Commonwealth of Dominica
Dominica(多米尼克國，Ikiris a sowal: Commonwealth of Dominica)[mikawit | o yin-se-ma no pisinanot]
o itiraay I Sifo’ay-Amirika Karopy-Riyar a kanatalan kitakit, o cecay a kanatal no Sa’etipay-Kanatanalan, I sasifo’an no ipapotalay kowan (Matiniko ato Kuatoropo)no Fransu.o tatapangan a tokay o syoto o Roso(Roseau).
Ngangan no kitakit(國名)[mikawit | o yin-se-ma no pisinanot]
.svg)
O pihongyaku no Sakakaay Midemakay to Kalokitakit no Conghuwaminko o Tominiko hananay. Ono Congko a pihongyaku I, o katelangay ho a pangangan o Matatekoay-Kitakit no Tominiciya hananay.nikawrira, marawraw ko tamdaw to roma a kitakit itira to I Karopi-Riyar a Tominiko Kapolongan-kitakit, onini ko pifalic no Congko I 1994 miheca saka1 folad saka 14 romi’ad o Tominiko Kitakit[1], decdecan pangangano Tominiko[2].
Rikisi (歷史)[mikawit | o yin-se-ma no pisinanot]
O salikolay malami’ecoan kowan no Yoropa ko Tominiko itini I Karopi-Riyar, nawhanni, tada o ci’icelay a mitoker to kahecalay tomdaw ko Tominiko.i 1763 mihecaan pafelien no Fransu I Ikiris ko Tominiko. Tahira to I 1978 miheca nga’ malaheci ko pisiiked patireng to niyah a kitakit.i 1980 miheca mafelih no finawlan ko Mitekeday-Skowan a sifo, misingkiw to fa’elohay a kakeridan no sifo I 1980 miheca ci Mali-Yukiniya-Carso (瑪麗·尤金妮亞·查爾斯，Dame Mary Eugenia Charles ) ko malacongliay, satapang sa kona kitakit a macomahad, o sa’ayaway a fafahiyan malacongliay itini I Karopy-Riyar cinira,15 ko mihecaan ko katayalan ningra.
Kaitiraan (地理)[mikawit | o yin-se-ma no pisinanot]
O Dominika a kitakit itiraay I ka’amisay no sawalian no Mamangay Antilis-Kanatanatal no sawalian a Karopi-Riyar, isakawali misi’ayaway to Saka’amisay-Riyar, isaka’etip o Karopi-Riyar, o polong sera dengan 751 km². o sa’akawangay a tokos I, o itiraay I ka’amis a Tiyapolotin-Cinamalay Lotok, o takaraw ira ko 1,447 laya’ ,masa’efo’efong kano lotok mademet ko kilakilang. I sasifo’an ira ko mamangay a dafdaf. Tadaadihay ko ‘alo madacidas ko rakat no nanom, orasaka, cowa ka nga’ay romakat ko tamina. Isaka’eti no dafdaf ira ko Laiyie’alo, isakawali no dafdaf ira ko Kaserporoso ‘alo. adihay ko fa’edetay nanom itini, o cinganganay I, o itiraay I katimol a Fo-Fanaw Fa’edetay nanom. O lilis no riyar ira ko 148 kilo, masa’ako’akong, adihay heca ko sapatih sanay a kasangapad tono’. O fa’edetay a riyariyaran ko kakarayan itini, nani saka 6 folad tahira I saka 10 folad o kala’oraday, nani 11 folad tahira I saka5 folad o kakedalan a romi’ad, I saka7 folad tahira I saka 9 folad adihay ko faliyos. O lalen no fa’edet ira ko 27℃. O omah ira ko 1.7 ‘ofad kofo ko sera, o kilakilangan matahepo ko polong no kitakit to 41%, adihay ko tadama’anay aa kahengangay kilang(紅木) ato Yu-kilang(柚木)itini.
O Holyuci no karopi tamdaw (加勒比人領地)[mikawit | o yin-se-ma no pisinanot]
Ona Holyuci no karopi tamdaw(加勒比人領地:Ikiris a sowal: Carib Territory)，也被稱作加勒比人保留地Carib Reserve).o cecay a pala no Tominiko, itiraay i tadasalawacan a tokotokosan no Tominiko, misi’ayaway to Tata'angay Sa'etipay Riyaran (Ikiris a sowal:Atlantic Ocean), o kakahad non apala ira ko 15 kofo.o nipatirengan no maro’ay i Tominiko ko yuencumin no Karopi-Riyar.onini ko sapawacay to i’ayaway no Yoropa ato ikoray maforaw a tayni. Orasaka,oya mi’ecoay mikowan a Ikiris tamdaw mihayi ta patireng sako Karopi tamdaw tona Holyuci I 1903 miheca.
Itini tona pala ira ko pito a niyaro’ onini i, Pataka niyaro’, ’Orang niyaro’, Mawo ’Alo niyaro’, Siesir niyaro’, Ngawliti ’Alo niyaro’, Siniko niyaro’, ato Tona-Aoti niyaro’. O mikowanay a iingkay ato paimengan itiraay I sasifo’an a Salipiya niyaro.
O maro’ay itini a tamdaw anini ira ko 3000 a Karopi tamdaw, o iingay ona pala cisalongocay to sakowan, o tapang nona pala o Karopi Tomok.