Cien Wiy-cien

Cien Wiy-cien (錢薇娟)

Rosa Chien (1971/3/8, ’Amis a ngangan Mataw Lamen), o ontoyin fafahiyan langciyo no Taywan, o sa’ayaway micomod no Amilika WNBA a mimaliay no fafahiyan, pacimil a ngangan “Makapahay a kaodo’an” sanay, i ’ayaw itiraay i Taywan sakapolongan no pilangciyo no fafahiyan itini i Kuotay renso mimaliay, i 2011 mihecaan misawad. O tariktikay kahkahay ko saka ka itira i pimalian, saka marecok to 20 mihecaan. Micomoday to i pahemekay a pasadak to radiw ato ’orip no niyah.

Salaloma’an. (家庭背景)

O mama ningra ci Cien Paw-cang, o Tien-cin (Congko) a tamdaw, malamifalicay to sowal i kalahitayan to Inkiris/Congko itiya, mincuo 38 miheca mikotod to Kuomin sifo tayni Taywan. O ina ningra i, o ’Amis/Pangcah a tamdaw no Kalingko Fonglin Cingaloan. Ira ko 2 fa’inayanko, 1 ko fafahiyan. O sasafaay to ci Mataw Lamen.

O kaomi’an kalimelaan no mama ci , pangangan han to no Inkiris ci Rose (Rosa Chien), pangangan han no ina to na ’Amis/Pangcah ci . misawad toya mihecaan i, milicay no sinponan ci Mataw Lamen, malicay ko miliyasay to a mama, talalosa’ a maka’ilolan. Licayan ningra ko ina “Nawira ka’emang ho kako i, pakoniyah han ko pipili’ to ikoray a rakat no dademaken ako?” sedi sa matawa ko ina a pasowal: “Matalaw i kato’asaan iso, a maingtel tamiyanan?” sa. Pasowal sa ci , o pinanaman mimali i, ano ira to ko karorayan, malitemoh to kasoradan a faloco’ i, mahirateng ko nano sowal no mama “Ono miso a nihaydaan, malatadamaanay kako saan, o nipili’an ako ko nian.” Saka palieli han to.

O pitilidan a ’orip (求學生涯)

Itini i Takao ko kasofocan ningra, itira i Taypi ko kato’asan, pitilid i mimingay pitilidan to saka 2 pitilid i, papinanamen no ina to piano, saka 3 pitilid i, mikihatiya to onkak no pitilidan. O mama ko panganhganay, nawhani “Wiy” sanay, matiya o fafahiyan. Saka 4 no pitilid i, miteka mikihatiya to langciyo a pimali, talacowa caay ka takaraw ko tatirengan, nika ira ko miontoay a taneng, tangasa i polongan no kitakit ko kalalifetan, ’aloman ko misolapay to mimaliay a ontoyin, saka o pasifana’ay no kitakit to pimali nao tayraay to i loma’ miliso’, “Caayho kafana’ o cimaay cingra itiya.”

Itiniay i Sinhe kosiw ko pitilidan ningra i ka’emangan ho ni Mataw Lamen, itira i Cinhua kocong a misawad, nao Sesin sangkong ta milinah tayra i Tanciang, pado’edo sa tayra i Limin kongcoan tingceke ato Congko wenhua daykako ontosi, i 2004 mihecaan i, pakaala to Taypisili onto kokyin ontokakak kingkiw souse a kompay[1], pitilidan itiya mikihatiya to kalalifatan no Tacoang langciyo 13 ko rekadan.

’Orip no pimali (職業生涯)

Itira i 15 ko mihecaan micomod to i mimaliay no kitakit, o saka’emangay mihecaan tangasa samato’asay mihecaan a ontoyin no kitakit anini, i 1986 mihecaan mikapot i Kuotay renso fafahiyan langciyo cefangan i, ira ko 25 mihecaan i Kuotay renso fafahiyan langciyo ci Mataw Lamen. I pimalian a ’orip i, mikihatiya tayhiw no kitakit i kasakitakit a lalifet ci , kalasitoan i, mitifac to kalalifetan mimali, i pitilidan i, mikihatiya to kani mo’etepayu (10) no kitakit to no Asia kalalifetan, kina limaay (5) no Asia ontokay, kina sepat (4) East Asia ontokay ato toloay rekad hekalan kalalifetan. I 1997 mihecaan tayra ci Mataw Lamen i Amilika Orlando mikihatiya to pitaneman no pimali, o sa’ayaway milifetay no kitakit a fafahiyan kasakapot no langciyo a fafahiyan ontoyin, kalimelaan ikor caay to ka pili’en. I 2002 mihecaan Congko fafahiyan langciyo sakakaay kapolongan malalifet (WCBA) a sa’ayaway rekad a lalifet i, mikihatiya ci Mataw Lamen to no Peicing Sokang cefang, o sa’ayaway no Taywan mikapotay to no Congko (WCBA) a ontoyin, polong no kaitiraan toloay rekad i Congko (WCBA) ko kalalifetan.

’Ayaw no pimalian ni  o todong no kaitiraan no pimali o cienfong ato patingsoay a howiy, kasakapot o mialaay to tingso a ontoyin, o pidemok a micomod makikaka tono fa’inayan ko awid ningra, mato’as cingra i, mafalic ko todong ningra mala mikeriday to masakapahay a ontoyin pacemahaday to pimali, lowanan to ko pidemok o mipadangay to a howiy. Mikihatiya to no fafahiyan miawiday malalifetay a langciyo no Kuotay renso fafahiyan langciyo a rekadan, ci Mataw Lamen i 2009 mihecaan mala midamaay no Kuotay renso fafahiyan langciyo pasifana’ay, madama ko minanamay a “mimingay kuotay” hananay i Kuoli Tansoy kawci sangkong ceyi pitilidan langciyo sakapot, itiya miteka no langciyo a singsi. [2]

I 2011 miheca 5 folad 24 romi’ad, ci Mataw Lamen mikihatiya to no Congkuo Kuomintang pitahidang, dayhiw i 2012 miheca Conghua minko Lifawiyin singkiw i Sinpisi saka 2 kowat no singkiw (Wuko, Lucuo ato Sacong) milifet[3]. Itiya ci Mataw Lamen caay kasalalokoan ko kaala. Kafafalican no Kuomintang matahidang ci Mataw Lamen citodong to Sincenyin onto wiyinhuy a micokeray a kakeridan tangasa pitekoan i Tiyipo no Tiyiso paherek.

O nitanengan a langciyo ni Mataw Lamen (籃球經歷)

Rakatan tayal.

1985 miheca micomod i Kuotay renso fafahiyan langciyo cefang.

Yacinpei kitakit dayhiw kapot (1986, 1988, 1990).

Setayun kitakit dayhiw kapot (1990, 1993).

Yayin kitakit dayhiw kapot (1990, 1994, 1998, 2002, 2006).

Tongyayin kitakit dayhiw kapot (1992, 1997, 2001, 2005).

Secyipei kitakit dayhiw kapot (1994, 2002, 2006).

Malakakomodan no mo’etepay tadamaanay kapah no onto (1993).

Malakakomodan no Jones (Cionspei) taykay satadamaanay a ontoyin(MVP) (1995).

Malakakomodan no Asia malemeday lalimaay ontoyin (1995).

Malakakomodan no Conghua langciyo Tase (1995).

Malakakomodan no Jones (Cionspei) saka 14、16、17、18、20 rekad satadamaanay langciyo ontoyin patamohong, o sakakaay no laloma’ay papotalay kitakit a ontoyin.

Mikihatiya to 15 rekad a William Jones (Wilien ciongs) a langciyo kapot.

Sakaira no tilid (資料來源)

1.女子籃球選手投籃出手角度與準確性之驗證分析，錢薇娟，2005年。

2.WUBA／錢薇娟首度執教　北體吞敗收場，今日新聞網，2010年12月21日

3.媽媽點頭　錢薇娟今宣布參選立委. 蘋果日報. 2011-05-24 [2011-05-24]. （原始內容存檔於2019-07-01）.