Cen Cuiyu

Cen Cuiyu (陳翠玉)

Cen Cuiyu (1917 miheca 2 folad 9 romi’ad – 1988 miheca 8 folad 20 romi’ad), pacimil a ngangan ci Rencing[2], aniniay Taywan kangkoho kiwiko a patirengay, masofoc i Canghua no Taywan a mala kangkohoay ato cisalongocay no finawlan sician onto tamdaw, o nai pikihatiya to pipatireng to Taywan daykako isingan kangkohopo, Taywan daykako kangkoho pitilidan, ta misafa’eloh i naikoran no kalalood Taywan kangkoho kiwiko a pifalic, nanoya, micikeroh patireng to salongoc a harateng “Polong no cikiw fafahiyan Taywan nikapolongan onto” (Women's Movement for Democracy in Taiwan) a kasawasil, ato mihapiw micoker to malatenokay Taywan kitakit sanay a sasowalan.

O kacitaneng ningra katadamaan i isingan no Taywan a sarakatay minanam i daykako citamohong to kakosi no Taywan a kangkoho, ato sa’ayaway matahidang no hekalan isi kasawasil a Taywan a kangkoho tamdaw[3].

Rayray no 'orip (生平)

Ka’emangan (早年)

Namisawad i Canghua kaucong i, kona awaay ho ko pasayraan no harateng to ikor i, saan na miliso’ tayra ko faki i Xiamen; manengneng ko itiraay i Xiamen ko caayay ka korac ko liyok no niyaro’, ta miketon pasiisi ko nisafaloco’an a dademakan[3].

Ikor, tayra i Dipon ci Cen Cuiyu itira i Saint Luke fafahiyan kangkofo pitilidan, misawad i 1941 miheca itiya, o nika fangcal no nipitilid ni Cen Cuiyu mafana’ saka lalicay to no Dipon ato Inkiris a sowal, saka mafo’ot padoedo itira i Dipon patadoay ko tayal, saan kana’ayen ningra to sapi nokayan tayni Taywan patadoay ko tayal[4]; midotoc to pipalita no citodongay i congtongfo, ci Cen Cuiyu nai 1942 miheca 1 folad tangasa 12 folad itira i Aiyu no Tokyo mikingkiway to kakomodan isi kangkofo[2]

Ka’ayaw kaikor no 228 a demakan (二二八事件前後)

Tono pinokay ni Cen Cuiyu tayni Taywan itira cingra i Pawcienkoan no Taypi a matayal[3], 1945 miheca 11 folad itira to cingra i Taywansio Taypi isingan kangkofo nicokeray kakeridan[2], toya mihecaan 3 folad mihayda ci Chen Yi to sapiocor a analal[5].

Midotoc to sowal na Qiu Feixian aci Chen Cuiyu a sito ci Li Jinrongan i, 1947 miheca 2 folad fangafang k Taywan to 228 a demak, finawlan ato komintang a tapang masasi’ayaw itiya, saan ci Cen Cuiyu mipadang cingra to mamakari’angaw no citodongay tapang no komintang a papinapina tamdaw, nika ikor patodongen no citodongay pacomod i papatayen a ngangan ci Cen Cuiyu. Ikor ira ko caayay ka kahi a widang ato citodongay midemak a mipadangay, saka toya mihecaan saka 3 folad mipacarcar papiliyas to Taywan ci Cen Cuiyu a tayra i Canada milimek[3]:27[4].

Midotoc to pipalita no citodongay i congtongfo, 1947 miheca 4 folad ci Chen Cuiyu citodong haca cingra to Taywansio pinanaman komod a malasingsi tanfasa toya miheca 9 folad[2].

Itiya ci Chen Cuiyu i 1947 miheca 9 folad tangasa 1948 miheca 6 folad mitilid i daykako no Toronto no Canada to kangkofo citodongay kiwikoka pakaala to kompay[2][6], ikor minokay tayni Taywan cingra padoedo matayal i Taypi isingan kangkofo micokeray tangasa 1949 miheca 1 folad, toya miheca 2 folad patiko tayra i Pawcienkoan no Taypi a matayal to kangkofo kakeridan tangsa 12 folad, toya saka 7 folad mala citodongay no kitakit Taywan daykako isingkakoyin patirengan ising kangkofo kakeridan[2][7].

Tawan daykako kangkofo pitilidan (臺大護校)

I ’ayaw no kacitodong ni Chen Cuiyu to kakeridan no kangkofo nao minanamay to kiwikono Padaka; misitapang to saki Tayta isingan ato kangkofo a kiwiko ato sapifalic to lalekoen, halo pipatireng to Tayta isingan kangkofopo, misafaeloh mitelek to patodong no matayalay a kasasiiked no isingan, paisingan taliyok isi kacakat, patongal to kafoti’an no kasofocan ato wawa a rawang masafa’eloh ko kahiraan lalekoen a demak[3]:39-45[8]

Ikoran tiya a Tayta kakeridan ci Fu Sinian kociw mahemek to ’icel ni Chen Cuiyu, nanoya ci Chen Cuiyu i 1950 miheca patireng to kitakit Taywan daykako isi kakoyin pakapi to takaraway kangkofo tayal pitilidan (Tayta fosiw), patorod cingraan sa’ayaway kociw[9], 1950 miheca 7 folad miteka ci Chen Cuiyu citodong mala liciciw no Taywanko kangkofo konghuy[2]. 1951 miheca komintang miocor tayra i Tayta kangkofo pitilidan malaciawkoan ci Liu Shuzhang fafahiyan; nawhani no tekedan a demak pacomoden ko no sofitay ato teked pikowan i pitilidan, tahaikor caay to kasasinga’ay aci Chen Cuiyu ko harateng[3]:92[4].

1952 miheca 10 folad ci Chen Cuiyu mala kapolongan wiyin no Conghua fafahiyan miliyangay to kongcantang[2], 1954 miheca tayra cingra i Boston daykako no Amilika pakaala to kangkofo dademakan sosi a todong[3]:138. Ikor i 1956 miheca ci Liu Shuzhang mitakaw mitahidang to mangahay tilid, mimangah ci Chen Cuiyuan pakokot to mikelot a raraw, nanoya ci Chen Cuiyu matefoc no hoyin mapalasawad ko tayal marofo[3]:124.

Tahaikor talacowa mapalasawad to no takaraway hoyin ko kaawa no raraw a wacay ni Chen Cuiyu, nika mapasemer cingra saka miliyas to Taywan tayra i Padaka[10]. Oya Tayta kangkofo pitilidan i piliyas to ni Chen Cuiyu mapaherek ko kacitodong no pitilidan[4].

Papotalay no kitakit a onto (海外運動)

Maliyaw haca ci Chen Cuiyu to Taywan tayra i sasifo’ay no Amilika, o pipadang no hakal isi sakapot citodong to itiraay kitakit a isi komong, halafin ko aro’ ningra itira i Puerto Rico[10][4].

Itira i hakal isi sakapot a patado ira ko 18 mihecaan, o sapatodong a tayal lekakawa ci Chen Cuiyuan talacowa caay pikihatiya to papotalay no kitakit a kasacitodongay sakapot onto[3]:160, nika itiraay i Puerto Rico a finawlan misa’icel to sapisiikedan a demak saka cifaloco’ micoker to misatataday patireng to kitakit no Taywan[4].

1980 miheca nai hakal isi sakapot a misawad ko tayal, ci Chen Cuiyu misitapang mikihatiya no Taywan citodongay nikapolongan a demak, ato mikihatiya to Taywan saniyaro’ kakomodan yofayof[3]:160-161. Itiya i 1985 miheca ato i Hawaii ko ao’ ci Kogeorgi masasiparapic, papitilid to pakayniay to Taywan likisi a tilidan, itiya ci Kogeorgi tatiih to ko tireng ningra a ci Chen Cuiyu ko mikotayay mitilid, mihapiw to ngangan “misi’ayaw to katalawan a Taywan” (The Taiwan Confrontation Crisis) tilid.[3]:163[11]

Padoedo i 1986 miheca ci Chen Cuiyu misakapot micikeroh to Taywan nikapolongan, fafahiyan todong a patosokan a sakapot “Polong no cikiw fafahiyan Taywan nikapolongan onto” (Women's Movement for Democracy in Taiwan), oni sakapot dengan i “WMDIT”, ono Taywan a sowal (tilid) "Tanektekay” sanay ko pitahidang[3]:165[11].

Padoedo i 1988 miheca ci Chen Cuiyu mihapiw to “Makapahay kanatal nikapolongan-kawaliay Switzerland” a tilidan, laloma’ no tilid mihalhal to Taywan pasayra i matiyaay o Switzerland a tenokan kitakit[3]:182-197. I 1987 miheca minokay ci Chen Cuiyu mihapiw ato WMDIT sakapot a haratengan papelo, ato miliso’ i Kasiwto a sician marofoay, matiniay demak ni Chen Cuiyu itiyaay a komintang sifo mapacomoday i ciraraway tamdaw, mapalasawad ko sapinokay i Taywan[12][4].

O pinokay o piliyas to hekal (返鄉離世)

I 1988 miheca o hakal nika saniyaro’ no Taywan sarakat i Taywan masa’opo, ci Chen Cuiyu sapinokayan tayni Taywan a mikihatiya, nika o niyah a sapinokay a pitoki mapalasawaday a caay ka nga’ay a minokay, saan o no Amilika a paspoto ko sapisingsi, pakayra to i Singapore milokiyol ta manga’ay minokay tayni i Taywan[4].

Nika o nikato’as to no tatengan, ira ko mimecmecay faloco’ a adada ato o pirakarak i ’ayaw no katayni Taywan, ci Chen Cuiyu itiya i 7 folad 31 romi’ad mnokay tayni Taywan tatiihay to ko tatirengan tangsolsol sa mapatayra i Tayta isingan paising, kaitiraan ho i ising i mangalef ko no roma a adada, saka i saka 8 folad 20 romi’adan miliyas to hekal a mapatay. [3]:236[7]

Pipadongosan ci Chen Cuiyu a lihay itira i 8 folad 26 romi’ad itira i Taypisi Congsan nanlo 3 haw Taywan Kristo ciwlo kiwkay (Cinan Kristo ciwlo kiwkay) midemak, itiya pitademan mapatayra i ka’ayaw no miliyangay i Congtongfo ko rakat[12].

Laloma’an (家族)

Kasofocan ni Chen Cuiyu itira i Canghuasien Hemcen, nano ka’emangan mitoor to mato’asay mikihatiya to Taywan Kristio ciwlo kiwkay Hemi kiwkay, o nano paino’ay to a mala mitooray, ma’emangan ni Chen Cuiyu o mama na kamaenay to masanekay a sasimi malatiihay mapatay o sacecayay a malanaay laloma’an[3]:20-21.

O fa’inay ci Eric Landauer o nano maro’ay i Shanghai, cifafahiay to Congko fafahiyan, nao matayalay to hakalan isi sakapot citodongay patadoay a Germany Yotaya a tamdaw. O kasasi’araw nangra aci Chen Cuiyu itiya i 228 a demak a mamakari’ang milayiw saka tayra i Canada i ’ayaw, tayra i Shanghai pacena’ ko aro’ masasi’araw cangra, itiya ci Eric Landauer padamso ci Chen Cuiyu mipadang[3]:136-137.

Ikor nika 1949 miheca komintang sifo komintang kongcantang kalaloodan milaliw ko komintang tayni Taywan, itiyaay ci Eric Landauer saka taynian i Taywan nasa, nika o fafahi paci’eci sa itira i Shanghai a caay pihakolong, nanoya caay to ka parapic. Nanoyaan ci Eric Landauer aci Chen Cuiyu rarid sato maparapic, saka i 1955 miheca mararamod cangra3]:138.

Tona saka fades tira Tayta kangkofo pitilidan plalw ni Chen Cuiyu papotal no ktakt ma’orip i, ci Eric Landauer malahakelong cangra tayra i Puerto Rico a maro’. O patay ni Eric Landauer itira i 1980 mihecaan miliyas to hekal[3]:141.

Pinengneng to tilid (參考資料)

1.Landauer, Stella Chen. A plan for meeting the nursing needs of Taiwan. 2021-06-24 [2021-06-24]. （原始內容存檔於2021-06-24） –透過open.bu.edu.

2.〈總統府人事調查表〉：陳翠玉，國史館藏

3.李錦容. 台灣女英雄陳翠玉. 台灣: 前衛出版社. 2003年3月. ISBN 957-801-393-0.

4.邱斐顯. 為返鄉而死的台灣女英雄—陳翠玉. 公民新聞. 2010年8月19日 [2015年11月28日]. （原始內容存檔於2020年10月22日）.

5.＜省立臺北醫院護士部副主任陳翠玉派代案＞，國史館臺灣文獻館典藏號00303231542007

6.台灣女英雄陳翠玉追思紀念. Taiwanus.net. [2015年11月28日]. （原始內容存檔於2016年3月4日）.

7.翁青志. 台灣歷史人物誌 陳翠玉：台灣護理教育現代化的推手. 美國加州聖地牙哥台灣同鄉會. 2010年5月1日 [2015年11月28日]. （原始內容存檔於2016年10月29日）.

8.台灣醫界女英雄醫護天使-台灣的南丁格爾―陳翠玉. 台灣婦女團體全國聯合會. [2015年11月28日]. （原始內容存檔於2016年11月21日）.

9.臺大護校 護園共拓. 台灣大學. 2008年5月6日 [2015年11月28日]. （原始內容存檔於2008年12月14日）.

10.安息在自己的土地上. 本土信徒. [2015年11月28日]. （原始內容存檔於2020年1月17日）.

11.護理界的英雌─陳翠玉（1917－1988）. 國立臺灣歷史博物館. 年月日 [2015年11月28日]. （原始內容存檔於2015年11月1日）.

12.邱婓顯. 婦女先驅 台灣護士陳翠玉 (PDF). 真理大學: 13至14頁. [2015年11月28日]. （原始內容存檔 (PDF)於2017年4月19日）.

Papotalay calay (外部連結)

1.楊雅橘. 臺灣護理界的傳奇人物——為正義而戰的鬥士 永遠的改革家陳翠玉. 臺灣基督徒女性

2.靈修協會. 2019年7月4日 [2022年3月8日]. （原始內容存檔於2020年10月22日） （中文（臺灣））.