Miyamaya niyaro’

Miyamaya niyaro’ （太昌部落）

Roma ngangan no Miyamay Lidaw han ko pangangan, sakasadak noni a ngangan i no ka Dipongan ho a ngangan, i sa’amisan i lawac to, na niyaro’an no Cikasoan, itiya ho Pararic han ko ngangan, palafacan han. Nawhan aloman ko finacadan, sa’amisan a otok no Natawran masadafdafay a pala, saka salaenoan han ko pangangan.

Ikor to no kalala’isan a demak no Cikaso’an, macefis to no Dipong ko paniyaro’an no Cikasoan “Ciyifangcalay a niyaro’ han.” itiya i oni a Lidaw i, o sa’amisan no Ciyi a niyaro’, malo ka kawmahan to no mafolaway a Dipong. itiya i awaay to ko cecacecay no Pangcah itira a maro’. Itiniay a tamdaw i maemin to mafolaw tayra i palayapay no Posong patireng to falohay a niyaro’ Cikasoan han roma i tayra i roma a pala paniyaro’. Nengnengen i na’angay a tilid, onini a pala tahira to i 1922 a mihcaan ta ira ko a enem lalomaan nano Takofan a Sakizaya a finacadan mikilim to kamawmahan, doedo sa i sap otan a ’alo pasatimol a mafolaw, ikor to i, itini to i laeno to no lotok no Cikasoan, missatapang to pamatang to omah saenger sato paloma’ a maro’.

Sa’osi han ko patikoan no Cikasoan a tamdaw tayni a ma’orip, itini to i 1930 a mihcaan, ira ko tamdaw no Natawran ci Falah Fafoy patadoay to Dipong mikilim to mamisakoli tayra i Loki a pala matahidang ci Siri, Potal Pohngoy, Dawa Kacaw, ci Fedi’ Poces, ci Hino Lo’oh, ci Mayaw Soleda’ a enem ko tamdaw no Cikasoan tayra a mafolaw.

Mahayda ko paro no loma’ tayni maro’ ko mafolaway a Dipong, malepon to ko tosa miheca, cikilac to sota’ cangra to ko mawmahay, o kinayra lalikel sa makilatosa. Nanoya ya a enem a tamdaw no Cikasoan saenger sato paloma’ mala falohay to a niyaro’ no Cikasoan.

Pi’arawan to lakaw

• 台灣原住民族歷史語言文化大辭典
• 李景崇，1998，《阿美族歷史》，臺北：師大書苑。
• 黄宣衞，2008，《阿美族》，臺北：三民。
• 達西烏拉彎‧畢馬，2001，《臺灣的原住民 : 阿美族》，臺北：臺原。