Cadiway
cadiway (三角網)[mikawit | o yin-se-ma no pisinanot]
O tadacifenekay ko finawlan no ’Amis, mafana’ a misanga to sapifoting, onini a cadiway manga’ay a malanokamayan a cadiway, o sapiala sapipodaw sapifoting a losid, caay ka koesit a pisanga toni cadiway, o sowal no pasifana’ay a mato’asay i, hatosaen ko pifaloden to 'aol, i tenok noya tosa 'aol i, paketingen to kamokoay a 'aol, foloden to i kawanan ato kawili a misahongila,
selak han matiya tono Amilika a tilid A , ikor to faloden ho to ’eric anoca o 'oway ko sapifalod a mikedec, saikoray, itini laeno noya A 'aol, sowoten paketingen to salil, ngoyos noya salil, patatodongen ko kakahad no 'aol, mahapinang to manga’ay a sapitatoy no nakamayan a sakatayal. Ano misanga' to cadiway, patatodongen to no niyah a takaraw, miming to, tata’ang to, caay kafilo a mikakoy.
Itini i Fata’an ira ko cecay a tamdaw, ci Lalan hananay, O pisanga ningra to cadiway i, malecaday tono tao a pisanga, nikaorira, ira ko pifalic ningra to roma, kotayen no ’elic ko tapang nora 'aol, todohen cedeten ko si(鍚)a mipaketing, toya ’elic, misakodaitan to ’elic, ikaka to no 'aol ko kahalafin.
kalomaan (用途)[mikawit | o yin-se-ma no pisinanot]
O sapicadiway to mamangay foting i cilis ato ci'eci, itiya ho tadatingalaway ko nanom no 'alo to, silis to si'esi to, orasaka adihay ko mitaka hananay a mamangay foting, itira ko ma'emangay micadiway tofoting,. ano paka'en to kolong maparesap ko kolong, sa ira ko romi'ad a micadiway, matiya o tasalaman ko ma'emangay a mifoting, nikawrira o pihatatanam konini to picadiway.
malakapah to i, itira to i riyariyaran a micadiway to podaw , poter no kedacay(烏魚苗) , ato hicay no toda. oninian sahetoay i lawac no riyar misi'ayaway to tapelik, ira ko tapelik itiyaay a micadiway, o roma tamdaw misi'ac ko tapelik itiyaay a micadiway. talahekal ko tapelik mahakelongay ko fakeloh ato tafok, wataay ko pisekong nona fakeloh to o'o' no micadiwaya, itira ko pihadidi to adada no 'o'o. salafii sa tomireng i tapelipelikan kinapinapina a mikakoy to cadihay, ano caka pakahadidi to roray caay to pakakaoy to cadiway, orasaka, tadamaanay to ko micadiwayay a tamdaw.
Nikawrira,ano koma'en kita to podaw orama a tamdaw misa'osi'osiay ho, oya kahacecacecay no podaw iraay itira ko olah, harateng to sapaini ako to laloma'an ato widang sanay a faloco' sa adihay koni setikan masalafii.
O podaw sahetoay misasimian a koma'en, o cilah,o damdam teli han i tawyu ha pitenasan, oroma i, mifasfasan i fafa'ed no podaw, ono niyah a nikaolah ko kakomaen, ano kama'en to podaw ca kaca citakid to 'epah ta caay ka fanglih ko ngoyos patahtah a koma'en.
kaitiraan (地點)[mikawit | o yin-se-ma no pisinanot]
Malecad to sapifoting ko cadiway, manga'ay i riyar, i alo' a mifoting, i pala anoca i fanaw a micadiway.
1.i alo', ano sapiala to foting ko cadiway i, cicafay cikapot a tala alo' ko sanga'ayay, cecay tamdaw i mirepet to cadiway, tomireng i nanom no alo', pasi'ayawen to kafafaw no nanom ko ngoyos no cadiway, o cecay a tamdaw miala to papah no kilang, tepatepa han ko nanom no alo', o pilaplap to foting a misa'opo, pasayla toya cadiway a milaplap, masa'opo to a maala.
2.i riyar, I riyar, tona fafalic no romi’ad no kakarayan, kacanglahan ato kaciherangan, saka tosa polo ira ko tolo a romi’ad tangasa to roma a folad to falo a romi’ad, o sa’adihayay no podaw itini i lawacay no Siwkolan a ’alo, mafana’ ko Pangcah/’Amis a finawlan mitala to ka’adihay kasaopo no podaw, itiya to a misanga to cadiway sapipodaw, lafii to i, makelih a talariyar ko mipodaway a tamdaw, roma i milepet to cadiway, roma i, misawsaw anca mihongila to mapodaway a pitelian, cidawdaw ko mifotingay a tamdaw, matedi i lawac no riyar, makapah a nengnengen.
3. Ano i pala i fanaw a mifoting cicadiway i, matiya to sapicada to marakaray i fanaw, itini i, fanaw ’adihay ko kasaromaroma a kakaenen, ira ko toda, cicic, afar, dadam, kahahirahira ko sasetiken. Caay ka nikaw to kakaenen ko mararokay a tamdaw, todongen no kasadakan no foting a mi’eten, ta caay kapilaliw ko matarakaray a matamaay, micomod to i tarakar, cadiwayen haca koya caayay ho pilaliw a foting.
