Abdulla Yameen

nani… a masadak Wikipedia

Abdulla Yameen (阿卜杜拉·雅門·阿卜杜勒·蓋約姆)[mikawit | o yin-se-ma no pisinanot]

Takaray a Sowal (概略)[mikawit | o yin-se-ma no pisinanot]

Mahaholo ato Congli no Indo (PM Narendra Modi at the 18th SAARC summit)

I 1959 a miheca (年) saka 5 folad saka 21 a romi’ad masofoc ci Aputola Yamen Aputole (Abdulla Yameen Abdul Gayoom), o citanengay to sici ato kicai. I 2013 miheca tahira i 2018 miheca saka 11 folad malacontong no Martifu a kitakit (malamikomoday a tamdaw). O safa no i'ayaway a contong ci Mumon Abdulla Yameen Atotule Kaiyimu, ona tamdaw i, 30 ko mihecaan ko kalacontong ningra.

O Sawara’an no kitakit no Marifu (Maldives; Holam a sowal: 馬爾地夫) anini i ci Abdulla Yameen, patirengan a romi’ad i 2013 a miheca saka 11 folad saka 17 a romi’ad.

lalamod 配偶[mikawit | o yin-se-ma no pisinanot]

O fafahi ni Aputola Yamen (Abdulla Yameen) ci Fadimat Iprahim (Fathimath Ibrahim), sasepat ko wawa nangra,

I 2015 miheca saka 9 folad saka28 a romi’ad toya papacem, nai SawtiAlabo a minokay, maepod to hikoki, mamikalic to mafasiway a tamina (遊艇), tatayra i Maley (首都馬累), kinafanaan haw i, mamangata to toya Minato no contong (Izzuddeen Faalan 總統碼頭), “pong” sa a mapokca koya tamina, fafahi ni Aputola Yamen (Abdulla Yameen) mangeroay maketonay ko 'okak, miniwing to cecay a folad i isiisingan, oya to tatosa a midamaay ci congtongan i, o cecay i, caay kamaan, o cecay to i, karetengay to doka’ no mira.

salikaka 兄弟姐妹[mikawit | o yin-se-ma no pisinanot]

O kaka ni Abdulla Yameen haw i, nai 1978 a miheca (年) saka 11 folad ko pisatapang nira a malasawara'an, tolo polo' a miheca ko malasawara'an no Maldives (馬爾地夫). o safa ci Abdulla Yameen enemay a miheca ko malasawara'an ningra, misatanam a miliyaw caay to ka pakaala, mafalic to.

natayalan 事蹟[mikawit | o yin-se-ma no pisinanot]

misakayakay 橋[mikawit | o yin-se-ma no pisinanot]

nai 2013 tangasa i 2018 a malacongtong ci Abdulla Yameen (Abdulla Yameen) i,

iraay ko natayalan nira, saka cecay, i 2015 mipatireng to kayakay (Sinamalé 大橋), o pitongal o pitongodan to sawali no Maley (首都馬累) ato i kitiraan no Wieyna(Vienna International Airport 維也納國際機場)toya ka^tip no Helhulay a kanatal (Hulhulé 島), onini a kayakay ira ko pirakatan no tosiya/paliding, tatihi ira ko no otofay a pirakatan, ilawac no lalan o no pirakatan no tamdamdaw, i 2016 a miheca misatapang misanga, tayni to i 2018 a miheca falo folad 30 a roma’ad pangangan han to ni Yameen (Yameen) koni kayakay to sinamale (Sinamalé 大橋).

misakakahad 擴建[mikawit | o yin-se-ma no pisinanot]

Mitongal misakakahad to kitiraan no hikoki ato sakitamdaw a lalan itini i Velana (Velana 國際機場),manga’ay toko hikoki a naifafekan a maepod, tedac sato a micomod to kitiraan no hikoki, malowan to ko pisataliyoliyoc no hikoki itini tona cikang, i 2018 a miheca fangcal to a matongal a sakakahad ko pahikokian/hikociw. Anini tona pahikokian maedeng maparo’ ko 150 a mang matongal to 800 a mang, ci cedi to a midama mipacafay to alomanay a tamdamdaw. Ira haca ko roma a mipatirengan nira to pahikokian, caloway aloman aloman ko tayniay a tamdaw. 2019 a miheca adihayay ko harateng nira, misanga patireng to roma faelohay a ono nanom a hikociw, fangcal a malaheci i, malinah to maemin a tayni tona faelohay a kitiraan.

misaloma' 建造房屋[mikawit | o yin-se-ma no pisinanot]

Itini malasawara'an ci Aputola Yamen (Abdulla Yameen) haw i, mafana’ a miherateng to sakanga’ayaw no Maley (Hulhumalé 首都胡魯馬累), i 2014 a miheca misatapang to mikarkar mipatireng to ta’angayay a kamaro’an, misakapah to lalan, caay ko patireng aca, mipacakat ho to kakahaday a kiloma’an, pangangan han nira to Hiyaa (Hiyaa), maedeng nga’ay ko polo’ a mang a tamdaw a maro’ itita, saska tosa nira a rayray mamipatireng to kaloma’an, no tamdaw, edeng maro’ ko cecay a mang ira ko falo polo’ ko mamamaro’.

paisingan 醫療設施[mikawit | o yin-se-ma no pisinanot]

Pakayni tona o sakanga’ayaw no adada’ay a tamdamdaw, ira haca ko harateng ni Yameen (Yameen),

nga’ay a maalah ko doka’ anca o adada’, patirengen nira ko fa^lohay a pikcoran, tosa polo ira ko lima ko tongroh, laloma’ ira ko safangcalay no matayalay a ising, micomod to ko calowayay a kikay, pangangan han to ni Yameen (Yameen) toni paisingan to Dharumavantha.

pito'oran 信仰[mikawit | o yin-se-ma no pisinanot]

O pitooran ni Aputola Yamen Aputole Kayimo (Abdulla Yameen Abdul Gayoom) i, o Islam (Arapiya a sowal: الإسلام, al-’islām‎; Holam a sowal: 伊斯蘭教)

kakafitan i papotal (外部連結)[mikawit | o yin-se-ma no pisinanot]