Wiy Cuan Simpo
Wiy Cuan Simpo (魏主安神父)
[mikawit | o yin-se-ma no pisinanot]Wiy Cuan (Toic sowal: Vonwyl Gottfried, 1931/6/26-2022/2/23), Paylenwayfan Sinkiwkay Simpu, mararid ko pisinting i Falangaw no Posong.
Kasofoc (生平)
[mikawit | o yin-se-ma no pisinanot]Wiy Cuan Simpu, I 1931 miheca 6 folad 26 romi’ad masofoc i Switzerland, i 1925 miheca micomod i Paylenkay itiya, i 1958 miheca mapatireng malaSimpu. I 1963 miheca, ci Wiy Cuan Simpu aci Miaw Kanceng Simpu (Auf der Maur Hansjörg) nai Marseille minato mikalic to tamina tangasa i Kilong minato, ta tayra i Posong misinting. Ci Wiy Cuan Simpu tayra i Kakawasan patenak, minanam to nai Kikihar mipatenakay ci Po Pisin Simpu (Alios Burke, SMB) to no Kaping a sowal.
Ikor, maocor ci Wiy Cuan Simpu tayra i niyaro’ no Falangaw. Kaitiraan ningra i, misa’icel to no niyaro’ay pipatenak, saan mipatireng to no Payrang a sowal ko pinanam to Fangcalay cudad, mirina’ to no Payrang a sowal to “sapililic ato ca’of”, “pa’aliwacan sasa’osien tilid” a tilidan[1].
I 1965 miheca, Yisokay mapili’ ci Du Hua Simpu patayra i Bangkok, Thailand minanam to no Kociwsya sapipatireng, nanoyaan madadoedo ito ko Taywan mipatireng to Kociwsya[2]. Ci Wiy Cuan Simpu misa’icel to pipatireng to Kociwsya a onto, i 1987 miheca patireng to Kisan Kociwsya[3]. Nanoyaan minanam to ko yincumin a mina’ang to payso, macakat mafalic ko kicay, a caay to patangic mipa’aca to wawa to fafahiyan[1].
I 2003 miheca 10 folad 18 romi’ad, Paylenkiwkay itira i pitilidan no Posong midemak to 50 mihecaan, ira ko Siencang ci Xu Qingyuan makilac to patamohong nga’ayay finawlan no Posong ci Wiy Cuan, Wu Ruosi, Ke De, Yu Huilin, Li Huairen, Just a enemay Simpu ato ci Ou Siding, Fu Yi, Siy Hongdao, Lin Sirou sasepatay Siwsi[4].
Toya mihecaan tangasa 2008 mihecaan, ci Wiy Cuan Simpu tono matoro’ no Sokay no Switzerland Paylenkay Fafa'eday pikaykian ato Switzerland sa’etal kakeridan, orasaka i 2008 miheca ci Wiy Cuan Simpu tayra i Switzerland, halafinay romi’ad itini i Taywan[1].
O sapilongoc minokay tayni Taywan ni Wiy Cuan Simpu, ira ko mata’elifay to 600 salakaka pangangan patayra to tilid i Switzerland, orasaka i 2008 miheca malepon ko lekadan no kala Fafa'eday pikaykian ni Wiy Cuan Simpu[5]. I 2015 miheca 5 folad 11 romi’ad, o kakeridan no Sencefo no Taywan ci Lin Zhengze tayra sa i Posong pakaolah pakompay 13 tamdaw tadamaanay tamdaw, o sakakaay to 84 ko miheca ni Wiy Cuan Simpu[6].
’Ayaw i 1979 mihecaan itiya, ci Wiy Cuan Simpu itira i Lotong Senmo isingan makinsa ni Fan Fenglong ising ci adada to kahetingay tatiihay piras. I 2015 miheca 8 folad, ci Wiy Cuan Simpu malaliyaw haca malinah tayra tayra i fala’ ko adada, ikor oya misawaday a ’aisidan ci Zhang Jiaxiong ko marariday mipatihi patayra i He Xin isingan no Taypi a paising.
Itiya i 2017 miheca 8 folad 3 romi’ad mapatodong no Sakakaay midemakay to laloma’an (Nicenpo) to kaingangan. I 2020 miheca 3 folad 16 romi’ad, ikor no pipakinsi i He Xin isingan, o paliding to ko sakaromakat ni Wiy Cuan Simpu, sanoya sato paherek ko tayal ningra i kiwkay. Itiya i 2022 miheca 2 folad 13 romi’ad herek no lahok 1 ko widi, itira i kamaro’an no Paylenwayfan Sinkiwkay siwkay a miliyas to hekal a mapatay, matadem itira i Tinsokiw no Piwho a pitademan matadem[1].
Tanengnengan (參考)
[mikawit | o yin-se-ma no pisinanot]1.盧俊義. 【專欄】令人感念的魏主安神父安息回天家了. 民報. 2022-02-16 [2022-11-11]. （原始內容存檔於2022-11-11） （中文（臺灣））.
2.黃振國. 儲蓄互助會 台灣社員逾十八萬人. 中國時報. 2004-11-25 （中文（臺灣））.
3.陳賢義. 奉獻台東一甲子 魏主安神父辭世. 自由時報. 2022-02-15 [2022-11-11]. （原始內容存檔於2022-11-11） （中文（臺灣））.
4.施鴻基. 《都是50歲生日！》白冷教會 彌撒有原民舞開路 縣長盛讚是台東縣的好朋友. 聯合報. 2003-10-19 （中文（臺灣））.
5.羅紹平. 600人寫信到瑞士 喚回魏神父 民國52年來台東 把教友當家人 7年前被調回 1年前返台 除非政府趕他 「不會再離開」. 聯合報. 2010-12-07 （中文（臺灣））.
6.莊哲權. 13芳草人物行善獲表揚. 中國時報. 2015-05-12 [2022-11-11]. （原始內容存檔於2022-11-11） （中文（臺灣））.