Fadas

fadas

O tadakaolahan no Pangcah a komaen ko fadas,

Fadas 翼豆

Fadas(翼豆、四角豆、羊角豆)

I ayaw no Ikor ni kiristo 1910 a mihaca, mapacomod no tato’asan no Taywan koni fadas, na i Tonnanya a kitakit mipacamod, anini i, ’aloman mipalomaay i pasawali no Taywan, awa:ay ma’araw ko mipalomaay i saetip no Taywan, nikaora awaay ma’araw i taheka, ona fadas a dateng komaenay ko Malaysiya a kitkit. 翼豆 O fadas han no ’Amis pangangan, o nipalomaan no Yancomin kakaenen a dateng, awa:ay ma’araw i Taywan, matatodong itira i Kalingko ato i Posong ko pipalomaa nira,nawhan matatodong ko kamolahan no fadas toni a pala, awa:ay ko fao, sanaw caay nipaiyo, o safangcalay no aniniay a tamdaw konini a dateng. Ipasawali a niyaro’ no Taywan a Yancomin, mahapingan ma’araw i niyaro’ no ‘Amis, o paro no loma’ maemin mipaloma to fadas i padatengan,o pipaloman no fadas itini i mo^etep a folad tangasa itini i romamiheca no sepat a folad, ma’araw to ko kangdaway ato maloloay a fadas,paytemek sa ko paro no loma’ paloma i lawac no loma’, caay ko ‘aloman ko mipa’acaay a patiyamay, ira ma’araw i padetengay pa’acay to dateng ato i misinafel a patiyamay, awa:ay ma’araw I roma a pa’acaay to dateng.

Tahapinangan形態

Tahapinangan ko heci no fadas, mahapingan ira ko sepat ma’atonglay a manengneng, makofel a nengnengen tadasasiroma a nengnengen, matiya o latak a nengnengen,orasaka ira ko pangangan nira o latak a rara’ han. O milalahay ko papah nira, sangaen ko pilalahan nira a ‘awol. Pipalomaan a folad i falo folad tangsa i siwa a folad, i safaw cecay folad ko kacihecian no fadas, safaw lima a romi’ad cihana,kor to i manga’ay to mipitpit to heci nira, sasiroma sa tata’ang ko heci nawhan, o rama a sapal caay ka lecad ko heci nira ko kakaya,sepat polo’ kongfen tangasa lima polo’ kongfen ko kakaya no heci nira, ira ko safaw lima tangasa i tosa polo’ ko kakaya nira,ilaloma no heci ira ko sapaloma, cecay hecian pina ko sapalom caay ka lecad kaadihay, o hana, o heci,o koengelay a papah, maeming manga’ay makaen, manga’ay malohiliw ko tapangangan nira, tadafangcal nengnengen ko hana,o kangdaway maloloay ko cengel no hana, manga’ay o malopinengnengan no lafang ko hana nira, palama to caay ka lecad a sapal,ira ko cikongaay to konga, manga’ay a makaen, matiya o konga a kaenen takaraw ko Tanpayce nira.

Tatodong用途

O milaladay ko tapangan no fadas, sanga’ayay a dateng, o Kayce nira makikaka to rara’, mitena’ay to takaraw no remes ato malasaka nga’ay no fitoka^ ato tinayi’.O co’ong a papah nira matiya o Pocay a dateng kaenen, ciyan han ko hana nira, matiya o faniw a kaenen, oya koengelay a rara’, matiya o kangdaway a naniwac a kaenen,oya lengaw sanay ho a konga nira, matiya o Wanto^ a rara’ a kaenen, o Tanpayce nira mikikaka to ’alida ato zakaimo. I 2008 a mihacaan I tini i Tayko a kitakit, ira ko mikiwkiway a tamdaw, pakaenen nangra ko tanetekay a tatiring a kaying to miloko ato fadas, ma^emin safaw siwa ko mihecaan nangra, ikor to mahapingan to noya mikiwkiway, o fadas hananay, o kayse no nira, mikikaka to kayce no miloko, itini to mahepingan to, na i fadasay ko safangcalay a sakatanetek no tatirenga mo mita.

Mitangtang料理

Itya ho, ano mitangtang to fadas ko Yancomin, awa ko mipacamolan to manmaan, o cilah aca ko mipacamolan a misakohaw, anini sato i, adihay to ko pisafel, ano misakohaw sai, pacamol to to okak no titi no fafoy, ano miciyan sa, pacamol ho to titi, to afar, to sorita, ira ko mitangtangan i namon, maecak to i, kahot han miteli i sala pacamol han to masamaanay a tenas, adihay to ko sasiroma a misafel. Ira ko mipalamaan no mako a fadas, kacihecian a foladan, malofic ko heci nira, ano mapitpit to, tangsol han telien i pinsing, aka taelifen ko cecay lipay, nawhani, koheting to koya fadas, caay to kaeso kaenen. Ceno’ hanca i fadisaw, ta pacamolen to miming a simal ato cilah, kaen han micedem, manga’ay misapoener to remes.