Farangaw

[馬蘭] Farangaw--Posong                                                         

kahemekan kasapaan  no tamdamdaw ko 'orip nonini makapahay a kaying no Falangaw . o wawa no mita o Amis（Pangcah)  a finacadan i Posong ci Kwo Sin-Cung[郭婞淳]✓ Pakalifet cingra a mikakoy to sakaleten：ngay a sapisiay(siay 日 malalifet ma'a'ised) to polon no hekal, orasaka, mapa'edil a  mapalosiang ko ngangan no Taywan i polon no kitakit i hekal, Makapah ko pawacay ato pa'icel ni Kwo Sin-Cung to kalahad no 'orip ningra, O wawa no pakoyoc, pakahadidi cingra a milakowit to pades ato roray tangic no 'orip, orasaka. pakalifet cingra to masamaamaanay a karetengay a 'inorong,  tahanini, pakalayap cingra to satakara:way a sapakaloha no Olympic Game.  Makapah a nengnengen ko 'orip ato pinangan ningra; misapoeneray ato mangodoay to tamdamdaw, o pinanaman ato pido'do'an to no kapah ato kaemmangay anini. Lipahak kita o Taywan a tamdaw.

Farangaw(馬蘭部落) Itiya ho makowanay no Piwma ko Farangaw. O kaitiraan no Farangaw no hatini i, itiniay i Con-sin-li(中心里) no Posong.

Ano milicay ho ko cima to icowaay ko Farangaw sa i, oya Posong ko nilicayan nira. Itiya ho, masamsam a makari'ang no Piwma ko Farangaw. O tomok a maemin mapatapatay i kalalood to Piwma. Malatomok ci Kolas Mahengheng nga, misawaday ko Piwma a misamsam to Farangaw, hay si'icelay ci Kolas Mahengheng kira, mansa matalaw ko Piwma. O roma sa to, mafana' a mikowan ato midipot to niyaro' ci Kolas Mahengheng, mafana' haca misawidang to sanyaro', saka si'icel a si'icel ko Farangaw, sawad sa to ko Piwma a mikari'ang to Farangaw.