安倍晋三

安倍晋三Apiesinco(Dipon a sowal:安倍晋三／あべしんぞう),

Takaray sowal (概括)

I 1954 miheca saka 9 folad saka 21 romi’ad sofocen, o mikapotay to Ciyuminsiyuto(Dipon a sowal:自由民主党／じゆうみ

んしゅとう Jiyū minshu tō), o Sosiyan no Dipon. O tada no sieci a loma’ ko laloma’an ni Apiesinco,o winaay a faki ira ci Kisinoposki(Dipon a sowal:岸信介／きしのぶすけ) aci Satoisaku(Dipon a sowal:佐藤榮作／さとうえいさく), sa ira ko sowal cecay a laloma’an tatolo ko malatapangay. o akong ningra malakiingay,wama ningra malatapangay no sifo. I 1982 miheca satapang misinkiw,28 ho ko mihecaan ningra, i 1993 miheca pakaala to sinkiw nani Yamakuci kowan a lipoiing, i 2006 miheca tahira i 2007 miheca miceror ci Koicumi Ciyuiciro (Dipon a sowal:小泉純一郎／こいずみじゅんいちろう) mala solitaycin, cecay miheca ciadada to tinai’ sawad sa malatapang. I 2012 miheca saka9 folad, miliyaw heca maala mala solitaycin, tahira i 2020 miheca saka8 folad saka 28 romi’ad malaliyaw koya tinai’ a adada, laheci sato a misawad mala solitaycin.

Ono ka'emangan ho a 'orip ato pitilid(早年生活及教育)

I 1954 miheca saka 9 folad saka 21 romi’ad i Tokyu a sofocen, o tatapangan a niyaro’ itiraay i Yamakuci kowan, o aniniay a Ciyomon-si.o wama ningra i na malatapangay no sifo yo mala solitaycin ci Nakasoni-Yasuhiro(Dipon a sowal:中曽根康弘／なかそねやすひろ), o wina ci Kisi-yoko o dengan wawa ni Kisi-noposuki,[4] tatoloay malikaka, nano mamangan minengneng to kala tapang no wama ato faki.

Mitilid ho i kaocong, o kakaolahan a kamok o cili(palapalaan)[5], yo misawad to nani kaocong micomod i Sikitaykaku i Tokyo(成蹊大學;せいけいだいがく，Seikei University）mihatatanam to sieci, 1977 miheca malepon to ko pitilid i taykaku, tayra i Amirika mikinkiw to sieci,mafatad ko mihecaan sawad sa a mitilid minokay i Dipon. 1979 miheca matayal i Kopi-Misamaraday. To cila a mihecaan satapang to a misinkiw to sieci, mararid a matayal tono sifo a demak.[6]

O lalengatan a makuwang mipatay(刺殺原因)

Ira ko sinkiw no Dipon I 2022miheca saka 7 folad saka 10 romi’ad to Fafa’eday-Pikaykian a iing,mipadang i Apie to niyahan a kasafelaw i Nara mikimod i lawac no lalan,makuwang matama i li’er ato falohang i faloco’, tangsolan pakahikoki patayra i paisingan a micaloh paising, toya romi’ad herek no lahok 17:03 ko toki mila’eto to sera’ 67 ko mihecaan ningra.

Oya mikuwangay a tamdaw o sofitay no riyar ci Yamakami ticiya (山上徹也; Dipon a sowal:やまがみてつや)macepet itira to toya pikuwangan ningra.ona Yamakami hananay a fainayan a kapah to wawa ho mapatayay to ko wama ningra,[4] 1980 miheca a sofocen, anini 41 ko mihecaan,2002 miheca saka 12 folad mitilid i Nakasaki kowan, misawad i, misikan malasofitay no riyaran,nani 2003 miheca tahira i 2005 miheca ko kalasofitayan i riyar.[5]

O sowal ni Yamakami to tayhin, micokeray ci Apie to Malacecayay-Pitooran, orira ko sakaci’inter ako ci Apiean sanay. Ona pitooran i,o nani Hankoay matenak tayni i Dipon, o ngangan nona pitooran “世界和平統一家庭聯合會; Hanko a sowal:세계평화통일가정연합),[6]o ‘aiaway a ngangan o 統一教hananay.

Mapinko ko loma’ to sapakifo(教會捐款導致家財破產)

o wina ni Yamakami o salikaka nona kiwkay, na micomod ko wina ningra tona pitooran mapaci’ci no kiwkay a papipakifo to adihayay a payso,mapaliwalay to tosa a loma’ to sapakifo aca, i 2002 miheca patalahekal to kapinko no loma no tireng.[7] O kaka sa ningra halafin ko kaciadada cato ka pakahadidi to mikiyamay a ‘orip kinapatay sanay to, ona sa ci Yamakami yo itira ho i kalasofitayan ciharateng to sakapatayaw.[8]

O roma a sowal no salikaka, mipatangicay ho ko kiwkay a papi’aca to masamaamaanay dafong ni paliwalan no kiwaky, ano adihay ko pi’aca adihay ko ka hepol no raraw sanay ko sowal no kiwkay, maholac to ko mina’angan a payso, o sak’orip to awa to, orasaka liyas sanay to to kiwkay.

I 2021 miheca i karafawfawan,ira ko demak nona kiwkay to “kasatateko no rihaday a kakarayan” sanay a demak, manengneng ningra i wangro(cacalayan) mikimad ci Apie to salikaka nona pitooran,[9] o malasalikakaay a widang nona kiwkay ci Apie han sa ko piharateng tongal sa ko ka rokrok no faloco, ni Yamakami.

2022 miheca saka 7 folad saka 11 romi’ad o kakeridan no Malacecayay-Pitooran ci Tanaka Tomihiro mipasowal to simpon kisiya:[11] [12]

1. Oya mikuwangay mipatay ci Apiean a tamdaw ci YamakamiTacuya cowa ko salikaka no kiwkay, awaay ko kafana’an to kaira ningra a tayni mikapot to saopo no salikakak.

2. O win ani Yamakami-Ticuya i 1998 miheca micomod to kiwkay, inanengay a tayni i kiwkay, mikapot heca to kalosaopo no kiwkay tahira i 2009 miheca. Toikor awa sanay a papising, nikawrira, pisatapangan no aniniay a miheca cecay folad kinacecay a ira tayni mikapot to demak no kiwkay.

3. O pipakifo no salikaka to kiwkay ira ko “kalofolad a pakifo”, “pakifo to pilipayan”, “cawa ka pangangan a pakifo” ko kasasiiked, itiya ho iraay ko tata’akay a pakifo a salikaka, nikawrira, cowa ka paci’eci ko kiwkay.

4. Mafana’ay ko kiwkay to kapinko no laloma’an no wina ni Yamakami-Ticuya, nikawrira, caay ka laheci ko kafana’ no kiwkay to hakowaay ko pakifo, mamanay mapinko ko loma. O pakayniay to pakifo a demak misolapay to ko tayhin, o tayhin sao ko mamafana’ tonini ca to ka somowal kako itini.

pacefafay a tilid(註腳)

[1] 1957 miheca mala solitaycin.

[2] 学校法人成蹊学園成蹊ニュース(2006)年度）. （原始內容存檔於30 August 2010） （日語）.

[3] Profile. Shinzo Abe. （原始內容存檔於9 October 2008）.

[4] 山上徹也背景曝光！「奈良知名高校畢業」喪父後家道中落. 三立新聞網.

[5] 【速報】X容疑者、任期付きの自衛官　2005年に退職. 富士新聞網. [2022-07-08]. （原始內容存檔於2022-07-08） （日語）.

[6] 文鮮明 (基督教, 1920-. 熱愛和平的世界公民. Zhi ku chu ban http://worldcat.org/oclc/754607725. 2011.02. ISBN 978-986-7264-68-8. OCLC 754607725. 缺少或|title=為空 (幫助)

[7] 旧統一教会「山上容疑者の母は正会員」…会長会見、０２年頃に経済的破綻「事実」（読売新聞オンライン）. Yahoo!ニュース. 2022-07-11 [2022-07-11] （日語）.

[8] 《安倍元首相銃殺》「母親が宗教に傾倒し、大病を患う兄が自殺」山上徹也容疑者が自殺未遂に至った“不遇な家庭環境”と事件直前の“悪質レビュートラブル”, 文春オンライン, 2022-07-10 [2022-07-11] （日語）

[9] 山上容疑者が恨みを募らせた「統一教会」安倍氏は関連団体のイベントにビデオメッセージ（NEWSポストセブン）. Yahoo!ニュース. [2022-07-11] （日語）

[10] 【速報】「安倍元総理は当団体の顧問になったことはない」安倍元総理が銃撃され死亡容疑者の母親が信者の宗教団体「世界平和統一家庭連合」が会見「献金問題は捜査中で言及は避ける」（MBSニュース）. Yahoo!ニュース. [2022-07-11] （日語）.

[11] 宗教団体が会見「団体への恨みから殺害に至るまで距離があって困惑」信者の容疑者母親の献金について「たどり切れていない」（TBS NEWS DIG Powered by JNN）. Yahoo!ニュース. [2022-07-11] （日語）.