Kalalood i Cepo'

Masa’opo ko 8 ngasaw miharateng a mita’aong to I’ayaway no 147 mihecaan a kalalood i Cepo’ no ’Amis/Pangcah (阿美族Cepo’戰役八大氏族147週年追思致敬活動)

Sa’olic no Kociw ci Kacaw Folaw (鄉長致追思文)

Kongsi (Mancin) 3 mihecaan (1877) i, sawalian no Taywan Cepo’(Fakong no Kalinko) o patodongan pakayraan no sofitay itiya, na malinah a tayni ko Mancin itini sa’etal no ’Amis/Pangcah a tamdaw kinatoloay ko kalalood saka, cimapatayay ko finawlan no finacadan to pidipot to niyaro’, kinatosaay malowid ko sofitay no Mancin, saka tolo sato o kakeridan ci Kafo’ok mapatay i kalaloodan saka milaliw itiya.

Ikor to, misanga’anga’ay a mimangah ko demak no Mancin, mipatireng to fa^lohay misadefongan a loma’ i dafdaf (kaetip no pitilidan no Cepo’) saka, mipatado ko kapah no ’Amis/Pangcah a micolo’ to lalosidan itiya, oya kakeridan no sofitay ci Wu Kuangliang to i dafdafay a kakitaan no niyaro’ ci Mayaw Eping a miocor to 165 a kapah patayra i Folalacay (Xiaokang, Cenkong Taytong) micolo’ to felac ato sakalalood a dafodafong.

Kongsi (Mancin) 4 mihecaan (1878 ) 1 folad 27 romi’ad, patiko a patorod ko kapah no Dafdaf tayni i Cepo’ to yaan i, o ’epah ato kakaenen ko sapatala no hitay i cangraan, mafecol to a malasang itiya, lipalawen no hitay a pali’edef ko fawahan a mikiraromot ko finawlan a mikowang mipatay. Onini a demak matilid i “Taywan Fancenci” masowal, ira ko 165 a tamdaw ko mapatayay, 5 ko mafadocay a tamdaw saan, ikor nonini a demak, rarawraw to ko finawlan a mararom, o pilaliw to katalawan, kasasiiked sato maliwasak i no pasawalian ko aro’ saka, ci telocay aca tangasa anini.

Mata’elif ko semo’otay naikoran no pacifaran, ira ho ko Cepo’ to romi’ami’ad. Oya: to ko pica’efas no tapelik a pisatikotiko, matiya miliyaway patesi’ to ciremesay a losa’ no to’as, oya kodaitay a lotok, i tarawadaway a nanom caay pitolas pasicepo’ pasiriyar ko likid, o katango’oran koya tadamaanay a demak to nisa’icelan a misimawan a mikinafalahay to ’orip a to’as saka, o yincuminco wiyinhuy, Hualiensien cenfo, Fakong yakofa itini tona kalaloodan itiya ho saka, anini midemak ko finawlan to 147 mihecaan to piharatengan a mita’ong.

O kacipatelaw no namo, palamitan no sapidipot to finacadan, matiya o macowatay papah no kilang ko teloteloc, miraoy to naikoran. Pakayni tonini nga’ayay romi’ad, o kakitaan no kasaniyaro’, o kapahay ato ka’emangay masa’opo itini, malacecay midefong to faloco’ no to’as; milecad to ci’icelay patelaw no to’as. Oya adayayay namo mateli i faloco’ niyam, nanay rihaday ko foti’ namo a tahada’oc. Ikor nonini, o kalata’angan ko kero a mangernger konini a sera, ciwadihangay ko paradiw a pahemak, patengil to salo’afang no to’as, o mamirocos kami to sapipahemek ato nipatorodan, malacecay ko faloco’ misa’icel, a caay ka tararikor.

Nanay o polong no kasangasaw mitiko tayni i kalaloodan no demak, mitiko a palowad miharateng to saway no demak, saka fana’ no ikoray ko ’orip no finacadan a tamdaw,  haharatengen no ikoray ’orip to mikinafalahay to ’orip a mato’asay i ’ayaw, o pakafana’ a malalimo’ot ato sakangodo to serangawan no niyaro’.

Mifalicay: ci Masao Nikar

Kapi a tilid no Kowaping (附錄華語文)

阿美族Cepo’戰役八大氏族147週年追思致敬活動-鄉長致追思文

清光緒3年（西元1877年）間，台灣東部花蓮縣豐濱鄉 Cepo'(亦稱靜浦)一帶屬軍事交通要道，清廷移駐後曾對該地區的阿美族人發動3次攻擊，族人死守家園，並2次擊退清兵，惟第3次因主將Kafoók(柯福鷗)戰死而敗退。

此後，清朝改採懷柔作法，於「那那社」西邊(現靜浦國小西邊)興建營房，並由阿美族人協助清軍所需提供勞役，當時臺灣總兵吳光亮囑咐「那那社」頭目馬耀珥炳派165名青年赴臺東成功鎮小港搬運米糧或彈藥等補給物資。

光緒4年（西元1878年）1月27日，那那社青年返回靜浦營區交差，清軍饗以酒宴，趁其酒酣耳熱之際，關閉營房命士兵將族人射殺。本紀錄在《臺灣番政志》略敘，計一百六十五人中，逃走者僅五人而已，事件發生後，族人驚惶悲憤之際，逃離災劫，並散居花東海岸各處，存後於今。

帆過港口百餘載，獨留靜浦燿朝暉。海濱一波一波的皚浪拍打，彷彿過往血淚一幕一幕反覆上映，山壑堅聳如昔，溪澗越發澄澈，為感念先靈祖輩們護土護鄉、犧牲生命的偉大事蹟與精神，原住民委員會、花蓮縣政府、豐濱鄉公所特別在曾經的戰役發生地點，於今日辦理147周年追思致敬活動。

承蒙您們的英勇，守護住族人的根基，子孫們今已開枝展葉、光前裕後。藉此良辰，部落耆老、壯少及孩子們會聚於此，共浴先人的志節；同承前烈之勇氣。您們的恩澤我們銘刻於心，祈願爾等永息長安。而今而後，驕傲豪邁的舞步將持續撼動這片大地，嘹亮激昂的歌聲會不斷響徹雲霄，傳達遠方先祖靈魂，我輩必傳承榮耀與使命，戮力齊心，奮鬥不怠。

Nanay o polong no kasangasaw mitiko tayni i kalaloodan no demak, mitiko a palowad miharateng to saway no demak, saka fana’ no ikoray ko ’orip no finacadan a tamdaw,  haharatengen no ikoray ’orip to mikinafalahay to ’orip a mato’asay i ’ayaw, o pakafana’ a malalimo’ot ato sakangodo to serangawan no niyaro’.

(意:藉此活動邀請氏族族人重回事件發生地，讓後人共同緬懷追思英勇烈士，惕勵族人，珍惜彼此並尊重部落文化。)

Kalalood no ’Amis i Cepo’ (145 mihecaan piharatengan a mita’ong a demak) (阿美族Cepo’戰役（145週年追思致敬活動）)

Pa’ayaw (背景)

1871 miheca, i satimolan no Taywan ngata no Hencun, fangafang ko Motan lalood a demak, mapidah ko timolay a Paywan finacadan, hapan no Dipong a hitay ko sera no funacadan, itiya safaloco’ sato ko kowaping to kaikoray lotok (pasawali no Taywan), saka “Mitolikaw”, “mimecmec to finacadan” sanay ko sapicomod no kowaping tayni i kaikoray lotok, sapirepetaw to sakacitodong a sapisawaco, nanoya ira ko patireng to mikowanay tapang, hitay no kuwaping a miala to tamdaw mifariway.

Kaira ni Wutonglian (吳光亮的到來)

I 1877 miheca 4 folad 15 romi’ad kakeridan no kowaping itini Posong ci Wutonglian nai Taynan mihawikid to tosaay faniyot a kowaping tosaay mikacaway ato cikowangay a kowaping, micomod i pasawakian, masidsid i lilis no niyaro’ ko kowaping, nai Payawan lotok, micomod i Piyuma. masidsid i lilis no niyaro’: sa’ayaw i Fanaw (Fanaw no Pasong) misidsid itira to cikowangay kowaping, do’edo makerid ko cicediay kowaping tala’amis, polong pahicera i Posko, nanoya, o sakanga’ay patoror to kakaenen, itira i Folalacay patireng to ’ariri. ’ayaw no saka 5 folad i, milinah haca to kowaping patayra i Cepo’.

Folalacay ato Cepo’ (成廣澳與大港口Cepo')

O sakanga’ay a macacada to kakaenen no kaikoray lotok pacarcaran, nao Folalacay ko nikiliman a pacarcaran no tamina, nikawrira macakat talahekal i, romakat heca pakayra i Piyacon pasilotak milakec tayra i Ancoh, ta tahira i Poseko, wata: ko kanaraayen.

Orasaka, o Cepo’ ko nga’ayay pakayraan a romakat sato ko safaloco’, nanoya itiraay i Fanaw a kowaping malalinah tayra i Cepo’, itira i sakatimolan a dafdaf pahicera patireng to kamaro’an no kowaping.

Lingatoan no kalalood i Cepo’. (Cepo’戰役衝突的起因)

1. Tona malinah ko kowaping no Mancing, o saka fangafang no kapah no ’Amis, roma i honihoni ira ko demak to nisamsaman no kowaping a fafahiyan no niyaro’, saka eca kanga’ayan nengnengen no niyaro’ a demak.

2. I 1877 miheca 7 folad ira ko siwtoc no ’Olaw niyaro’ itiya, o nian a demak ko lalengatan, pakayni tina demak o sa’ayaway saki kaikoray lotok ko kasalalan no kowaping misadadahal a demak, halafinay to pinapina a folad ko kaecaan ka nga’ay no i Cepo’ay a ’Amis, pakayni i no ’Olaw niyaro’ a lalengatan a siwto a malengat ko kalalo’od i Cepo’.

3. O sawal ci Tangayhayan. (林東涯傳說)

Pakayni i tilid《Posong kowan a nilicayan》masowal: “Tangayhay, o no Tansuy a tamdaw, i 1875 miheca, misapakayakayay ko demak i kaikoray lotok, mikotoday ci Wukonglianan misalalanay, mitatahidangay to tamdaw no finacadan; mamipadang to demak no kowaping. Ikor 2 miheca (1876) 11 folad, i Cipacay (o sowal sakatayra i Kiwit a lalan) toya lotok pakalitemoh to mire’angay, a mapatay” saan. Do’edoen ko rayray a sowal to kalalo’od i Cepo’ i 1877 miheca 8 folad 23 romi’ad a demak. I ’ayaway to 9 folad ko nikapatay ni Tangayhay. Ano saki kalalo’od i Cepo’ ko lalengatan, o hahapinangen ho.

O pakayraan no kalalood i Cepo’. (Cepo’戰役的經過)

1. I 1877 miheca 8 folad saka cecay lalood i riyar no Tafongfong no Koladot, o nikeridan ni Wutonglian a kawananay lokedaw a kowaping (500 tamdaw) kawiliay lokedaw a kowaping (500 tamdaw), polongen to tamdaw 1,500 ko tamdaw. Ikor mipidah ko kowaping patiko tayra i Piyacon.

2. I 1877 miheca 11 folad saka 2 lalood i Sangiyaw (lalaedan no Siyapo ato Kakacawan a riyar). O citodongay mikerid no kowaping mikerid to marikecay hitay ni Lokoy (500 tamdaw), ato ni Wukoancung ato ci Linsifu nano nikeridan naira caayay kapatay kowaping mikihatiya malalo’od, ikor ma’emin mapidah ko kowaping, mapatay itiya ci Lokoy.

3. I 1877 miheca 12 folad saka tolo lalo’od, i riyar no ci Fotingay ato Cawi’.

(1) Fiyfucin.

(2) Suycincin.

(3) Cosenci 2 cefang (1,000 tamdaw), kakeridan no hitay ci Sunkayhua.

(4) Macelakay hana hitay, kakeridan tayrin no Payrang ci Comawci.

(5) Cenhay cuyin cefang (500 tamdaw), kakeridan ci Senmawsen.

(6) Furiysin cuyin cefang (500 tamdaw), o patodongan kakeridan ci Cenyocen.

(7) Furiy cuyin cefang (500 tamdaw), padamaay kakeridan ci Centesen.

(8) Tuaceng Tangafolan ato Piyoma Likafong (400 tamdaw).

Paherekan kalalood i Cepo’. (Cepo’戰役結局)

Saka 3 lalood kapah no ’Amis ci Kafo’ok mapatay cingra, nanoya malasawan to ko cicediay kapah awaay to ko ’icelay no kapah sa ko finawlan, mato sawal: “Mapitek to ko wadis no rarikah, mapatay to ci Kafo’ok.” yasanay a sowal’. paitemek sato ko finawlan milaliw pasayra i Cilangasan. Ci Sunkayhua aci Wutonglian misamawmaw to sapidefekan to finacadan, sangayawen misanga’ay to finawlan no ’Amis, padangen micolo’ to felac i Folalacay han a mimangah, patiko to panono’en to kakaenen pacomod mirofo a mitekop mipatay, do’edo《sakino Pangcah a tilid》a sowal: “O palongay micomod i laloma’, nisaopoan ni Wutonglian, mipatayan a tekop, polong 165 ko tamdaw, milaliway la 5 tamdaw aca.” saan.

Paherekan. (結語)

Mato dadingo ko likisi, nai manengnengay kapadesan kacilosa’an no to’as ato nika ci’icel tadamaan no kapah a demak, malo kafana’en no ikoray no wawawawa a micohong mihirateng midipot misimaw to niyaro’ a misi’ayaw to ’ada, patapal to wawawawa to sakacaaw kapawan ko lalengawan, pa’icel to finawlan safainainayen aka pisawad, dotocen ko rayray ato punka no ’Amis a finacadan.