli toya toron, ’epah ato titi, fahal sa itiya a masoni ko riyar tata’ang to ko tapelik, itiya haop han to no tapelike koya hemay ato titi ato ’epah, tangsol sa a malasawad koya tapelike, maala koya toron, titi, ato ’epah.
O lalengatan no misacepo' no 'Amis a finacadan 阿美族海祭的開始[mikawit | o yin-se-ma no pisinanot]
Oninian ko lalaengatan no misacepo’ ko ’Amis a tamdaw
O maro’ay itini i pasawalian a ’Amis a tamdaw, caay ka pisawad to mihecahecaan caay ka tawal nangra tarariyar a nipakaen to kawas no riyar, to to’as. O piarray to pidipot no to’as koninian a pisacepo’. Ci Salafan namifoting i riyar mafalid tayra iroma a kanatal, malemed cingra mapa’orip no ’iso a panokay tayra i niyaro’, orasaka, misacepo’ sa i, sahetoay o fayinayan ko tarariyaray, o mirofoay ko fafahiyan tona rotoh, orasaka, tatiihay a tarariyar saan ko sowal no malitengay.
Pakayni tona rotoh, ano to’asan ho mafana’ay to ko ’Amis a tamdaw to nitahepoan no kakarayan iraay ko roma a kanatal, iraay ka roma a finacadan. Ano masamaan to ko ’orip o sera ko tatapangan no tamdaw, minokay to tayra tatapangan cowa ka tawal ko kalengawan a sera. Orasaka, tadalimelaay to sera, naw han ni o saka’orip no tamdaw ko sera,itira a malahad ko ko maamaan a losay, itira a masanga’ ko waway no to’asan tahanini.
Oninian ko tadamingodo kita to pala,ato pina’oripan no pala, i hadhad to, i riyar to a maamaan limelay kita, cowa ko ’anof a miala to kina’orip no pala ato nanom ato riyar, ma’edeng ho kono niyah a kakaenen caayay to ka piala.
O pipadang nona ’iso ci Salafanan o pipacofay tono i palaay to nika pisalimela ita to kinaira no palapalaan.