Ci Sucang sinpu

Ci Sucang sinpu (紀守常神父)

O mama no Fotod ci Ci Sucang sinpu (Fr .Giger, Alfred. 1919-1970), o no Payleng wayfang dintokay (Bethlehem Mission Society) Switzerland a tadamaanay tamdaw itiya ho.

Onini a takaraway ko tireng, Padaka ko pising ato mata kasenangan a sinpu, tariktikay ko wakawak, o polong no kalakapahan ’orip mapacakat itini i pasawali, ngalef itiniay i Fotod kanatal Tao finacadan.  

Ci Ou tintosi (Bro. Buchel Augustin) ’ayaw no latosa no sici (1954 miheca) itira i Falangaw Tinsokiw patado ci Ci Sucang sinpu, caay ko ni haydaan no kafafaw, lonok sa paka Takao mikalic to tamina tayra i Fotod saan, itini i nengneng no Payrang, o macahiway komaenay to rengos ko finawlan, o makadalay a pala.

O nisidayan a saying a nengnengen, o kalakapahan no sinpu o kakaolahan no Fotod a finawlan. Ira ko pinapina a saying to pisatamohong ato pisariko’ ningra to no Fotod finacadan a lalosidan a masasi’ayaw to mato’asay, masasisongtol to ngoso’ a matatakec pasyasing.

Ikor no 80 mihecaan, o pihemak to kafana’ to fa’elohay sa’etal to 500 mihecaan, polong no cikiw madadoedo miharateng: o picingcing ato papotalay a pitooran o maan ko sakatatiih no ponka no itiraay? Oci so’elinay mapadama ko pakoyocay a finacadan? Halo Taywan a masowal.

Fangcal ko harateng no pasawali a tamdaw (mangalef I’ayaway a Tao a tamdaw) saki ci Ci Sucang sinpuan, caay koya ni patenakan ningra a pipa’orip ni Kristo a ratoh, oya nga’ayay a demak nonini kapah a tamdaw.

Midama cingra to sakanga’ay no Tao finacadan, mapapalo to sofitay aci Ci Sucang sinpu, o ka’edesan pi’epecan no sifo itiya i, o kaketeran no Padaka ato sofitay o masamaanay hakiya?

“Maedengay to ko pipafeli, caay to ko papafelien.” O sawal ni Ou tintosi kai kalacitodongay ningra itiya i, kinapinapina masasitoc tonini a caayay pikihar, nawhani honihoni miala to dafong patayra i papotal, roma marketer to ci Ou tintosi tonini a demakan, Ci Sucang sinpu sato pa’afala saan, “O papafeli to ko Kawas titaanan.” Sahatira saca ko paca’of.

60 mihecaan itiya, ’ayaw no Tingsokiwkay i saka tosa no Vatican a sa’opo o masimed ho, awaay ho ko mafana’ay to no Lating a pakayraan, o sifana’ sa ko pido’edoan misacecay miwasil.

Marikec ko sifana’ a ma’edes, oni Ci Sucang sinpu pikerid to Misa mato mafohatay, midotoc to sowal no Tao tamdaw, sa’ayaw ni Ci Sucang sinpu i Lanyu a mafohat, pilayapan to epang itiya i, ano mitooray to ano kafahekaan? Mangalay sapilayapan, patodongen ni Ci Sucang sinpu pafeli cangraan. I nengneng ningra, ci Kristo o no ’alomanay tamdaw, awaay ko laloma’ay papotalay sanay pisiiked, o nipatadoan ningra malecaday to. Roma; mikihatiya cingra to lisin no Tao finacadan (tinako pifotingan, patefadan to tamina a lisin), oya caayay falicen a to’ek lekakawa doedo sa to no itiniay niyaro’ a ponka ko pisalof.

Ci Ci Sucang sinpu nai 1954 miheca itini i Lanyu patado ira ko 16 mihecaan ningra. Toya a yincumin (tano pacacoy sa ko fa’inayan no Tao finacadan) ni epecan a to’ek mihecaan itiya, palo niyah a salikaka saan ko nengneng ni Ci Sucang sinpu. Kinapinapina kanikawan to kakaenen ko Tao finawlan palada’en ni Ci Sucang sinpu, hadidi sa ko ca’of to finawlan: “Kako ko misakimokimoray.” saan mitamorong.

Papacakatan to kiwkay no Hongto i 1967 mihecaan, pakaynien ningra i rocok ko pihamham to lafan a mipa’edap, caay pina’on ko kamaro’ i ’anengan a mapolin, o pinengneng no dotoc a mato’asay, o caayay ko nga’ayay saan.

1970 miheca 3 folad 10 romi’ad, saki salikaka no Tao a sowal, o kapadesan a romi’ad. Ci Ci Sucang sinpu padadaya misera to tatosaay fafahiyan tayra i saetip matayal, itira i Takao o nai Ciayiay misera to lafang a haya, to dafak, 50 ko mihecaan ningra itiya. pipaisingan makilim ko i tatirengan ningra ko calay, itiya masapinang to o sinpu ko tireng ningra, oya masalafiiay caay ka foti’ matokato parakatay masetol ko kilang i lalan, ci Ci Sucang sinpu masera patayra i ngataay ising a mapatay, 50 ko mihecaan itiya.

Onini a demak mapatayra to i pasawali, ngalef o itiraay i Tao a salikaka, mararom to maemin, polong no salikaka no Tinsokiw i Hongto mitolon tonini a demak, itiraay a sifo citodongay mingodo mitefad to fayfay mita’ong. Kahemekan kaolahen no itiraay i Lanyu a salikaka ci Ci Sucang sinpu “O mama no Lanyu” saan ko pingodo. Mahirateng nangra, onini nai Switzerland a tamdaw mikapotay palipahak ato mararom mikerid to kapadesan, miliyang to misamsamay ato miepecay, o nianan ko kanga’ayan nonini a sinpu ciherang, palowad to saka ci tari’an ato safaloco’ no niyah.

Kapatay ni Ci Sucang sinpu, matadem i Piwho saikoran no kiwkay, mapatireng ko ciwcika, o ngangan ato kasofocan ato kapatayan ko matiliday, away to ko maan.

Milicay kako ci Wo tintosian: “O tadamaanay tamdaw cingra kiya? Mana hatini sa ko tadem ningra?” “O malawlaay ko katayni pinakay, awaayay ko maan a tamdaw cingra i.” sahatira sa ko paca’of ni Wo tintosi.