William Jefferson Clinton
William Jefferson Clinton 威廉·傑佛遜·柯林頓
Ci Wiliyen ciyefoson Kelinton (Ikiris a sowal：Willian Jefferson Clinton), Itini i 1946 a mihecaan, saka falo a folad, saka safaw falo a romi’ad ko kahofocan ningra. manga’ay a panganganen to Piel Kelinton (Ikiris a sowal：Bill Clinton), O fing kosi ato sipikowan to sici no Amilika cingra, mararid cingra a malasakowan no tapang no Arkansas a kanatal, nai 1979 a mihecaan tangasa to1981 a mihecaan, 1983 a mihecaan tangasa to 1992 a mihecaan, malatapang sawaraan no Amilika, o saka sepat polo’ ira ko tosa a rayray, nai 1993 tangasa to 2001 a mihecaan. Itini i 1975 a mihecaan, mararamod aci Hillary Clinton, cecay ko wawa to fafahiyan, ci Chelsea ko ngangan ningra. O tadakapah ho ci Clinton, o safa ho ni Theodore Roosevelt Jr. aci John F. Kennedy, kaemang ho malatapang to cingra.
kahofocan 出生[mikawit | o yin-se-ma no pisinanot]
.jpg)
I 1946 a mihecaan saka falo a folad safaw siwa a romi’ad ko kahofocan ni Bill Clinton, i paisingan a hofocen cingra, so^linay a ngangan i ci William Jefferson Blythe III, o mipacakayay ko mama ningra, i ’ayaw no kahofoc to saka tolo a folad i, masekong no paliding a mapatay ko mama ningra. hofoc han ho ci Bill Clinton i, cacay sa ko ina ningra a midipot a mipalatamdaw cingraan, mafana’ a minanam to samaanen a midipot sanay a tayal, hiday han no ina ningra a papidipot to akong aci amaan, o mipacakayay to maamaan cangra, itiya ho, adihayay ko maliangaay to caay ka lecad ko fanges a tamdaw, oya akong aci ama ni Bill Clinton i, makakanga’ay to roma a finacadan, damsay ko pinangan nangra. I 1950 a mihecaan, misawad to ko ina ni Bill Clinton naipitilidan no kangkofo i, caay ka halafing, mararamod to aci Roger Clinton, o ina aci Roger Clinton to ko midipotay ci Bill Clintonan, safaw lima to ko mihecaan ningra i, mafalic to ko ngangan, o tadangangan ningra to ci Clinton hananay. O kato’as ni Bill Clinton, caay kafangcal, o mali’angay ko padek a mama ningra, ano komaen to 'epah a malasang ko mama ningra i, miseti’ay milokesay to ina ningra, masafaya’ no padek a mama ca Bill Clinton a malakaka, safa ni Bill Clinton ci Roger Clinton Jr. awaay ko karariting nangra a tatosa, caay kalecad ko mama nangra.
palatamdaw 教育[mikawit | o yin-se-ma no pisinanot]
Itini i Wonsing hananay a tokay, iraay ko Senyehan Tinsokiw a kosiyaw, Lanpo kosiyaw ato takaraway a pitilidan, itini ci Bill Clinton a mitilid, O cifenekay, ci tanengay mafana’ cingra a mikerid to kapot, maolah cingra to kakeng anoca o radiw. Mikapot cingra to yofayof no pitilidan, mafana’ cingra a miiyof to sakesefong hananay a losid, o saidahiay no kanatal no kakeng cingra, ciharateng cingra, manga’ay kako a malatapang nonini a yofayof saan cingra, nikaorira patiri saan cingra to niyah a tireng, sowal sa:
Ya safaw enem ho ko mihecaan no mako i, ciharateng kako a mamikapot to hokoing a ’orip.
Maolah kako to kakeng, fangcal ko pinangan no mako, nika, mafana’ kako, caay ka lecal ci John William Coltrane anca ci Stanley Getz,a tahada’oc.
Cifaloco’ kako a malaising, manga’ay kako a malasafangcalay a ising, nika, mafana’ kako, caay ka lecad ci Michael Debakey kako a tahada’oc.
Nikaorira, mafana’ kako, manga’ay kako a midama mikapot matayal to ’alomanay a finacadan no mako.
Itiya to 1963 a mihecaan, safaw pito ho ko mihecaan ni Bill Clinton, iraay ko tosa tataakay tadamaanay a demak, cifaloco’ to cingra a mikapot to mamatayal to demak no finawlan. Saka cecay i, makaka’araway to tapang ci Johh F.Kennedy, O taypiw no kapah cingra a mami’araw to loma’ no tapang.
Saka tosa a demak, o pakatengil ningra to kimad ni Martin Luther King Jr. ira sakoparatoh ko kimad no mira to ”iraay ko lemed no mako”. Ona tosa a demak, cifaloco’ to cingra a mamidemak to demak no finawlan. Pakalayap to ci Bill Clinton to takaraway a saway no picodadan i 1968 a mihecaan, itini ho i pitilidan, malamatayalay ni honkoing ci James William Fulbright, mafanafa’ a midemak mipadang to tapang ningra.
I 1969 sakamoetep a folad mikapot to sapipalasawad to a mala’ada, itini to a mihedot to mowa, nikaorira, caay ka pihedot kako sanay ko sowal ningra.
Marepon to ko ta’akayay a pitilidan i, micomod to i Yale Law a pitilidan a minanam to tadamaanay a tatiliden, 1973 a mihecaan pakalayap to cingra to sarikec to Posi no saway to picodad.
raramod 配偶[mikawit | o yin-se-ma no pisinanot]
Itini ho i Yale Law a pitilidan, mangangoha ato ci Hillary Diane Rodham, caay ka halafin mataloma mararamod cangra toya 1975 a mihecaan, cecayay to fafahiyan a wawa nangra, ci Chelsea Victoria Clinton ko ngangan no wawa nangra, itini i 1980 a mihecaan a hofocen.
mikapot to sici 政治生涯[mikawit | o yin-se-ma no pisinanot]
Itini to i Akense taakayay a pitilidan, pasifana’ ci Bill Clinton to no rikec a rayray i, 1976 a mihecaan malatapang no Akense no kitakit, o kapolongan no kicacan hananay cingra, i 1978 a mihecaan malatapang tono Akense cingra, itiya kaemang o kapah ho cingra, tolo polo’ ira ko tosa ko mihecaan ni Bill Clinton itiya.
Saayaw ningra to malatapang no Akense i, matikeda ningra ko ’adihayay a demak, misetek to koesitay caay ka filo ningra a kayki, nikaorira, cifaloco’ cingra to aka i Akense a mipatireng to nanmining hananay, caay ka kahi kaya Congtong ci Jimmy Carter, saraw aloman ko tamdaw caay kaolah to mincotang.
Oya to fafahi ni Bill Clinton i, misaharaterateng, ano capaketingen ningra ko ngangan no fainay ningra ci Clintong, ’alomanay ko mapiliay cingraan, o tadamalokesay to a fafahiyan han nangra a mapoi ci Hillary Diane Rodhaman.