Wurosi Simpu

Wurosi Simpu (吳若石神父)

Wurosi Simpu (Toic: Josef Eugster Johann, 1940), masofoc i Switzerland, o Simpu no Tinsokiw, o nano Payrenwayfang tintokay Taywan sa’etal kakeridan ato Kakacawan sa’etal mikomoday Simpu. O niano FJM Wurosi Simpu no saripa’ a patangka’ to tireng (Fr. Josef's Method of Reflexology) a palowaday, o palowaday sapiwi’awi’ to saripa’ i Taywan.

I 1970 miheca 8 folad 24 romi’ad ci Wurosi Simpu maocor patayra i Posong mipadama, i 1989 miheca maocor tayra i Kakacawan kiwkay mipadama tangasa anini. Ci Wurosi Simpu malenak ko nirakatan ningra itini limaay faniyot a kitakit ato sa’etal (Australia, United States, Canada, Bolivia, Zimbabwe, Tanzania, China).

Kasofocan (生平)

I 1968 miheca mapatireng cingra i niyaro’ Berneck no Switzerland ko kalasimpu, ikor no tosa miheca tayni i Taywan misinting, sarakat itira i niyaro’ no Fanaw no Posong matayal, ikor maocor no citodongay patayra i no Kakacawan sakowan.

Katayni ningra i Taywan i, caay ka nga’ay ko tatirengan ningra a la’em’em malacaan, saka o kapot ningra pa’olid to mafana’ay miwi’awi’ to saripa’ a sifana’, itiya misitapang midemak to piwi’awi’ nanoyaan sa manga’ay ko tatoresan no ’okak.

Nanoya ci Wurosi Simpu misatapang maolah tonini a miwi’awi’ to saripa’, mikingkiw to cingra to sifana’ ato picowat toni a sapawacay to sapacomahad to pakayniay piwi’awi’ to saripa’ a sifana’.

Nikawrira, masapakoyoc ho kasaniyaro’ finawlan no Taywan itiya, awaay ko sapipaising, o nikaitira i niyaro’ no yincumin ni Wurosi Simpu, pasifana’ to saki miwi’awi’ay to saripa’ a sifana’, mangalay cingra to sakanga’ayaw tangka’ no tatirengan no finawlan, nanay o itiniay i niyaro’ a tamdaw minanam to sifana’ no piwi’awi’ t osaripa’, mala sakadademak a tayal, mapacakat ko saka’orip no laloma’an.

Ikor i, masapinang to no kasaniyaro’aro’ no Taywan to piwi’awi’ to saripa’ a sifana’ ni Wurosi Simpu, sa’aloman sato ko misintingay to nga’ayay ni Wurosi Simpu. Pasadaken ni Wurosi Simpu ko nitilidan ningra to pakayniay sapasifana’ to piwi’awi’ to saripa’ a tanengnengan tilid.

I kasaniyaro’ no Taywan i, ala pakafikafit to i pa’acaay to “Miwi’awi’ay to saripa’ ni Wu Simpo” sanay. Onini a tilid, masinting to nai Taywan a Tayra i Hongkong. Ikor, i 1980 miheca a to’ek, tadamaanay ikaan tamdaw ci Zhourunfa misintingay to cecay a miwi’awi’ay saripa’, nanoyaan sato ci Wurosi Simpu ato ningra a picikeroh to miwi’awi’ay to saripa’ itira i Hongkong macowat, madenga to tayra i Congko. Mipahofin ko Conghua renmin nikapolongan kitakit to romaay kitakit tamdaw to katadamaan saki Holam a tamdaw, mapaskaolahay cingra tonini a katadamaan itiya.

Kalaliyangan no ’alomanay ko sapiwi’awi’ to saripa’ a fana’ itiya ho. (因腳底按摩法曾受之爭議)

O nika pakinali mapisinting to piwi’awi’ to saripa’ a fana’ itiya ho, mahinapec to nisafaloco’ an ni Wurosi Simpu to sakaira no sapinga’ay no adada, saka mifo’ot ko isiso no Taywan pakayniay piwi’awi’ to saripa’, saka mala o kasasowalen no tamdamdaw ci Wurosi Simpu, oya sato nano Paylenwayfan sintingkay ira ko pisa’et to demak no sinkiw a tayal. Ikor o Isiso i 1993 miheca mihokok to piwi’awi’ to saripa’ o nga’ayay sapinga’ay to adada sanay to, caay to ko aemeten, nanoya sato o piwi’awi’ to saripa’ manga’ay to ko kacingangan, manga’ayto malenak i kasaniyaro’.

Saki ci Sen John Pall Simpo saka tosa tatapangan no Tinsokiw, midemak ci Wurosi Simpu to piwi’awi’ to saripa’ sakatangka’. (為教宗聖若望保祿二世 施作足部反射健康法)

Matira awaay ko picoker no kiwkay ci Wurosi Simpu. Tangasa i 2003 miheca, mapatiro’ no dayhiw no tatapangan tarokos ci Dai Ruiming to nga’ayay demak ni Wurosi Simpu itiya i, oya caayay ka nga’ay ko karomakat, ato marihaw ko takolaw a pasowal, matakonol ko tatirengan ni Sen John Pall Simpo/hongti, midemak to piwi’awi’ to saripa’ to pinga’ayaw.

Itiya misa’imer ko tatapangan tarokos maocor ko tatoloay a kakeridan misapinang to sapidemak. Misongila’ ci Wurosi Simpu misaheci to pakayniay i piwi’awi’ to saripa’ to sakanga’ay piadah, papitanamen koya tatoloay to piwi’awi’ to saripa’, misapinang i tatirengan nangra masamaanay ko nika nga’ay; saikor haydaen nangra ko pidemak ni Wurosi Simpu piwi’awi’ to saripa’ miadah to adada ni Sen John Pall Simpoan.

Midotoc to sowal ni Wurosi Simpu, ikor no piliyas ningra iraay ho ko padoedoay mipatado to Tatapangan hongti no Tinsokiw hakiya; nika, nano marihaway ko ngiha a caay ka caciyaw, ikor no cecay folad manga’ay ti ningra pasowal saan, itiya mihapiw to Kolosimas a sasowalen. Naitiya, oya miliyangay a salaloma’an no kiwkay i, lasawad sato to tatiihay a sowal, nanoya mihayda to ko kasakiwkay to nidemakan ni Wurosi Simpu.

Pinengnengan to tilid. (參考資料)

1.吳神父施摩力 教宗滿足. [2018-03-18]. （原始內容存檔於2018-03-18）.