'aol a loma'
Mafana’ay kiso tono mita o Pangcah/’Amis to masamaanay kopi saroma’ to kalo’aol haw?
Mafana’ay kiso haw hakowaay to koka kaharafin no ‘aol a sasaroma’en no mita o Pangcah/’Amis itini i Taywan? Ara:tek nanotoa’s tahanini i pakaaraay to topinapi:na a mihecaan.
Nawhani o ‘aol hananay, caay ka re:cad to kalofak^loh ato malad a ngaay harafing a sasaroma’en, sanaw caay kangaay a hapinangen to kalo mih^caan no nira. nikaorira tadamaan to ko pisanga’ ami saloma’ ato kalomaanmaan sakatayar ko ‘aol hananay.
Romasato, iraay ko pinanama no mita o Pangcah i tini i roma a finacadan to sakafana’ amisanga to kalomaamaan, nikaorira iraay kono mita o Pangcah to sakafana’ to ‘aol ami sasanga to roma’ ato kalomaamaan a sakatayar, ano o pongki to, ano o pa^dangan to, ano o tapira’ to, ano o caina to, ano o halac to, ano o cadiway to, ano saasik to, to kalo maanmaan to saka ‘olip i, awaay ko ma’osaway. Arate^k caayho pakatoor ko roma a finacadan.
Samaanen no Pangcah/’Amis ami saroma’ ko ‘aol ?
Ano omaanto a ‘aolan i, nga’ayay to a sapisaroma’ , ano o hecek to, ano o patih to, ano fadahong to, ano kafoti’an to fakelar, haro pa’ayama, pakoloan, pafafoyan, romasa o ‘adiber no rikot ato omah, awaay ko caay ka o ‘aol ko sapisanga. Anoya tatangaay a tapangan a fitonay ato te^kis i, mangaay a maro hecek no roma’ ato ‘adiber, mangay a paroma to ‘aol a maro ‘adiber no omah ato niyaro’, aca o sapi’ading to fali, yaki^minay a ‘aol toya foro’ ato kintor hananay i, ma^deng a maro patih no roma’.
Ano o ‘aol ko sapisaroma’ no mita o Pangcah/’Amis i, caay karecad tono Payrang apisanga, o mipera’an a ‘aol pacamor han to ‘eli’ kopisanga to patih, ono Payrang hawi o ‘aol ato sota’ kosapisanga to patih, ano o Tayar(泰雅族) ato Paywan(排灣 族) a finacadan to pisanga to roma’ hawi iraay to ko nganra apisaroma’ to ‘aol.
Masamanay ko pinaang no Pangcah/‘Amis to ‘aol.
Nawhani ano o ‘aol ko sapisaroma’ ato sapisanga to kalo maamaan a lalodisan i, ranikayay a cifawo a mapohed, ano o padih to, ano o ‘adiper to, ano karaheciken to, caay ka pina amihecaan i, mapoheday to, sanaw miharateng to cangra to sakahalafinaw no ‘aol a caay ka ranikay a mapohed.
Sakacicay : Sasawen to nanom tiya pacolemem i fanaw to pinapina a romia^d,tiya hadaken pawali tosa pipatay tona fawo, ami
sa’ateka tora ‘aol.
Sakatosa : Hodhoden to ‘acefer no namar, tosapipatayaw tora fawo no ‘aol, romasahaw, maherek ami saroma miroroh to
namar i raroma’ no roma’ topinapina a romia’d, tiya caay kacifawo ko roma’ osanay. omisangaan tora pongki,
p^dangan, caina,….hatiraay toko tayal.
Oranan apisaroma’ ato pisanga’ no mita o mato’asay Pangcah/’Amis i, o fana’ nangra to tayal to pakayraay tora ‘aol, romasato i mafanaay haca ko mato’asay ami todis to podac no ‘aol, ato mitolik to fakelar, ato mipatadipi to ‘aol misanga to patih ato fadahong aca o’adiper.(Suman2023/06/01)