Yohani Hafod

Yohani Hafod (約翰·哈佛)

Yohani Hafod (Inkiris: John Harvard, 1607 miheca 11 folad 26 romi’ad - 1638 miheca 9 folad 14 romi’ad), o nano Charles niyaro’ i Massachusetts a foksi. Pa'ayaway patireng to Hafod daykako a tamdaw.

Kaemangan miheca (早年)

I 1607 miheca 11 folad 26 rmi’ad masofoc itini i Southwark no England niyaro’ Ci Yohani Hafod, itira a mato’as, o saka sasepat a wawa to sasiwaay nangra a malekaka. O mipacokay to ’a’adopen ato tawki no kaliepahan ko mama ni Hafod, o mama no ina a akong ningra o malaiingay no niyaro’, o nano malekapotay to mama ni mikikiay Sasepiya (Shakespeare) a matayal i cisifo.

I 1625 miheca, ona tahalifong a mapatay ko mama ato sasepatay a salekaka to fa’inayan fafahiyan ningra itiya, ikor miliyaw ci fa’inay ko ina. Itiya i 1627 miheca mapatayra no mama ato ina cingra i Emmanuel kakkoyin (aniniay Cambridge daykako) minanam, i 1631 miheca misawad padoedo haca minanam, i 1635 miheca ciniala to sose, nanoya mapatireng cingra to kala foksi.

I 1638 miheca 9 folad 14 romi’ad, mararamod to safa to cefang i daykako ni Hafod mitilid a fafahiyan, saka 2 miheca to 11 folad malahakelong tayra i New England sa’etal a Charleston niyaro’, oya aniniay Boston i Massachusetts sa’etal, itini toya niyaro’ a kiwkay malafoksi ato malaciwlo pasifana’ay.

Rocok a paror (遺產)

I 1638 miheca 9 folad 14 romi’ad, ciadada to fala’an mapatay ci Hafo, i’ayaw no patay ningra o kalotilid a hong ato malitosaay sera a paloma’an (salongan 780 Inpang a payso, o tatodong no picalap to Massachusetts cecayay miheca a mialaan a sata) pafelien ko fa’elohay kakkoyin (New College, caayay koya Oxford daykako fa’elohay kakoyin). O pipatodong to nga’ayay a demak, itiyaay nicalapay citodongay mitelek no Massachusetts i 1639 miheca micering tonini a kakoying falicen ko ngangan “Hafod kakoyin” han to, oya ikoray Hafod (Harvard) daykako.

I 1884 miheca, oya mito’to’ay ci Daniel French mipatala misanga’ to sinalit no Yohani Hafod (John Harvard) nasa, o nikahalafin to no mihecaan, awaay ko nicokaan a siyasin, saka ci French sato, mitama ningra ko tatoloay a Model, masanga’ ko sinalit ni Yohani Hafod (John Harvard). Sacitilid sa i laeno a toloay rowis: Yohani Hafod (John Harvard), mipatirengay tamdaw, 1638.

I 1924 miheca 4 folad 15 romi’ad, o sinalit ni Yohani Hafod (John Harvard) malinah patayra i laloma’an no pitilidan, o misawaday naitini mitiliday saraheked sa ko sowal: onini a sinalit nai papotal micomod to i niyaro’, nai palapalaan micomod to tayni laloma’an.

Kahemakan a katengilan (趣聞)

Saki mitiliday no Hafod (Harvard) daykako i, o ’alomanay mitiliday sito, ’ayaw no piseking tayra i sinalit ni Hafod (Harvard) mipohpoh to kocu saka cilemed miseking, kamatini no romi’adan, onini a kawiliay wa’ay satomeli’ sato.

Pinengneng a tilid (參考書目)

1.徐飛，《細看哈佛》，北京：花生文庫