Cengo' no naniwac
Cengo' no naniwac (綠豆芽)
I ti:yaho, caay pipacengo' ko 'Amis to pa'eno no naniwac.
Ano sapipicengo' to naniwac to sakakaen i, tenoren ko pa'eno no naniwac i nanom to cecay a dadaya i to'emanay a patelian. Akato ka kakaya' ko pitenor, pisenger aca ko podac no pae'no. Ano enem, ano falo toki ko sakatatodongay. O pipatado a mipela' ko podac nora pa'eno, ato mipatado a mipalal ko sakalomahad no naniwac.
Mapalalto kora pa'eno i, taktaken a mifalah koya sapitenor a nanom, sasawen to cecay, ano tosa to faelohay a nanom. Tangsolen a mi tahepo i to'eman. Saliyaliyawen a mi senger a maemin to faelohay a nanom i kalanaman ato i kalafian.
Skasepat ato sakalima a romi'ad i, manga' to makaen.
Aka pacidalen a mipacengo'ho, caay ka tata'ang ko lomengaw. Sakalyawlyaw (sakaliyalaw) saan ko papah nira ano ecaka pacidal. Sakandaw sato ko papah ano caay ka pararid a mapalengaw i to'eman, 'angrer a makaen ko mahaenay a cengo'.
--
Adihay ko cengo' no naniwac i icifa. *icifa, 『市場』之日語借詞。